Kompozisaun IX Governu Konstitusionál

Primeiru-Ministru Vise-Primeiru-Ministru Vise-Primeiru-Ministru Vise-Primeiru-Ministru no Ministru Koordenadór Asuntus Ekonómikus no Ministru Turizmu no Ambiente Ministru Koordenadór Asuntus Dezenvolvimentu Rurál e Abitasaun Komunitária Ministru Prezidénsia Konsellu Ministrus Ministra Finansas Ministru Negósius Estranjeirus no Kooperasaun Ministru Justisa Ministru Administrasaun Estatál Ministra Saúde Ministra Edukasaun Ministru Ensinu Superiór no Siénsia Ministru Asuntus Kombatentes Libertasaun Nasionál Ministru Obras Públikas Ministru Transportes no Komunikasoins Ministru Komérsiu no Indústria Ministru Agrikultura, Pekuária, Peska no Florestas Ministru Defeza Ministru Petróleu no Minerais Ministru Interiór Ministra Solidariedade Sosiál no Inkluzaun Ministru Juventude, Desportu, Arte no Kultura Ministru Planeamentu no Investimentu Estratéjiku Vise-Ministru Asuntus Parlamentares Vise-Ministra Finansas Vise-Ministra ba Asuntus ASEAN Vise-Ministru ba Fortalesimentu Institusionál Vise-Ministru ba Fortalesimentu Institusionál Saúde Vise-Ministru ba Infraestruturas Vise-Ministru Administrasaun Estatál Vise Ministru Komérsiu Vise-Ministra Solidariedade Sosiál no Inkluzaun Vise-Ministru ba Opersionalizasaun Ospitais Sekretária Estadu Igualdade Sekretáriu Estadu Komunikasaun Sosiál Sekretáriu Estadu Terras no Propriedades Sekretáriu Estadu Ensinu Sekundáriu no Eskolas Téknikas Sekretáriu Estadu Eletrisidade, Bee no Saneamentu Sekretáriu Estadu Arte no Kultura Sekretáriu Estadu Peskas Sekretáriu Estadu Pekuária Sekretáriu Estadu Florestas Sekretáriu Estadu Kooperativas Sekretáriu Estadu Formasaun Profisionál no Empregu Sekretáriu Estadu Dezenvolvimentu Lokál Sekretáriu Estadu Asuntus Toponímia no Organizasaun Urbana Sekretáriu Estadu ba Protesaun Sivíl Sekretáriu Estadu Veteranus

 

 

Primeiru-Ministru Kay Rala Xanana Gusmão

Primeiru-Ministru

Kay Rala Xanana Gusmão

Primeiru-Ministru iha kompeténsia rasik no kompeténsia ne’ebé delega ba nia, tuir Konstituisaun no Lei.

Primeiru-Ministru maka iha kompeténsia atu xefia Governu no prezide Konsellu Ministrus; dirije no orienta polítika jerál Governu nian no asaun governativa hotu-hotu; reprezenta Governu no Konsellu Ministrus iha relasaun ho Prezidente Repúblika no Parlamentu Nasionál; koordena sistema integradu kona-ba seguransa nasionál; orienta polítika jerál Governu nian iha área defeza, seguransa no intelijénsia nasionál; orienta polítika jerál Governu nian iha relasaun servisu ho nasaun seluk no reprezenta Governu iha komunidade internasionál; orienta polítika adezaun nian ba ASEAN; orienta partisipasaun Timor-Leste nian iha organizasaun intergovernamentál g7+, ho objetivu atu hala’o rezolusaun pasífika ba konflitu no estabelesimentu estratéjika sira promosaun pás, demokrasia no dezenvolvimentu nasaun sira nian; orienta polítika jerál Governu nian iha área jestaun finanseira, inklui setór bankáriu, sistema fiskál no investimentu Fundu Mina-Rai nian; lidera prosesu negosiasaun ho Indonézia, kona-ba fronteira terrestre (ketan-raik) no fronteira marítima (ketan-tasik); lidera ezekusaun projetu ‘Tasi Mane’, ne’ebé promove kriasaun estrutura jurídika no institusionál sira, no afetasaun rekursus ne’ebé konsidera nesesáriu no adekuadu ba ida-ne’e; lidera prosesu negosiasaun kona-ba modelu dezenvolvimentu kampu ‘Greater Sunrise’ ka materiál sira seluk ne’ebé relasiona ho ezersísiu jurisdisaun iha Tasi Timor, nune’e mós iha área “Rejime Espesiál Greater Sunrise’, tuir Tratadu Ketan-Tasik entre Repúblika Demokrátika Timor-Leste no Commonwealth Austrália; lidera no koordena dezenvolvimentu no implementasaun Polítika “Ekonomia Azúl”; ezerse podér sira ne’ebé tutela kona-ba Rejiaun Administrativa Espesiál Oekusi Ambenu no kona-ba Zona Espesiál Ekonomia Sosiál Merkadu Oekusi Ambenu no Ataúru; promove fortalesimentu institusionál Estadu nian; ezerse kompeténsia sira seluk ne'ebé prevee iha Konstituisaun no iha lei no hirak ne'ebé la atribui ba membru Governu sira seluk.

Nu'udar Xefe Governu, Primeiru-Ministru iha podér atu fó-sai diretiva sira ba kualkér membru Governu nian ida no atu foti desizaun kona-ba matéria sira ne'ebé inklui iha área hirak ne'ebé afeta ba kualkér Ministériu ka Sekretaria Estadu, nune'e hodi kria komisaun ka grupu serbisu eventuál ka permanentes ba asuntu hirak ne'ebé sai hanesan kompeténsia Governu nian.

Iha ninia auzénsia ka impedimentu, Primeiru-Ministru sei substitui husi Vise-Primeiru-Ministru ne’ebé dezignadu ba hala’o servisu ka husi membru Governu tuirmai, bazeia ba orden presedénsia tuituir malu ne’ebé estabelese ona iha Orgánika Governu Konstitusionál IX.

Sein prejuízu ba fakuldade delegasaun, servisu hirak tuirmai Primeiru-Ministru maka sei tutela: Servisu Nasionál Intelijénsia (SNI), Komisaun Interministeriál Seguransa, Sentru Integradu Jestaun Krize (SIJK) no Gabinete Fronteiras Terrestres no Marítimas.

