Governo atribui apoio monetário à Associação de Jornalistas Timor-Leste

Qui. 23 de junho de 2022, 15:00h
289041135_187400150374005_2726440765584742811_n

Ministériu ba Asuntus Parlamentares no Komunikasaun Sosiál (MAPKOMS), liu husi Diresaun Nasionál Diseminasaun Informasaun (DNDI), fó apoiu orsamentu liuhosi Fundu Transferénsia Públika (FTP) ho montante US$ 5.310 ba Asosiasaun Jornalista Timor-Leste (AJTL), kinta-feira ne’e, loron 23 juñu 2022, iha Palásiu Governu, Dili.

Atribuisaun ba fundu refere entrega direta husi Diretór DNDI, Estevão da Costa Belo, ba Prezidente AJTL, Zevónia Viera no akompaña mós husi ekipa téknika husi entidade rua ne’e.

Objetivu husi apoiu ne’e hodi fasilita atividade asosiasaun nian bazeia ba proposta ne’ebé AJTL submete hodi konsentra ba iha formasaun nune’e bele eleva kualidade iha aréa jurnalizmu nian.

FTP hanesan parte ida husi polítika MAPKOMS hodi apoia no hakbi’it entidade media sira ne’ebé foka ba kapasitasaun iha aréa jornalizmu, nune’e bele tulun jornalista sira hodi hasa’e sira nia abilidade téknika atu bele servisu ho responsabilidade no profisionál, liuliu kontribui ba dezenvolvimentu setór komunikasaun sosiál iha Timor-Leste.

 

 

   Topo