Komunikadus
- 15 agostu 2024Toleránsia Pontu ba loron 9 to'o 11 fulan-setembru tinan 2024Prezidénsia Konsellu Ministrushare tan
Portavós Governu Timor-Leste
IX Governu Konstitusionál
...........................................................................................................................
Komunikadu Imprensa
loron 15 fulan-agostu tinan 2024
Toleránsia Pontu ba loron 9 to'o 11 fulan-setembru tinan 2024
Konsidera katak, tuir alínea a) husi n. 2 artigu da-7 husi Lei n. 10/2005, loron 10 fulan-agostu, ne’ebé altera husi Lei n. 3/2016, loron 25 fulan-maiu, no 10/2023, loron 5 fulan-abríl, prevee katak bele fó toleránsia pontu ba okaziaun data komemorativu ofisiál;
Haree katak hosi loron 9 to’o loron 11 fulan-setembru tinan 2024, Timor-Leste sei simu vizita husi Sua Santidade Papa Francisco;
Haree ba importánsia husi vizita ne’e la’ós de’it ba Estadu timoroan, maibé mós ba maioria populasaun nasionál ne’ebé fiar iha relijiaun katólika;
Hodi konsidera hanesan vontade Estadu no Governu Repúblika Demokrátika Timor-Leste nian atu simu Sua Santidade Papa Francisco ho distinsaun ne’ebé boot-liu;
Haree ba nesesidade ema ho númeru boot ne’ebé atu dezloka mai Dili atu nune’e bele partisipa iha eventu selebrasaun litúrjiku boot husi Sua Santidade Amu-Papa;
Hanoin mós katak prezensa peregrinu rihun ba rihun maka hein iha estrada nasionál, no presiza garante ambiente ida ne'ebé seguru, maka liuhusi hamenus sirkulasaun veíkulus no asegura estrada sira hotu;
Konsidera katak tuir dispostu iha alínea d) husi n. 6 artigu da-7 hosi Lei n. 10/2005, loron 10 fulan-agostu, ne’ebé altera husi Lei n. 3/2016, loron 25 fulan-maiu, no 10/2023, loron 5 fulan-abríl, kompeténsia Primeiru-Ministru nian hodi fó toleránsia pontu ba “funsionárius no ajentes hosi ministériu ka servisu sira ne’ebé depende ba sira, nune’e mós institutu no organizmu sira ne’ebé integra iha administrasaun indireta Estadu nian”;
Nune’e, tuir dispostu iha alínea a) husi n. 2 no iha alínea d) husi n. 6 artigu da-7 husi Lei n. 10/2005, loron 10 fulan-agostu, ne’ebé altera husi Lei n. 3/2016, loron 25 fulan-maiu, no husi Lei n. 10/2023, loron 5 fulan-abríl, Primeiru-Ministru determina hanesan tuirmai:
Fó toleránsia pontu iha loron 9 to'o 11 fulan-setembru tinan 2024.
Despaxu ida-ne’e kobre funsionáriu, ajente no traballadór hotu-hotu ne’ebé servisu iha servisu administrasaun direta Estadu nian, tantu sentrál ka desentralizadu, ka iha organizmu administrasaun indireta.
La inklui iha númeru anteriór rekursus umanus hosi servisu públiku sira ne'ebé, tanba natureza hosi atividade ne'ebé sira hala'o, tenke hala’o nafatin serbisu durante períodu ne'e.
Sein prejuizu ba kontinuidade no kualidade servisu públiku ne’ebé atu halo, dirijentes másimus husi servisu sira ne’ebé maka temi ona iha númeru anteriór, tenke fó dispensa ne’ebé hanesan ba devér asiduidade funsionáriu sira ne’e nian, iha loron seluk, ne’ebé sei determina bazeia ba oportunidade
Fó instrusaun ba Sekretáriu Estadu Formasaun Profisionál no Empregu atu, hamutuk ho Setór Privadu, promove no enkoraja partisipasaun traballadór sira nian iha atividade sira ne’ebé planeia ba simu Santu Padre, liuhosi autorizasaun ba lisensa husi sira-nia servisu, ho exesaun ba sira ne’ebé, tuir natureza atividade ne’ebé sira hala’o, tenke funsiona nafatin, ho objetivu atu, hamutuk ho funsionáriu sira Setór Públiku nian, bele partisipa iha eventu sira ne’ebé importante tebes ne’e. REMATA
- 15 agostu 2024Toleránsia Pontu ba loron 28 no 29 fulan-agostu tinan 2024Prezidénsia Konsellu Ministrushare tan
Portavós Governu Timor-Leste
IX Governu Konstitusionál
...........................................................................................................................