 

Vise-Primeiru-Ministru no Ministru Koordenadór Asuntus Ekonómikus no Ministru Turizmu no Ambiente

Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente

Francisco Kalbuadi Lay

Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente fó tulun ba Primeiru-Ministru iha koordenasaun no supervizaun ba membru Governu sira ne’ebé responsavel ba ezekusaun polítikas ba área governasaun ho aspetu ekonómika, liuliu Ministériu Komérsiu no Indústria, Ministériu Turizmu no Ambiente, Ministériu Agrikultura, Pekuária, Peskas no Florestas, Ministériu Transportes no Komunikasoins, Sekretáriu Estadu ba Formasaun Profisionál no Empregu, Sekretáriu Estadu Kooperativas. Sai mós nu’udar responsavel ba konsesaun, ezekusaun, koordenasaun no avaliasaun polítikas, ne’ebé define no aprova ona husi Konsellu Ministrus ba área turizmu no ambiente.

Nu’udar Ministru Koordenadór Asuntus Ekonómikus, Na’i ulun ne’e iha kompeténsia atu koordena elaborasaun, ezekusaun no kontrolu polítika ne’ebé define ona husi Konsellu Ministrus iha área ekonomia, servisu, formasaun profisionál; akompaña no avalia traballu no prestasaun servisu membrus Governu ne’ebé temi ona iha númeru anteriór; propoin no dezenvolve polítika públika nian ho aspetu ekonómiku ne’ebé bele kontribui hodi hadi’a prestasaun servisu ba sidadaun sira; propoin polítikas no lejizlasaun nune’emós estabelese mekanizmu ne’ebé iha relasaun ho promosaun ba investimentu públiku no privadu, nasionál no internasionál, iha artikulasaun ho entidade relevantes; promove dezenvolvimentu ba setór privadu nasionál no formula polítika no mekanizmu apoiu nian no insentivus ba dezenvolvimentu setór ne’e;

promove diálogu ho setór privadu nasionál, kona-ba dezenvolvimentu país no kombate dezempregu; promove hodi krias empregu no formasaun profisionál; promove dezenvolvimentu setór kooperativu, liuliu iha áreas rurais no setór agrikultura, iha koordenasaun ho Ministériu Agrikultura, Pekuária, Peska no Florestas; habelar importánsia setór ekonómiku kooperativu no mikro no empreza ki’ik sira no promove formasaun iha instituisaun, organizasaun, jestaun no kontabilidade kooperativa no empreza ki’ik sira; kria, organiza, administra no mantein atualizasaun Rejistu Nasionál Kooperativas; mekanizmu apoiu no finansiamentu ba projetu ne’ebé kria empregu no formasaun profisionál; promove relasaun entre parte tolu, Governu, empregadór no traballadór sira, ho objetivu atu prevene konflitu laborál; promove servisu mediasaun, konsiliasaun no arbitrajen iha ámbitu relasaun laborál sira;  insentiva programa kontratasaun timoroan sira iha rai-li’ur;  regulamenta rejime servisu estranjeiru nian sira iha Timor-Leste no koordena ninia fiskalizasaun hamutuk ho Ministru Interiór; promove fiskalizasaun ba kumprimentu dispozisaun legál sira iha matéria servisu nian; promove fiskalizasaun ba kondisaun saúde, seguransa no ijiene iha serbisu; asegura koordenasaun ho entidade relevante sira ne’ebé kontribui ba dezenvolvimentu ekonómiku; no promove fiskalizasaun kona-ba funsionamentu estabelesimentu komersiál nian, liuliu iha setór restaurasaun (hahán) no bebida (hemu) nian sira, kona-ba kumprimentu regra sira seguransa alimentár no ekonómika nian.

Nu’udar Ministru Turizmu no Ambiente, na’i ulun ne’e maka responsável ba konsesaun, ezekusaun, koordenasaun no avaliasaun polítika sira ne’ebé define no aprova ona husi Konsellu Ministrus ba área turizmu no ambiente nian, no kompete ba nia, liuliu kria polítika no elabora projetu lejizlasaun no regulamentasaun ne’ebé presiza kona-ba área sira ne’ebé tutela; kria, ezekuta no avalia polítika turizmu no ambiente; apoia implementasaun estratéjia ba dezenvolvimentu “Ekonomia Azul”; apresia no atribui lisensa ba projetu instalasaun no funsionamentu empreendimentu turístikus;  inspesiona no fiskaliza atividades no empreendimentus turístikus, tuir lei;  mantein no administra sentru informasaun no dokumentasaun ida kona-ba empreza turístikas;  kontribui ba dinamizasaun setór turizmu no propoin medida no polítikas públikas ne’ebé importante ba ninia dezenvolvimentu; estabelese mekanizmus kolaborasaun no kooperasaun ho organizmu nasionál no internasionál sira ne’ebé ninia asaun dirije ba área atuasaun Ministériu nian, liuliu ho Kámara Komérsiu no Indústria Timor-Leste (CCI-TL-sigla iha lian portugés), Organizasaun Mundiál Turizmu no “Pacific Asia Tourism Organization”;

apoia atividades husi ajentes ekonómikus setór turístiku nian, no promove medidas nesesárius hodi valoriza solusaun sira ne’ebé simples liu no aplika regra prosesuál sira ne’ebé lais ba ninia lisensiamentu; fó paresér kona-ba pedidus informasaun prévia nian hodi estabelese empreza turístika sira; apresia no atribui lisensa projetu instalasaun no fiskaliza funsionamentu emprendimentu turístiku sira iha koordenasaun  ho Ministériu Obras Públikas, nune’e mós kualifika no klasifika projetu instalasaun sira ne’e; dirije, inspesiona no fiskaliza jogu sosiál no diversaun, mákinas jogu no jogu tradisionál nian sira; propoin projetu lejizlasaun no regulamentasaun ne’ebé nesesária ba ezersísiu atividade kazinu nian;  mantein no administra sentru informasaun no dokumentasaun ida kona-ba empreza no atividade sira setór turístiku nian; suspende no revoga lisensa ezersísiu ba atividade turístika sira, tuir lei; elabora planu anuál atividade promosionál sira ba dezenvolvimentu turizmu ho ninia estimativa ba kustu sira; Implementa no ezekuta lejizlasaun kona-ba instalasaun, lisensiamentu no verifikasaun ba kondisaun sira funsionamentu ekipamentus turístikus nian; estabelese mekanizmu sira ba kolaborasaun ho servisu no organizmu governamentál sira seluk ne’ebé tutela  ba áreas relevantes, liuliu servisu kompetente sira husi ordenamentu no dezenvolvimentu fíziku territóriu nian,  ho objetivu atu promove zona estratéjika dezenvolvimentu turístiku, komersiál ka industriál nian; kolabora, ho organizmu  no institutu públiku kompetente sira,  hodi promove no divulga Timor-Leste hamutuk ho investidór no operadór turístiku sira, hodi asegura habelar informasaun nesesária; promove no implementa polítika ambiente, garante protesaun no konservasaun natureza no biodiversidade, fiskaliza atividade sira ne’ebé bele estraga flora no fauna, no garante dezenvolvimentu nasionál tuir dalan ne’ebé sustentável ba ambiente;

