Governu Timor-Leste

Komunikadus

• 05 janeiru 2024 Governu Manifesta Solidariedade ho Japão tamba Terramotu iha Peninsula Noto

  Governu Konstitusionál IX hato’o, ho triste tebes, ninia solidariedade ba Povu no Governu Japaun, kona-ba terramotu (rai-nakdoko) ho magnitude 7,6 iha eskala Richter ne'ebé atinje peninsula Noto, iha Ishikawa, Japaun, iha segunda-feira, loron 1 fulan-janeiru tinan 2024.

  hare tan
• 27 dezembru 2023Bandu ema uza fogete artifisiál no artefaktu pirotékniku sira seluk iha territóriu nasionál tomak

  Tuir Despaxu Konjuntu n. 127/MCI-MI/XII/2023, loron 18 fulan-dezembru, Governu, iha koordenasaun ho Polísia Nasionál Timor-Leste (PNTL), fó-sai katak bandu ema uza fogete artifisiál no artefaktu pirotékniku sira seluk iha territóriu nasionál tomak.

  hare tan
• 21 dezembru 2023Toleránsia pontu Iha loron 26 fulan-dezembru tinan 2023 no loron 2 fulan-janeiro tinan 2024

  Fó toleránsia pontu:
  Iha loron 26 fulan-dezembru tinan 2023, durante loron tomak;
  Iha loron 2 fulan-janeiru tinan 2024, durante loron tomak.

  hare tan
• 20 dezembru 2023Sorumutuk Konsellu Ministrus nian iha loron 20 fulan-dezembru tinan 2023

  Aprova ona:
  
  1 - Rejime direitus titulár no membrus órgaun soberania no titulár kargu polítiku sira nian.

  hare tan
• 19 dezembru 2023Pagamentu Extraordináriu ba Saláriu Adisionál ba Traballadór sira iha Administrasaun Públika Promulga Ona

  Governu Konstitusionál IX, tuir prátika ne'ebé estabelese ona husikedas tinan 2014, aprova ona pagamentu estraordináriu kona-ba saláriu adisionál fulan ida nian ba traballadór sira iha Administrasaun Públika no ninia ekiparadu sira, ne’ebé agora promulga ona liuhusi Dekretu Lei n. 86/2023, husi loron 18 fulan-dezembru. Subsídiu ida-ne'e, ne'ebé hanesan Subsídiu Natál ka fulan da-13, ninia objetivu mak atu rekoñese no valoriza empeñu no esforsu husi funsionárius, ajentes ka kontratadu, atu hetan sira-nia direitu no benefísiu hanesan ho traballadór nasionál sira seluk.

  hare tan
• 15 dezembru 2023Governu IX Saúda Debate Konstrutivu kona-ba OJE 2024

  Governu Konstitusionál IX hato’o ninia kompromisu kontínuu ba prosesu orsamentál ida ne’ebé transparente no demokrátiku nomos hato’o apresiasaun ne’ebé boot tebes ba debate konstrutivu ne’ebé la’o hela iha Parlamentu Nasionál kona-ba Proposta Lei Orsamentu Jerál Estadu ba tinan 2024.

  hare tan
• 06 dezembru 2023Sorumutuk Konsellu Ministrus nian iha loron 6 fulan-dezembru tinan 2023

  Aprova ona:
  
  1 - Gabinete Fronteiras Terrestres no Marítimas (GFTM);
  
  2 - akizisaun imóvel ida ba instalasaun Embaixada Timor-Leste nian iha Londres, Reinu Unidu;
  
  3 - apoiu materiál no finanseiru ba vítima sira ne’ebé lakon hela-fatin tanba ahi han sira nia uma rasik ne’ebé sai hanesan sira nia hela-fatin permanente;
  
  4 - Ijiene no Orden Públika;
  
  5 - Planeamentu Dezenvolvimentu Komunitáriu;
  
  6 - Programa Nasionál Dezenvolvimentu Suku (PNDS);
  
  7 - doasaun veíkulu motorizada ba xefe suku sira ne’ebé ezerse ona mandatu iha períodu tinan 2016-2023;
  
  8 - Medidas defeza komersiál;
  
  9 - revogasaun Dekretu-Lei n. 22/2021, loron 10 fulan-novembru, ne’ebé kria subsídiu ba inan isin-rua no ba labarik sira, ne’ebé hanaran “Bolsa da Mãe-Nova Geração” no ba alterasaun daruak husi Dekretu-Lei n. 18/2012, loron 4 fulan-abríl ne’ebé kria subsídiu apoia kondisionál “Bolsa da Mãe”;
  
  10 - alterasaun dahuluk husi Dekretu-Lei n. 3/2023, loron 15 fulan-fevereiru ne’ebé kria Komisaun Nasionál Aprovizionamentu no aprova mós ninia estatutu;
  
  11 - determinasaun montante másimu ne’ebé atu selu tanba lakon edifikasaun (sasán /soin sira ne’ebé iha rai-leten), lakon benfeitoria (hadi’a propriedade ne’ebé iha tiha ona), lakon área floresta no agríkola nian, no tanba tenke hapara atividade sira hanesan pekuária, peskas no transladasaun mate-ruin sira no serimónia fúnebre, iha área implementasaun projetu rekualifikasaun edifísiu ministériu agrikultura, pekuáriu, peska no florestas nian.

  hare tan
• 06 dezembru 2023Revogasaun Programa Bolsa da Mãe Jerasaun Foun no aperfeisoamentu Programa Subsídiu Apoiu Kondisionál “Bolsa da Mãe”

  Konsellu Ministrus, hala’o sorumutuk iha loron 6 fulan-dezembru, aprova projetu Dekretu-Lei ida ne’ebé aprezenta hosi Ministra Solidariedade Sosiál no Inkluzaun, Verónica das Dores, ba revogasaun Dekretu-Lei n. 22/2021, loron 10 fulan-novembru ne’ebé kria subsídiu inan isin-rua no ba labarik sira, ne’ebé hanaran subsídiu “Bolsa da Mãe-Nova Geração” no kona-ba alterasaun daruak ba Dekretu-Lei n. 18/2012, loron 4 fulan-abríl ne’ebé kria Subsídiu Apoiu Kondisionál “Bolsa da Mãe”.Ho diploma ida-ne’e reforsa Subsídiu Apoiu Kondisionál “Bolsa da Mãe”, ho aprezenta valór subsídiu mensál ne’ebé lahanesan, husi dolar amerikanu 8 no 10, bazeia ba siklu eskolár labarik benefisiáriu sira nian, hodi insentiva frekuénsia eskolár. Aleinde ne’e valór sira ne’ebé aloka ba labarik sira ne’ebé ho defisiénsia iha idade eskolár no frekuenta eskola aumenta dolar amerikanu 5, ne’ebé subliña kompromisu Governu nian hodi promove ekuidade.

  hare tan