Governu Timor-Leste

Komunikadus

• 12 juñu 2026Governu Timor-Leste felisita Filipinas ba Loron Independénsia

  Prezidénsia Konsellu Ministrus
    Portavós Governu Timor-Leste
  IX Governu Konstitusionál
  ...........................................................................................................................
  Dili, loron 12 Fulan-Agostu Tinan 2026
  Komunikadu Imprensa
  Governu Timor-Leste felisita Filipinas ba Loron Independénsia
  Governu Repúblika Demokrátika Timor-Leste hamutuk iha selebrasaun Loron Independénsia Repúblika Filipinas nian, ne’ebé selebra iha loron 12 fulan-juñu, hato’o parabéns ba Governu no povu filipinu ba data istóriku ida-ne’e. Filipinas proklama nia independénsia iha loron 12 fulan-juñu tinan 1898.
  Timor-Leste no Filipinas mantein relasoins amizade no kooperasaun ne’ebé kleur ona, no mós iha kompromisu komún ida hodi promove dame, estabilidade no dezenvolvimentu iha rejiaun Sudeste Aziátiku.
  Ministru Prezidénsia Konsellu Ministrus no Portavós Governu nian, Agio Pereira, afirma katak “iha okaziaun ida-ne’e, bainhira povu filipinu selebra Loron Independénsia, Timor-Leste hato’o nia parabéns ba Filipinas, país belun no parseiru rejionál ida ne’ebé nia mantein relasaun kooperasaun no respeitu mútuu. Iha momentu ida ne’ebé komunidade oioin kontinua rekupera hosi konsekuénsia rai-nakdoko foin lalais ne'ebé akontese iha país ne’e, ami mós hato'o ami-nia solidariedade ba povu filipinu. Ami dezeja votus prosperidade no moris-di'ak ba Filipinas no ami reafirma ami-nia vontade atu kontinua hametin lasu amizade entre ita-nia nasaun rua ne’e”. REMATA
   

  hare tan
• 08 juñu 2026Governu Timor-Leste hato’o solidariedade ba Filipinas hafoin rai-nakdoko ne’ebé akontese iha Mindanau

  Governu Repúblika Demokrátika Timor-Leste hato’o ninia solidariedade ne’ebé kle’an ba Governu no povu Repúblika Filipinas hafoin rai-nakdoko ho magnitude 7,8 ne’ebé ohin akontese iha illa Mindanau, ne’ebé halo ema mate, kanek, estragus makas ba infraestruturas , no mós evakuasaun populasaun sira tanba risku ba tsunami.

  hare tan
• 03 juñu 2026Governu hato’o sentidu kondolénsia ba Padre Agostinho da Costa nia mate

  Governu Repúblika Demokrátika Timor-Leste hato'o ninia tristeza ne’ebé kle'an ba falesimentu Reverendu Padre Agostinho da Costa, ne'ebé akontese iha loron 3 fulan-juñu tinan 2026, iha Ospitál Rejionál Eduardo Ximenes (HOREX), iha Baukau.

  hare tan
• 03 juñu 2026Sorumutu Konsellu Ministrus loron 3 fulan-juñu tinan 2026

  Aprova ona:
  
  1 - Estensaun to’o loron 31 fulan-dezembru 2026 ba suspensaun ensinu, aprendizajen no prátika arte marsiál.
  
  2. Proposta ba Parlamentu Nasionál kona-ba ratifikasaun Protokolu Cebu ne’ebé altera Karta ASEAN.
  
  3. Fó podér tomak ba estabelesimentu relasaun diplomátika entre Timor-Leste no Estadus Federadus Mikronézia nian.
  
  4. Definisaun nesesidade anuál hosi pesoál ne’ebé sei rekruta ba PNTL iha 2026.
  
  5. Aseitasaun realizasaun iha Timor-Leste Reuniaun Komité Koordenasaun ASEAN ba Servisus (CCS) nian ba dala 115
  
  
  Apoia ona
  
  1. Metodolojia foun ba preparasaun orsamentu.
  
  2. Asinatura ba memorandu entendimentu entre Timor-Leste no Repúblika Sosialista Vietnam iha área edukasaun no ensinu superiór.
  
  
  Analiza ona
  
  1. Semana Nasionál Oseanu 2026.

  hare tan
• 27 maiu 2026Sorumutu Estraordináriu Konsellu Ministrus loron 27 fulan-maiu tinan 2026

  Analiza ona:
  
  
  ➡️ 1 – Ezekusaun Orsamentu Jerál Estadu ba tinan 2026.

  hare tan
• 13 maiu 2026Sorumutu Konsellu Ministrus loron 13 fulan-maiu tinan 2026

  Aprova ona:
  
  ✅ 1 - Alterasaun dahuluk ba OJE 2026 - OJE Retifikativu;
  
  ✅ 2 - Autorizasaun ba selebrasaun akordu finansiamentu ho Uniaun Europeia kona-ba asaun “Kriasaun no Dezenvolvimentu Negósiu Sustentável no Ekonomia Sirkulár (CRESCE)”;
  
  ✅ 3 - Autorizasaun ba konkluzaun akordu finansiamentu ho Uniaun Europeia kona-ba asaun “Governasaun Eletrónika ba Sistema Judisiál iha Timor-Leste (e-JUS TL)”;
  
  ✅ 4 - Medida sira atu hametin seguransa públika no prevene violénsia.

  hare tan
• 30 abril 2026Timor-Leste lamenta ho John M. Miller nia mate

  Governu Repúblika Demokrátika Timor-Leste hato’o nia laran-triste kle’an kona-ba John M. Miller nia mate, foin lalais ne’e iha Novaiorke, ne’ebé saudozu nu’udar ko-fundadór no eis-Koordenadór Nasionál East Timor and Indonesia Action Network (ETAN) no mós belun kleur ona ba povu Timór.

  hare tan
• 30 abril 2026Sorumutu Konsellu Ministrus loron 30 fulan-abril tinan 2026

  Aprova ona:
  
  
  ✅ 1 - Despeza ne’ebé relasiona ho kontratu konstrusaun ba projetu irrigasaun Laueli
  
  
  ✅ 2 - despeza ba selebrasaun Kontratu Subvensaun ida entre Ministériu Petróleu no Rekursus Minerais ho TIMOR GAP, EP;
  
  
  Analiza ona:
  
  
  ➡️1 - Memorandu Entendimentu ho Governu Brunei Darussalam, ho objetivu atu hametin kooperasaun iha setór enerjia.
  
  
  ➡️2 - Memorandu Entendimentu ho Governu Brunei Darussalam, relasiona ho kooperasaun iha área saúde nian.

  hare tan