Implementa polítika ambientál no avalia rezultadu sira ne’ebé alkansa ona; promove, akompaña no apoia estratéjia integrasaun ambiente iha polítika setoriál sira; halo avaliasaun ambientál estratéjika ba polítika, planu, programa no lejizlasaun sira no koordena prosesu avaliasaun kona-ba impaktu ambientál husi projetu sira nivel nasionál nian; asegura, einjerál liuhusi lisensiamentu ambientál, adosaun no fiskalizasaun ba medidas prevensaun no kontrolu integradu ba poluisaun husi instalasaun sira ne’ebé abranje iha laran.

Vise-Primeiru Ministru Koordenadór Asuntus Ekonómikus, hetan apoiu husi Sekretáriu Estadu Promosaun Profisionál no Empregu no husi Sekretáriu Estadu Kooperativas, uainhira hala’o nia funsaun.

Servisu no organizmu ne’ebé Vise-Primeiru-Ministru Ministru Koordenadór Asuntus Ekonómikus no Ministru Turizmu no Ambiente sei tutela maka: Sentru Nasionál Formasaun Profisionál no Empregu Timor-Leste (CNFPE), Sentru Nasionál Formasaun Profisionál – Bekora (CNFP-Bekora), Institutu Nasionál Dezenvolvimentu Maundobra, I.P. (INDMO), Inspesaun-Jerál Traballu (IGT), Autoridade Inspesaun no Fiskalizasaun Atividade Ekonómika, Sanitária no Alimentár, I.P. (AIFAESA), Institutu ba Kualidade Timor-Leste, I.P. (ITQL, I.P.), Sentru Konvensoins Dili (CCD), Institutu Peskiza, Dezenvolvimentu, Formasaun no Promosaun Bambu, I.P. (Institutu Bambu), Servisu Rejistu no Verifikasaun Emprezariál I.P. (SERVE), Komisaun Nasionál ba Fasilitasaun Komérsiu (CONFAC), Institutu Apoiu ba Dezenvolvimentu Emprezariál (IADE), Ajénsia Promosaun ba Investimentu no Esportasaun Timor-Leste, I.P. (TradeInvest Timor-Leste, I.P.), GESPIN – Jestaun Parkes Industriais, S.A., Sentru Lojístiku Nasionál (CLN), Autoridade Turizmu Timor-Leste, I.P. (ATTL, I.P.), Sentrus Turizmu no Informasaun Turístika, Sentru Restaurasaun/Food Courts, Pouzadas, Autoridade Nasionál Lisensiamentu Ambientál, I.P. (ANLA) no Autoridade Nasionál Dezignada ba Kombate Alterasoins Klimátikas, I.P. (AND)

 

Vise-Primeiru-Ministru no Ministru Koordenadór Asuntus Dezenvolvimentu Rurál e Abitasaun Komunitária

Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária

Mariano Assanami Sabino

Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária sei tulun Primeiru-Ministru iha koordenasaun no supervizaun ba membrus Governu ne’ebé responsavel ba ezekusaun polítikas ba área governasaun iha aspetu sosiál, liuliu Ministériu Solidariedade Sosiál no Inkluzaun, Ministériu Asuntus Kombatetentes Libertasaun Nasionál, Ministériu Saúde, Ministériu Ensinu Superiór, Siénsia no Kultura, Ministériu Edukasaun, Ministériu Juventude, Desportu, Arte no Kultura.

Nu’udár Ministru Koordenadór Asuntus Sosiais, na’i-ulun ne’e iha kompeténsia atu koordena elaborasaun, ezekusaun no kontrolu ba polítika hirak ne’ebé define ona husi Konsellu Ministrus iha áreas sosiál, koordena preparasaun no organizasaun traballu departamentu governamentál nian sira ne’ebé tutela ba nia, akompaña no avalia traballu no prestasaun servisu membrus Governu nian ne’ebé temi iha númeru anteriór, propoin no dezenvolve polítikas públikas ho karákter sosiál ne’ebé kontribui ba melloria prestasaun servisu ba sidadaun sira, koordena preparasaun no organizasaun traballu governamentál iha área sosiál no garante koordenasaun ho entidade relevantes ne’ebé kontribui ba dezenvolvimentu sosiál.

Nu’udár Ministru Dezenvolvimentu Rurál no Abitasaun Komunitária, nia iha responsabilidade ba konsesaun, ezekusaun, koordenasaun no avaliasaun polítikas, ne’ebé define no aprova ona husi Konsellu Ministrus ba áreas relevantes ho melloria kondisaun moris, oportunidade no asesibilidade iha zona rurál, dezenvolvimentu inisiativas promotoras ba diversifikasaun atividades, kriasaun empregu iha espasu rurál, ho objetivu atu konsolida ninia estrutura produtiva.

Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Habitasaun Komunitária maka sei tutela ba: Komisaun Nasionál Desportu, Komisaun Reguladora Artes Marsiais, I.P., Servisu Apoiu Sosiedade Sivíl no Auditoria Sosiál, I.P., Institutu Nasionál Kombate HIV/SIDA, I.P. (INCSIDA), Institutu Defeza Direitus Labarik I.P. (INDDICA) no Unidade Misaun ba Kombate Raes Badak.

