Komisaun Nasionál Servisu Aprova saláriu mínimu ba Setór Privadu
Komisaun Nasionál Servisu (KNS), ne’ebé prezide husi Sekretáriu Estadu ba Formasaun Profisionál no Empregu, Bendito Freitas, aprezenta ona iha loron 24 fulan Maiu, iha sala Sorumutu Sekretaria ne’ebá nian kona-ba saláriu mínimu nasionál ba setór privadu. Iha serimónia ne’e hetan mós prezensa husi emprezáriu no traballadór sira.
Tuir lei, no hafoin hato’o tiha rezultadu peskiza nian husi Konsellu ba Saláriu Mínimu iha loron 12 fulan Dezembru tinan 2011, Komisaun ne’e deside ona fixa dólar amerikanu $ 115 ba setór privadu hanesan mós saláriu mínimu ne’ebé aplika iha Funsaun Públika.
Desizaun KNT nian sei tama iha vigór iha loron tuirmai husi Lei Traballu no 4/2012 loron 21 fulan Fevereiru nian tama ona iha vigór no sei hetan revizaun hafoin liu tiha ninia entrada iha vigór tinan rua.