Komunikadu Imprensa
loron 15 fulan-agostu tinan 2024
Toleránsia Pontu ba loron 28 no 29 fulan-agostu tinan 2024
Konsidera katak tuir alínea a) husi n. 2 artigu da-7 husi Lei n. 10/2005, loron 10 fulan-agostu, ne’ebé altera husi Lei n. 3/2016, loron 25 fulan-maiu, no n.10/2023, loron 5 fulan-abril, prevee katak bele fó toleránsia ba okaziaun data komemorativu ofisiál;
Konsidera katak tuir alínea e) husi n. 1 artigu da-2 husi lei n. 10/2005, loron 10 fulan-agostu, ne’ebé altera husi lei n. 3/2016, loron 25 fulan-maiu, no 10/2023, loron 5 fulan-abril, loron 30 fulan-agostu nu’udar loron feriadu nasionál, hanesan “Loron Konsulta Populár”;
Hodi konsidera katak tinan ida-ne’e hanesan aniversáriu “Loron Konsulta Populár” ba dala 25;
Haree ba importánsia istórika loron 30 fulan-agostu tinan 1999, ne’ebé iha prosesu referendu ida nia rohan, maski iha ambiente intimidasaun no violénsia nian, rezulta ona autodeterminasaun povu timoroan no independénsia nasaun nian;
Hodi konsidera mós hakaran husi IX Governu Konstitusionál atu selebra tinan 25 marku istóriku ida-ne’e hamutuk ho populasaun, ho selebrasaun oioin iha territóriu nasionál tomak;
Haree ba nesesidade atu permite ema sira atu halo viajen ba sira ida-idak nia fatin orijen atu nune'e sira bele selebra data istóriku ida-ne'e ho sira-nia família;
Konsidera katak, tuir dispozisaun sira husi alínea d) husi n. 6 artigu da-7 husi Lei n. 10/2005, loron 10 fulan-agostu, ne'ebé altera husi Lei n. 3/2016, loron 25 fulan-maiu, n. 10/2023, loron 5 fulan-abril, Primeiru-Ministru iha responsabilidade hodi fó toleránsia pontu ba “funsionáriu no ajente sira husi ministériu ka servisu sira ne’ebé depende ba sira, no mós ba institutu no organizmu sira ne’ebé integradu iha administrasaun indireta Estadu nian”;
Nune’e, tuir dispozisaun alínea a) husi n. 2 no alínea d) husi n. 6 artigu da-7 husi Lei n. 3/2016, loron 25 fulan-maiu, no 10/2023, loron 5 fulan-abril, ha’u determina tuirmai ne’e:
Fó Toleránsia pontu iha loron 28 no 29 fulan-agostu tinan 2024.
Despaxu ida-ne’e kobre funsionáriu, ajente no traballadór hotu-hotu ne’ebé serbisu iha servisu administrasaun direta Estadu nian, tantu sentrál ka desentralizadu, ka iha organizmu administrasaun indireta.
La inklui iha númeru anteriór rekursus umanus husi servisu públiku sira ne'ebé, tanba natureza husi atividade ne'ebé sira hala'o, tenke hala’o nafatin serbisu durante períodu ne'e.
Sein prejuizu ba kontinuidade no kualidade servisu públika ne’ebé atu halo, dirijentes másimus hosi servisu sira ne’ebé maka temi ona iha númeru anteriór, tenke fó dispensa ne’ebé hanesan ba devér asiduidade funsionáriu sira ne’e nian, iha loron seluk, ne’ebé sei determina bazeia ba oportunidade.
Fó instrusaun ba Sekretáriu Estadu Formasaun Profisionál no Empregu atu, hamutuk ho reprezentante sira husi Setór Privadu, husu atu fó despensa ne’ebé loloos ba traballadór sira, atu nune’e sira, hamutuk ho traballadór sira husi Setór Públiku, bele partisipa iha selebrasaun ba data ne’ebé importante tebes ne’e. REMATA
- 14 agostu 2024Sorumutuk Konsellu Ministrus nian iha loron 14 fulan-agostu tinan 2024Prezidénsia Konsellu Ministrushare tan
Portavós Governu Timor-Leste
IX Governu Konstitusionál
...........................................................................................................................