 

Ministru Prezidénsia Konsellu Ministrus

Ministru Prezidénsia Konsellu Ministrus

Agio Pereira

Ministru Prezidénsia Konsellu Ministrus fó-tulun Primeiru Ministru iha Prezidénsia Konsellu Ministrus no iha koordenasaun Governu, asume knaar nu’udar portavós Governu no konsellu Ministrus nian, no mós halo konsesaun, ezekusaun, koordenasaun no avaliasaun polítika, ne’ebé define no aprova ona husi Konsellu Ministrus, ba área Asuntu Parlamentár, Komunikasaun Sosiál no ba Igualdade Jéneru. Ministru Prezidénsia Konsellu Ministrus mak iha kompeténsia atu koordena preparasaun no organizasaun serbisu governamentál nian, nune’e mós akompaña no avalia ezekusaun ba desizaun sira ne’ebé Konsellu Ministrus foti, no koordena apoiu no konsulta jurídika ba Konsellu Ministrus.

Aleinde-ne’e knaar sira ne’ebé temi iha leten, kompeténsia sira tuirmai ne’ebé delega ba Ministru Estadu no Prezidénsia Konsellu Ministrus maka hanesan: koordena prosesu lejizlativu no regulamentár Governu nian, prepara projetu diploma legál no regulamentár sira Governu nian, iha koordenasaun ho ministérius kompetentes ba asuntu ne’e ; analiza projetu diploma legál no regulamentares Governu nian, ne’ebé submete husi ministrus kompetentes, hodi hetan apresiasaun no aprovasaun husi Konsellu Ministrus, asegura servisu kontensiozu Estadu nian; koordena reprezentasaun Estadu nian tuir mandatóriu judisiais, iha prosesu ne’ebé Estadu halo parte; nomeia advogadu ka reprezenta Estadu iha arbitrajen, mediasaun, konsiliasaun no konflitu la’ós jurisdisionais, tuir lei; prepara resposta, hamutuk ho ministériu kompetente, ba prosesu fiskalizasaun konstitusionalidade no legalidade nian; reprezenta Konsellu Ministrus ka Primeiru-Ministru, bainhira sira deside nune’e, iha komisaun ne’ebé espesialmente kria ona; hala’o estudu kle’an kona-ba reforma lei sira, uniformizasaun, no armonizasaun lejizlativa, nune’e mós avaliasaun ba nesesidade intervensaun governamentál ka Parlamentu Nasionál, propoin no promove modernizasaun prosedimentu lejizlativu; jere sistema teknolojia informasaun Governu nian no asegura ninia prestasaun servisu, iha artikulasaun ho Departamentu Governamentál kompetentes; koordena hamutuk ho ministrus kompetentes ba reforma polítika públika no dezenvolvimentu projetu natureza intersektoriál hanesan determina ona husi Primeiru-Ministru ka Konsellu Ministrus; promove no akompaña, iha koordenasaun ho departamentu governamentál relevantes, efikásia iha ajuda esterna; propoin medidas polítika ne’ebé promove reforma administrativa, liuliu, liuhusi rekursu instrumentu e-Government, nune’e mós hodi garante koordenasaun no monitoriza implementasaun ba medida hirak ne’e; asegura, nu’udar medida hodi promove sidadaun sira hodi asesu ba direitu, hamutuk ho Ministériu Justisa, servisu espesializadu ida kona-ba tradusaun jurídika ne’ebé responsavel ba utilizasaun lian ofisiál rua iha área direitu hotu; asegura koordenasaun regulár ho Parlamentu Nasionál; reprezenta Governu iha Konferénsia Reprezentante Bankada Parlamentár, iha sesaun plenária Parlamentu Nasionál nian, bainhira Primeiru Ministru ka Ministrus ne’ebé iha kompeténsia ba asuntu ne’e auzente ka iha impedimentu; propoin polítika no elabora lejizlasaun no regulamentasaun nesesária iha área komunikasaun sosiál; halo superintendénsia no tutela ba órgaun komunikasaun sosiál Estadu nian; koordena hodi disemina informasaun kona-ba programa no asaun Governu nian; promove igualdade jéneru iha lei, iha polítika públikas, iha planu estratéjiku no operasionál, iha programa governamentál no iha Orsamentu Jerál Estadu, iha sensibilizasaun públika ba kestaun igualdade jéneru no inkluzaun hodi halakon diskriminasaun no violénsia hasoru feto no labarik sira no promove partisipasaun feto iha vida polítika no Sosioekonómiku nasionál.

Ministru Prezidénsia Konsellu Ministrus funsionalmente depende ba Primeiru Ministru no hakru’uk ba ninia orientasaun polítika.

Ministru Prezidénsia Konsellu Ministrus hetan tulun husi vise-Ministru Asuntus Parlamentares, Sekretáriu Estadu Komunikasaun Sosiál no Sekretária Estadu Igualdade uainhira atu hala’o ninia funsaun.

Servisu no organizmu sira tuirmai ne’e Ministru prezidénsia konsellu Ministrus maka sei tutela: Impreza Nasionál Timor-Leste, I.P (INTL), Radio televizaun Timor-Leste (RTTL, E.P), TATOLI -Ajénsia Notisioza Timor-Leste, I.P, Komisaun Funsaun Públika (CFP), Arkivu e Muzeu Rezisténsia Timorense (AMRT), Sentru Nasionál Chega! I.P. no Inspesaun Jerál Estadu (IGE).

 

Ministra Finansas

Ministra Finansas

Santina José Rodrigues F. Viegas Cardoso

Ministra Finansas maka responsavel ba konsesaun, ezekusaun, koordenasaun no avaliasaun polítika ne’ebé define no aprova ona husi Konsellu Ministrus ba área planeamentu, monitorizasaun no avaliasaun anuál ba Orsamentu Jerál Estadu no finansas públikas.

