Governu Timor-Leste

Komunikadus

• 27 outubru 2025Toleránsia Pontu iha loron 31 fulan-outubru tinan 2025, iha okaziaun selebrasaun "Loron Santu sira hotu " no "Loron Matebian sira hotu"

  Tanba ne’e, tuir alinea b) n. 2 no alinea d) n.o 6 husi artigu 7 Lei n.o 10/2005, loron 10 fulan-agostu nian, ne’ebé altera hosi Lei n. 3/2016, loron 25 fulan-maiu, no n.10/2023, loron 5 fulan-abríl, Primeiru-Ministru, liu husi Despaxu n.o. 22/PM/X/2025, loron 27 fulan-outubru, determina tuirmai:
  
  Fó toleransia pontu iha loron 31 fulan-outubru tinan 2025, durante loron tomak.
  2. Despaxu ida-ne’e abranje ba funsionáriu, ajente no traballadór sira hotu ne’ebé hala’o atividade iha servisu administrasaun direta Estadu nian, tantu sentrál ka desentralizadu, ka iha organizmu administrasaun indireta nian.
  
  3. Rekursus umanus servisu públiku sira ne’ebé, tuir natureza atividade ne’ebé sira dezenvolve, tenke funsiona nafatin durante períodu ne’ebá, la inklui iha númeru anteriór
  
  4. Sein prejuizu ba kontinuidade no kualidade servisu públiku ne’ebé atu presta, dirijente másimu sira husi servisu sira ne’ebé temi iha númeru anteriór, tenke promove izensaun ne’ebé hanesan ba devér asiduidade hosi rekursus umanus idaidak, iha loron ne’ebé sei determina ho loloos tuirmai.

  hare tan
• 26 outubru 2025Timor-Leste sente orgullu bele adere ba Asosiasaun Nasoins Sudeste Aziátiku (ASEAN)

  Ohin, Repúblika Demokrátika Timor-Leste adere ofisialmente ba Asosiasaun Nasoins Sudeste Aziátiku (ASEAN). Adezaun ida-ne’e nu’udar marku istóriku ida iha jornada nasaun nian ba independénsia no integrasaun rejionál no globál.

  hare tan
• 23 outubru 2025Governu Timor-Leste Hato'o Parabéns ba Primeira-Ministra Foun Japaun nian, Sanae Takaichi

  Governu Repúblika Demokrátika Timor-Leste hato’o parabéns ba Sanae Takaichi ba ninia nomeasaun no tomada-de-pose nu’udar Primeira-Ministra Japaun nian, iha loron 21 fulan-outubru tinan 2025 liubá, sai nu’udar feto dahuluk iha istória japoneza ne’ebé kaer kargu ida-ne’e.

  hare tan
• 22 outubru 2025Sorumutu Konsellu Ministrus loron 22 fulan-outubru tinan 2025

  Aprova ona:
  
  
  ✅ 1 - Autorizasaun ba asinatura Memorandu Entendimentu ida ho Governu Malázia kona-ba kooperasaun iha ámbitu telekomunikasoins;
  
  
  ✅ 2 - Liña Solidária atu atende kazu violénsia bazeia ba jéneru no violénsia hasoru labarik no foin-sa’e sira;
  
  
  ✅ 3 - Rejime Exepsionál ba Promosaun Bazeia ba Antiguidade hosi Funsionáriu sira ne’ebé Integra iha Karreira Dosente;
  
  
  ✅ 4 – Rejime Jerál Kontraordenasoins; no
  
  
  ✅ 5 - Konsagrasaun loron 5 fulan- Juñu nu’udar Loron Nasionál Tasi.

  hare tan
• 15 outubru 2025Sorumutu Konsellu Ministrus loron 15 fulan-outubru tinan 2025

  Aprova ona:
  
  ✅ 1 - Proposta aprovasaun ba Ratifikasaun Estatutus CPLP nian;
  
  ✅ 2 - Proposta ratifikasaun Akordu entre Repúblika Demokrátika Timor-Leste no Repúblika Angola kona-ba izensaun vistu ba Titulár Pasaporte Diplomátiku no Servisu nian;
  
  ✅ 3 - Akordu entre Governu Timor-Leste no Governu Laos kona-ba Troka Direitu Utilizasaun Rai no Edifísiu husi Misaun Diplomátika sira;
  
  ✅ 4 - Kritérius dezignasaun no garantia kontinuidade pontu fokál Timor-Leste nian ba ASEAN;
  
  ✅ 5 - Podér tomak ba Ministru Justisa atu asina Tratadu Estradisaun ASEAN nian; no
  
  ✅ 6 - Autorizasaun negosiasaun ho ADB kona-ba Akordu Empréstimu, ho komponente subvensaun, ba Projetu Hadi’a Estrada Nasionál – Faze I.
  
  
  
  Analiza ona:
  
  ➡️ 1 - Aprezentasaun kona-ba Planu pós-adezaun Timor-Leste nian ba ASEAN.

  hare tan
• 14 outubru 2025Governu IX: Kompromisu ba Reformas Estruturais no Hametin Estadu Direitu ba Kreximentu Ekonómiku Sustentavel

  Governu Konstitusionál IX, ne’ebé lidera husi Primeiru-Ministru Kay Rala Xanana Gusmão, asume ona dezde simu pose kompromisu ba governasaun ida ne’ebé bazeia ba transparénsia, responsabilizasaun no jestaun públika ne’ebé di’ak, hodi lori país ne’e ba prosesu transformasaun estruturál hafoin tinan balun estagnasaun ekonómika no diminuisaun iha investimentu públiku. Ezekutivu ne’e define hanesan prioridade ida hodi restaura prinsípiu governasaun ne’ebé di'ak, hadi'a irregularidade sira ne'ebé husik hela hosi governu anteriór no harii fila-fali sistema jestaun finanseira no administrativa ne'ebé kompromete tiha ona.

  hare tan
• 08 outubru 2025Sorumutu Konsellu Ministrus loron 8 fulan-outubru tinan 2025

  Aprova ona:
  
  
  ✅ 1 - Memorandu Entendimentu ida entre Governu Malázia no Repúblika Demokrátika Timor-Leste ba kooperasaun iha ámbitu informasaun no dezenvolvimentu mídia;
  
  ✅ 2 - Formasaun karakter funsionárius ne’ebé foin rekruta ba kerreiras Funsaun Públika;
  
  ✅ 3 - estabelese númeru vagas ba promosaun pesoál ne’ebé halo parte hosi karreiras profisionais saúde nian iha administrasaun públika;
  
  ✅ 4 – Nomeasaun membrus foun Konsellu Administrasaun Fundu Espesiál Dezenvolvimentu nian ba RAEOA; no
  
  ✅ 5 - Lema ba Komemorasaun Aniversáriu Proklamasaun Unilaterál Independénsia Repúblika Demokrátika Timor-Leste nian ba dala 50.

  hare tan
• 01 outubru 2025Sorumutu Konsellu Ministrus loron 1 fulan-outubru tinan 2025

  Aprova ona:
  
  
  ✅ 1 - Apoiu finanseiru dala ida de’it ba membru família (inan-aman ka maun-alin) hosi Martir sira Libertasaun Nasionál nian ne’ebé la husik hela erdeirus; no
  
  
  ✅ 2. Rejime jurídiku protesaun sosiál bainhira moras iha ámbitu rejime kontributivu seguransa sosiál;
  
  
  ✅ 3. Kriasaun Gabinete Interministeriál Jestaun Krize;
  
  
  ✅ 4. Kanselamentu lisensas ne’ebé fó ba operasaun jogus no apostas online.

  hare tan