Komunikadu Imprensa
Sorumutuk Konsellu Ministrus nian iha loron 14 fulan-agostu tinan 2024
Konsellu Ministrus hala’o sorumutu iha Palásiu Governu, Dili, iha ne’ebé delibera hodi aprova Programa selebrasaun Aniversariu Konsulta Popular ba da-25.
Selebrasaun iha Dili, sei hahú iha loron 28 fulan-agostu, iha Estádiu Munisipál Dili, ho abertura ofisiál ne’ebé sei marka prezensa husi Primeiru-Ministru no membrus Goveru sira seluk. Iha loron ida ne’e sei inaugura espozisaun ida kona-ba UNAMET no feira livru. Iha loron 29 fulan-agostu sei realiza han-kalan ofisiál iha Palásiu Lahane no espozisaun ida iha Arkivu no Muzeu Rezisténsia Timorense (AMRT) ne’ebé dedika ba feto sira rezisténsia nian. Iha loron ne'e mós, sei hala'o "Horta Show", talk show espesiál ida ne'ebé sei marka prezensa husi Prezidente Repúblika, Primeiru-Ministru no Sekretáriu-Jerál Nasoins Unidas.
Pontu aas husi komemorasaun sira sei hala’o iha loron 30 fulan-agostu, loron ne’ebé selebra Aniversáriu Konsulta Populár tinan 1999 nian ba da-25. Loron ida ne’e, sei hala’o sesaun solene ida iha Parlamentu Nasionál, ho prezensa Sekretáriu-Jerál Nasoins Unidas, Prezidente Repúblika, Primeiru-Ministru no dignitáriu sira seluk. Iha lorokraik, iha Estádiu Munisipál Dili sei hala’o serimÓnia públika, iha ne’ebé sei inklui diskursu, dansa tradisionál, minutu-hakmatek hodi fÓ omenajen ba vítima sira, no iha fogu artifísiu espetákulu ida. Hafoin serimÓnia ofisiál remata, sei konvida públiku hodi partisipa iha konsertu muzikál iha Estádiu Munisipál Dili.
Hodi rekoñese katak Konsulta Populár loron 30 fulan-agostu tinan 1999 nu’udar momentu desizivu ba Povu Timoroan nia autodeterminasaun no restaurasaun independénsia Timor-Leste nian, Primeiru-Ministru, liuhusi despaxu, nomeia membrus Governu no lider administrasaun públika sira hodi prezide serimónia sira ne’ebé selebra aniversáriu ba dala-25 hosi data istórika ida-ne’e, ne’ebé sei hala’o iha munisípiu no postu administrativu sira iha Timor-Leste laran tomak, hodi garante reprezentasaun institusionál ne’ebé loloos no partisipasaun maka’as hosi populasaun.
****
Konsellu Ministrus mós deside hodi fó toleránsia pontu iha loron 28 no 29 fulan-agostu, iha ámbitu selebrasaun Aniversáriu Konsulta Populár ba da-25 no iha loron 9 to’o 11 fulan-setembru, iha okaziaun vizita Sua Santidade Amu-Papa Francisco nian mai Timor - Leste. REMATA - 07 agostu 2024Sorumutuk Konsellu Ministrus nian iha loron 7 fulan-agostu tinan 2024Aprova ona:hare tan
✅ 1 - Hatudu importánsia atu selebra loron labarik nian iha Timor-Leste, no hatuur loron 1 fulan-juñu hanesan Loron Nasionál Labarik Timoroan;
✅ 2 - Konstituisaun no funsionamentu Komisaun Interministeriál ba Implementasaun no Monitorizasaun Planu Asaun Nasionál Kontra Violénsia Bazeia ba Jéneru (PAN-VBG) 2022-2032;
✅ 3 - Proposta ba ratifikasaun Akordu, iha ámbitu Konvensaun Nasoins Unidas kona-ba Direitu Tasi nian, relasiona ho konservasaun no utilizasaun sustentavel ba diversidade biolójika mariña iha área ne’ebé la sujeita ba jurisdisaun nasionál;
✅ 4 - Kriasaun Komisoins Interministeriais ba Koordenasaun Dezenvolvimentu Setoriál; no
✅ 5 - Regras empeñamentu ba operasaun seguransa konjunta Forsa Tarefa F-FDTL no PNTL, ba vizita Sua Santidade Papa Francisco mai Timor-Leste.