Ministra Finansas nia kompeténsia mak atu propoin polítikas monetárias iha kolaborasaun ho Banku Sentrál Timor-Leste; propoin polítika no elabora projetus regulamentasaun sira ne’ebé nesesáriu kona-ba makroekonomia, reseitas tributárias no la tributárias, enkuadramentu orsamentál, monitorizasaun no avaliasaun anuál, aprovizionamentu, kontabilidade públika, finansas públikas, auditoria interna no kontrolu tezouraria Estadu, emisaun no jestaun dívida públika, emprezas públikas no investimentus públikus, no mobilizasaun rekursus externus, no mós atu promove reforma fiskál, aduaneira, finansas públikas no jestaun finanseira; koordena serbisu preparasaun Orsamentu Jerál Estadu no Konta Jerál Estadu, no prepara projetu ida-idak; halo kobransa ba impostus, direitus aduaneirus importasaun nian no kontribuisaun sira seluk ne’ebé ninia kobransa tuir legál la’ós departamentu governamentál sira seluk maka responsabiliza; administra Fundu Petrolíferu Timor-Leste nian, no halo transferénsia Fundu Pertolíferu ba konta Tezouru hodi finansia Orsamentu Jerál Estadu, hafoin aprovasaun husi Parlamentu Nasionál; administra fundus públikus seluk ne’ebé la administra husi departamentu governamentál sira seluk; hodi negósia no aseita doasaun no kontribuisaun finanseira husi Estadu seluk; koordena projetu no programa sira entre Timor-Leste no parseiru dezenvolvimentu sira, hamutuk ho Ministériu Negósius Estranjeirus no Kooperasaun no Ministériu sira seluk ne’ebé iha kompeténsia ba ida ne’e;  negosia no asina empréstimus hodi Estadu nia-naran, atu emite títulu dívida públika, inklui billete no títulu Tezouru, no jere dívida públika interna no externa, jere partisipasaun Estadu nian iha parseria ba dezenvolvimentu, no responsabiliza hodi koordena no define aspetu finanseira no fiskál nian; jere, monitora no avalia partisipasaun Estadu iha empreza públikas no privadas no iha projetus emprezariais;

promove, negosia no asina akordu ho Estadu seluk hodi evita dupla tributasaun, hadi’a troka informasaun tributária no atu kombate frauda no evazaun fiscais (sees-an hodi lakohi selu taxa); garante hala’o knaar nu’udar asionista Estadu nian, koordena ho Ministériu sira ne’ebé iha kompeténsia ba ida ne’e; negosia, asina no jere implementasaun kontratu parseria públiku-privadas, asegura ninia avaliasaun finanseira, ho objetivu atu fahe loloos risku entre Estadu no parseria privadu no sustentabilidade husi projetu ida-idak; jere patrimóniu Estadu, sein prejuízu ba atribuisaun sira Ministériu Justisa nian kona-ba patrimóniu imobiliáriu, inklui kriasaun ba sistema inventariasaun, administrasaun no monitorizasaun; promove polítika kona-ba jestaun beins móveis Estadu nian, iha kolaborasaun ho entidades públikas seluk ne’ebé kompetente; asegura fornesimentu beins ne’ebé aproviziona ona ba ministériu hotu-hotu; ezerse tutela no superintendénsia kona-ba autoridade estatístika nasionál;jere Tezouraria Sentrál Estadu, inklui jestaun kaixa no jestaun Dotasaun Jerál Estadu; promove regulamentasaun ne’ebé nesesária no ezerse kontrolu finanseiru kona-ba despezas Orsamentu Jerál Estadu ne’ebé sei atribui ba ministériu sira seluk, iha ámbitu prosekusaun polítika ida ho autonomia finanseira ida ne’ebé boot liu servisu sira; garante jestaun di’ak ba finansiamentu sira ne’ebé hala’o liuhusi Orsamentu Jerál Estadu, husi parte órgaun administrasaun indireta Estadu nian no husi órgaun governasaun lokál, liuhusi monitorizasaun no akompañamentu; reprezenta Estadu hamutuk ho instituisaun finanseira internasionais; koordena asisténsia téknika nasionál no internasionál ne’ebé promove husi entidade ka organizmus internasionais iha área asesoria téknika ba órgaun sira Governu nian, no iha artikulasaun ho ministériu kompetente sira kona-ba asuntu ne’e; ezerse jurisdisaun aduaneira, tuir lei; define padraun kontabilístiku Setór Públiku no setór Privadu; dezenvolve sistemas integradus informasaun jestaun finanseira iha servisu no organizmu Administrasaun Públika hotu, liuhusi dezenvolvimentu prosesu governasaun eletrónika (e-government); promove reforma finansas finansas publikas no implementasaun polítika orsamentasaun tuir programa sira ho objetivu atu aumenta ekonomia, efisiénsia no efikásia iha uzu osan públikus; promove kapasitasaun traballadores Administrasaun Públika iha área jestaun finanseira; no atu estabelese mekanizmu kolaborasaun no koordenasaun ho órgaun Governu nian sira seluk, ne’ebé iha tutela kona-ba áreas relevantes.

Ministra Finansas bainhira hala’o ninia funsaun sei hetan tulun husi Vise-Ministra Finansas.

Servisu no organizmu sira tuirmai Ministra Finansas maka sei tutela: Autoridade Tributária (AT), Autoridade Aduaneira (AA), Institutu Nasionál Estatístika Timor-Leste, I.P. (INETL) no Millenium Challenge Account – Timor-Leste, I.P. (MCA-TL).

 

Ministru Negósius Estranjeirus no Kooperasaun

Ministru Negósius Estranjeirus no Kooperasaun

Bendito dos Santos Freitas

Ministru Negósius Estranjeirus no Kooperasaun mak responsável ba konsesaun, ezekusaun, koordenasaun no avaliasaun polítika, ne'ebé define no aprova ona husi Konsellu Ministrus, ba área polítika esterna no kooperasaun internasionál, funsaun konsulares no promosaun no defeza interese sidadaun Timoroan sira-nian iha rai-li'ur.

Ministru Negósius Estranjeirus no Kooperasaun mak iha kompeténsia hodi planifika, propoin no ezekuta polítika esterna Timor-Leste nian no asegura ninia unidade no koerénsia; elabora projetu lejizlativu no regulamentasaun iha área ida-idak ne’ebé nia tutela; promove interese Timor-Leste nian iha rai-li'ur no asegura protesaun ba sidadaun Timoroan sira iha rai-li'ur; asegura reprezentasaun Timor-Leste nian iha Nasaun seluk no Organizasaun Internasionál sira seluk no jere rede embaixadas, misaun sira, reprezentasaun permanente no temporárias no postus konsulares, tuir prioridades polítika esterna; planeia no ezekuta preparasaun adezaun Timor-Leste nian ba Organizasaun Nasaun Sudeste Aziátiku (ASEAN) no asegura reprezentasaun país iha ninia sorumutuk no atividade sira; Koordena partisipasaun Timor-Leste nian hamutuk Komunidade País sira Lian Portuges (CPLP) no asegura reprezentasaun país iha ninia reuniaun no atividade sira; sentraliza no koordena relasaun ho entidades públikas hotu ho misaun diplomátikas ka konsulares, ho organizasaun internasionál no ho reprezentasaun servisu kooperasaun ne'ebé hetan akreditasaun iha Timor-Leste; propoin no ezekuta polítika kooperasaun internasionál, iha koordenasaun ho Ministériu Finansas no instituisaun governu kompetente sira seluk; koordena, hamutuk ho Ministériu Finansas no departamentu kompetente Governu nian sira seluk, relasaun Timor-Leste nian ho parseiru dezenvolvimentu sira; ezerse funsaun sira ne'ebé atribui ba nia kona-ba asuntu diplomátika ekonómika; ezerse funsaun nu’udar Ordenadór Nasionál; estabelese mekanizmu kooperasaun ho misaun estranjeira ne'ebé estabelese ona iha país; estabelese mekanizmu kolaborasaun no koordenasaun ho órgaun Governu sira seluk ne'ebé tutela ba área atividade sira ne'ebé relevante; no organiza, dinamiza ka partisipa iha kualkér tipu atividades ne'ebé nesesáriu ba estabelesimentu no funsionamentu plataforma ida ba kooperasaun no dezenvolvimentu ekonómiku integradu sub-rejionál entre Timor-Leste, Indonézia no Austrália.

Ministru Negósius Estranjeirus no Kooperasaun hetan tulun husi Vise-Ministru Asuntus ASEAN, uainhira hala'o nia funsaun.

Servisu no organizmu sira tuirmai Ministru Negósius Estranjeirus no Kooperasaun maka sei tutela: Ajénsia Kooperasaun Timor-Leste (ACTL) no Institutu Estudus Diplomátikus (IED)

 

Ministru Justisa

Ministru Justisa

Sérgio de Jesus Fernandes da Costa Hornai

Ministru Justisa maka responsavel ba konsesaun, ezekusaun, koordenasaun no avaliasaun polítika, ne’ebé define no aprova husi Konsellu Ministrus, ba área justisa, direitu no direitus umanus no terras e propriedades.

Ministru Justisa maka iha kompeténsia atu propoin polítika no elabora projetu lejizlasaun no regulamentasaun nesesáriu ba área sira ne’ebé nia tutela; propoin medidas kona-ba definisaun mekanizmu regulasaun justisa tradisionál no ninia interasaun ho sistema formál; propoin no ezekuta medidas alargamentu ba mapa judisiáriu; propoin definisaun polítika kriminál no garante ninia implementasaun no administrasaun justisa nian ho di’ak; regula no jere Sentru Formasaun Jurídika no Judisiária no promove formasaun rekursus umanus ba área atuasaun oioin iha setór justisa; promove koordenasaun no diálogu entre atór judisiárius sira hotu, nune’e mós asegura sira nia partisipasaun iha diskusaun no elaborasaun proposta kona-ba lejizlasaun no regulamentu setór judisiáriu nian; regula no jere sistema prizionál, ezekusaun ba pena sira no servisus reinsersaun sosiál; asegura mekanizmu ne’ebé adekuadu hodi asesu ba direitu no tribunál, liuliu sidadaun sira ne’ebé dezfavoresidu liu, iha área informasaun jurídika no konsulta jurídika no apoiu judisiáriu, liuliu liuhusi Defensória Públika no entidade no estrutura justisa sira seluk; kria no garante mekanizmu ne’ebé di’ak hodi asegura direitus sidadania nian no promove divulgasaun leis no regulamentus ne’ebé iha vigór; organiza kartografia no kadástru rai no propriedade no rejistu ba beins imoveis; asegura, hanesan medida hodi promove asesu sidadaun sira nian ba Direitu, servisu tradusaun jurídika ne’ebé responsavel hodi utiliza lian ofisiál rua ne’e iha área Direitu no justisa; jere no fiskaliza sistema servisu rejistu no notariadu; administra no halo jestaun iha patrimóniu imobiliáriu Estadu nian; promove no orienta formasaun jurídika ba karreira judisiál no funsionáriu públiku sira seluk; asegura relasaun internasionál iha área polítika Justisa nian, liuliu ho governu no organizasaun sira seluk, sein prejuízu ba kompeténsia rasik Ministériu Negósius Estranjeirus no Kooperasaun nian; estabelese mekanizmu kolaborasaun no koordenasaun ho órgaun Governu sira seluk ne’ebé tutela iha áreas relevantes.

Ministru Justisa hetan tulun husi Vise-Ministru Fortalesimentu Institusionál no husi Sekretariadu Estadu Terras no Propriedades, uainhira hala’o ninia funsaun sira.

Servisu no organizmu sira tuirmai Ministru Justisa maka sei tutela: Sentru Formasaun Jurídika no Judisiáriu (CFJJ), Komisaun Terras no Proriedades, Polísia Sientífika Investigasaun Kriminál (PCIC), Defensoria Públika no Komisaun Luta Kontra Tráfiku Pesoas (CLCTP).

Amândio de Sá Benevides

Amândio de Sá Benevides

Hosi loron 1 fulan-jullu tinan 2023 to'o loron 20 fulan-janeiru tinan 2024, ninia data mate.

 

Ministru Administrasaun Estatál

Ministru Administrasaun Estatál

Tomás do Rosário Cabral

Ministru Administrasaun Estatál maka responsavel ba konsesaun, ezekusaun, koordenasaun no avaliasaun ba polítika ne’ebé define no aprova ona husi Konsellu Ministrus, ba área podér lokál, desentralizasaun administrativa, apoia ba organizasaun komunitária sira, promove dezenvolvimentu lokál, organizasaun no ezekusaun ba prosesu eleitorál no referendáriu nian, promosaun ijiene no organizasaun urbana no klasifikasaun no konservasaun ba dokumentu ofisiál sira ne’ebé ho valór istóriku.