Analiza ona:
➡️ 1 - Aprezentasaun kona-ba instituisaun autónoma sira iha setór formasaun profisionál no empregu. - 31 jullu 2024Sorumutuk Konsellu Ministrus nian iha loron 31 fulan-jullu tinan 2024Aprova ona:hare tan
✅ 1 - Akordu Kontribuisaun Finanseira entre Repúblika Demokrátika Timor-Leste no Ajénsia Kooperasaun Internasionál Japaun kona-ba Projetu Rekualifikasaun Hospital Nacional Guido Valadares;
✅ 2 - Alterasaun dahuluk ba Dekretu-Lei n. 15/2012, loron 28 fulan-marsu, kona-ba regulamentasaun ba setór telekomunikasoins; no
✅ 3 - Autorizasaun ba akizisaun imovel sira ne’ebé pertense ba partikular, liuhosi direitu privadu, nune’e mós pagamentu ba presu sira ne’e iha korrespondénsia. - 24 jullu 2024Sorumutuk Konsellu Ministrus nian iha loron 24 fulan-jullu tinan 2024Aprova ona:hare tan
✅ 1 - Poder tomak atu asina memorandu entendimentu ho Ministériu Agrikultura no Assuntos Rurais Xina nian kona-ba Konsolidasaun Kooperasaun Agríkola;
✅ 2 - Poder tomak atu asina memorandu entendimentu ho Administrasaun Rádiu no Televizaun Nasionál Xina nian ba kooperasaun iha ámbitu rádiu no televizaun; no
✅ 3 - kompozisaun Komité Revizaun Polítiku ba Orsamentu Jerál Estadu ba tinan 2025.
Analiza ona:
➡️ 1 - aprezentasaun kona-ba inisiativa husi reativasaun no revizaun ba Linha ba Kréditu “Fasilidade Garantia Crédito Suave”. - 17 jullu 2024Sorumutuk Konsellu Ministrus nian iha loron 17 fulan-jullu tinan 2024Aprova ona:hare tan
✅ 1 - Poder tomak atu asina instrumentu aseitasaun Protokolu Adezau Timor-Leste nian ba Akordu Marrakesh ne’ebé estabelese OMC;
✅ 2 - Poder tomak atu asina akordu ho Ministériu Komérsiu Xina hodi Hametin Koperasaun Investimentu iha Ekonomia Dijitál no Promove Koperasaun Investimentu iha Dezenvolvimentu Verde;
✅ 3 - Poder tomak atu asina akordu sira ho Ajénsia Kooperasaun Dezenvolvimentu Internasionál Xina nian hodi Promove Implementasaun Inisiativa Dezenvolvimentu Globál no Promosaun projetu infraestrutura kooperasaun Xina nian;
✅ 4 - Poder tomak atu asina akordu ho Repúblika Sosialista Vietname kona-ba Promosaun no Protesaun ba Investimentu;
✅ 5 - Poder tomak atu asina memorandu entendimentu ho Governu Korea ho hanoin ba kooperasaun ba dezenvolvimentu inisiativa Saemaul Undongs; no
✅ 6 - Valór totál despeza ne’ebé asosiadu ho kada títulu orsamentu ne’ebé refere ba OGE 2025 nian. - 10 jullu 2024Sorumutuk Konsellu Ministrus nian iha loron 10 fulan-jullu tinan 2024Aprova ona:hare tan
✅ 1 - Regulamentasaun ba prosedimentu lisensa no inspesaun no mós aprova modelu formuláriu no impresu iha ámbitu lisensiamentu komersiál;
✅ 2 - Regulamentasaun ba prosedimentu lisensa no inspesaun no mós aprova modelu formuláriu no impresu iha ámbitu lisensiamentu industriál;
✅ 3 - Nomeasaun Prezidente Autoridade Protesaun Sivíl; no
✅ 4 -Prevensaun atus ilísitus ne'ebé relasiona ho prátika artes marsiais.
Analiza ona:
➡️ 1 - relatóriu vizita ba Ruanda iha ámbitu g7+; no
➡️ 2 - Pontu situasaun husi ezekusaun Orsamentu Jerál Estadu tinan 2024 nian.