Ministru Administrasaun Estatál mak iha kompeténsia atu promove no realiza prosesu desentralizasaun administrativa no instalasaun órgaun no servisu sira Podér Lokál nian; propoin no implementa lei podér lokál, lei eleitorál munisipál no lei finansas, patrimóniu no aprovizionamentu munisipál, no normativu legál no regulmentár sira seluk ne’ebé nesesáriu ba desentralizasaun administrativa no instalasaun ba órgaun reprezentativu sira podér lokál nian; apoia  formasaun no asisténsia permanente ne’ebé dirije ba prosesu deskonsentrasaun no desentralizasaun administrativa, iha koordenasaun ho Ministériu no entidade relevante sira seluk;  promove selebrasaun akordu kooperasaun ho autoridade lokál Nasaun seluk nian, ho objetivu atu hakle’an prosesu desentralizasaun, serbisu hamutuk ho Ministériu Negósius Estranjeirus no Kooperasaun; koordena no fiskaliza atividade sira servisu perifériku ministériu nian; estabelese no operasionaliza mekanizmu kolaborasaun no koordenasaun ho órgaun Administrasaun Públika sira-seluk ne’ebé responsavel ba áreas relevantes; propoin polítika públika no inisiativa lejizlativa ba área sira ne’ebé nia tutela; propoin no aplika lejizlasaun hodi promove ijiene no ordem públika urbana, sein prejuízu ba kompeténsia rasik Administrasaun Lokál nian;  propoin no aplika norma jurídika sira ne’ebé relasiona ho toponímia, sein prejuízu ba kompeténsia rasik órgaun Administrasaun Lokál nian; garante apoiu tékniku ba prosesu eleitorál no referendáriu sira; Promove polítika dezenvolvimentu lokál hodi hamenus dezigualdade ekonómika no sosiál, iha kooperasaun ho organizmu governamentál sira seluk ba ninia ezekusaun; estabelese no operasionaliza mekanizmu kolaborasaun no apoiu tékniku ba lideransa komunitária sira; asegura koordenasaun no implementasaun Planeamentu ba Dezenvolvimentu Integradu Munisipál; asegura koordenasaun no implementasaun ba Programa Nasionál Dezenvolvimentu Suku; dezenvolve no implementa  polítika no mekanizmu apoiu nian ba dezenvolvimentu komunitáriu no Suku sira; propoin no dezenvolve norma no instrusaun téknika sira kona-ba klasifikasaun, tratamentu no arkivu ba dokumentu istóriku no dokumentu Estadu nian; promove rekuperasaun, prezervasaun no rai didi’ak dokumentus istórikus no dokumentus Estadu nian

Ministru Administrasaun Estatál, hetan tulun husi Vise-Ministru Administrasaun Estatál, Sekretáriu Estadu Asuntus Toponímia no Organizasaun Urbana no Sekretáriu Estadu Dezenvolvimentu Lokál uainhira hala’o ninia funsaun sira.

Servisu no organizmu sira tuir mai, Ministru Administrasaun Estatál maka sei tutela: Sentru Akollimentu Multifunsaun, Sekretariadu Tékniku Administrasaun Eleitorál (STAE), Arkivu Nasionál Timor-Leste (ANTL), Institutu Nasionál Administrasaun Públika (INAP), Fundu Espesiál ba Dezenvolvimentu Ataúru (FEDA).

 

Ministra Saúde

Ministra Saúde

Elia A. A. dos Reis Amaral

Ministra Saúde maka responsavel ba konsesaun, ezekusaun, koordenasaun no avaliasaun ba polítika, ne’ebé Konsellu Ministrus define no aprova ona, ba área saúde no atividade farmaséutika nian.

Ministra Saúde maka iha kompeténsia atu propoin polítika no elabora projetu regulamentasaun sira ne’ebé presiza ba área sira-ne’ebé nia tutela; garante asesu kuidadu saúde ba sidadaun sira hotu; koordena atividade sira ne’ebé relasiona ho kontrolu epidemiolójiku nian; fó apoiu tékniku ba kuidadu saúde iha munisípiu no rejiaun sira, tantu diretamente ka liuhusi Administrasaun Lokál; halo kontrolu sanitáriu ba produtu sira ne’ebé iha influénsia ba ema nia saúde; promove formasaun ba profisionál saúde sira; kontribui ba susesu iha asisténsia umanitária, promove pás, seguransa no dezenvolvimentu Sosioekonómiku, liuhusi mekanizmu koordenasaun no kolaborasaun ho órgaun Governu nian sira-seluk ne’ebé tutela ba áreas relevantes; promove no reforsa banku nasionál ran nian; implementa polítika medikamentu, regula atividade farmaséutika no fiskaliza atividade ne’e liuhusi serbisu hamutuk ho Autoridade Inspesaun no Fiskalizasaun ba Atividade Ekonómika, Sanitária no Alimentár I.P.; promove formasaun akadémika, kualifikasaun no espesializasaun profisionál ba profisionál saúde sira; promove étika ba profisionál saúde sira; dezenvolve no promove uzu komplementár medisina tradisionál.

Ministra Saúde sei hetan tulun husi Vise-Ministru Fortalesimentu Institusionál Saúde no Vise-Ministru Operasionalizasaun Ospitais, uainhira hala’o ninia funsaun sira.

Servisu no organizmu sira tuir mai Ministra Saúde maka sei tutela: Ospitál sira husi Servisu Nasionál Saúde nian, Servisu Autónomu Medikamentus no Ekipamentus Médikus, (SAMES), Institutu Nasionál Saúde Públika (INSP-TL), Servisu Nasionál Ambulánsia no Emerjénsia Médika, I. P. (SNAEM) no Laboratóriu Nasionál Saúde nian.

 

Ministra Edukasaun

Ministra Edukasaun

Dulce de Jesus Soares

Ministra Edukasaun maka responsavel ba konsesaun, ezekusaun, koordenasaun no avaliasaun ba polítika ne’ebé define no aprova ona husi Konsellu Ministrus iha área ensinu no kualifikasaun ba nivel ensinu hotu-hotu, la inklui nivel superiór, konsolidasaun no promosaun ba lian ofisiál sira.

Ministra Edukasaun maka iha kompeténsia atu propoin no asegura polítika hirak ne’ebé relasiona ho edukasaun pré-eskolár no eskolár, inklui ensinu báziku to’o sekundáriu no integra modalidade espesiál edukasaun nian, promove ensinu rekorrente no aprendizajen iha moris tomak; partisipa iha definisaun no ezekusaun polítika kualifikasaun no formasaun profisionál; garante direitu ba edukasaun no asegura eskolaridade obrigatória, hodi promove inkluzaun no oportunidade ne’ebé hanesan; Reforsa kondisaun ensinu no aprendizajen hodi kontribui ba dezenvolvimentu integrál alunu nian, hodi hadi’a susesu eskola no kualifikasaun populasaun nian, ho objetivu atu hasa’e kapasidade traballu;  define kurríkulu nasionál iha nivel ensinu hotu-hotu no rejime avaliasaun ba alunu sira no aprova programa hanorin nian no mós orientasaun ba konkretizasaun programa hirak ne’e nian; asegura no promove ensinu ne’ebé iha kualidade ba lian ofisiál rua ne’e, liuliu reforsa rezultadu aprendizajen iha lian portugés no konsolidasaun no regularizasaun ba lian tetun; promove valorizasaun no dezenvolvimentu lian nasionál sira; jere ensinu tékniku-agríkola; promove kriasaun entidade ida ne’ebé responsavel ba konsolidasaun, uniformizasaun no promosaun lian tétum; promove no jere parke eskolár estabelesimentu públiku edukasaun pré-eskolár, ensinu báziku no sekundáriu no hametin sira-nia kapasidade hodi hatán ba nesesidade populasaun nian, nune’e mós apoia inisiativa iha ámbitu ensinu partikulár no kooperativu, inklui komunitáriu; promove jestaun no administrasaun eskolár ne’ebé efikás no iha kualidade no garante avaliasaun no akreditasaun ba sistema edukasaun pré-eskolár no ba sistema ensinu báziku no sekundáriu; estabelese polítika kooperasaun ho UNESCO, sein prejuizu ba artikulasaun ho Ministériu Negósius Esbtranjeirus no Kooperasaun; promove formasaun no avaliasaun ba profisionál edukasaun no garante implementasaun lei kona-ba karreira dosente nian; estabelese mekanizmu kolaborasaun no koordenasaun ho órgaun Governu sira seluk ne’ebé sai nu’udar responsavel ba áreas relevantes, iha ámbitu implementasaun polítika nasionál edukasaun nian;  promove polítika inkluzaun ativa iha área edukasaun, espesialmente liuhusi medidas edukasaun inkluziva no partisipasaun ema ho nesesidade espasiál; asegura no promove igualdade jéneru iha ámbitu área hirak ne’ebé sai nudár ninia kompeténsia, iha koordenasaun ho entidade públika relevante sira; planeia no ezekuta sistema análize no monitorizasaun ida, atu avalia rezultadu no impaktu husi polítika edukasaun nian.

Ministra Edukasaun hetan apoiu husi Sekretáriu Estadu Ensinu Sekundáriu Jerál no Ensinu Tékniku Vokasionál uainhira hala’o ninia funsaun.

Servisu no Organizmu hirak tuirmai Ministra Edukasaun maka sei tutela: Komisaun Nasionál Organizasaun Nasoins Unidas ba Edukasaun, Siénsia no Kultura Timor-Leste (UNESCO)- CNU, Institutu Nasionál Formasaun Dosentes no Profisionais Edukasaun (INFORDEPE), Komité Orientadór 25.

 

Ministru Ensinu Superiór no Siénsia

Ministru Ensinu Superiór, Siénsia no Kultura

José Honório da Costa Pereira Jerónimo

Ministru Ensinu Superiór, Siénsia no Kultura maka responsavel ba konsesaun, ezekusaun, koordenasaun no avaliasaun polítika, ne’ebé define no aprova ona husi Konsellu Ministrus ba-iha área ensinu no kualifikasaun nivel superiór nian, no mós ba área siénsia no teknolojia.

Ministru Ensinu Superior, Siénsia no Kultura maka responsavel atu halo medida polítika sira iha área ensinu superiór, siénsia no teknolojia nian, nune’e mós ninia organizasaun, finansiamentu, ezekusaun no avaliasaun; promove oportunidade hanesan hodi asesu ba ensinu superiór no ba siénsia no teknolojia; promove dezenvolvimentu, modernizasaun, kualidade, kompetitividade no rekoñesimentu internasionál kona-ba sistema ensinu superiór no sientífiku no teknolójiku nian; promove ligasaun entre instituisaun ensinu superiór no sientífiku no teknolójiku, no entre instituisaun sira ne’e ho sistema produtivu ne’e; promove avaliasaun no inspesaun permanente ba estabelesimentu ensinu superiór, sientífiku no teknolójiku; promove avaliasaun ba profisionál edukasaun ensinu superiór sira; planeia sistema análize no monitorizasaun nian ida, atubele avalia rezultadu no impaktu polítika ensinu superiór nian; garante prezervasaun ne’ebé adekuada ba dokumentu ofisiál no istóriku sira ho loloos tuir kompeténsia.

Servisu no Organizmu hirak tuirmai Ministru Ensinu Superiór, Siénsia no Kultura maka sei tutela: Universidade Nasionál Timor-Leste (UNTL), Institutu Politéknika Betanu (IPB), Institutu Nasionál Siénsia no Teknolojia (INCT) no Ajénsia Nasionál ba Avaliasaun no Akreditasaun Akadémika, I.P. (ANAAA).

 

Ministru Asuntus Kombatentes Libertasaun Nasionál

Ministru Asuntus Kombatentes Libertasaun Nasionál

Gil da Costa Monteiro “Oan Soru”

Ministru Asuntus Kombatentes Libertasaun Nasionál maka responsavel ba konsesaun, ezekusaun, koordenasaun no avaliasaun polítika, ne’ebé define no aprova ona husi Konsellu Ministrus, ba asuntus antigu Kombatentes Libertasaun Nasionál.

Ministru Asuntus Kombatentes Libertasaun Nasionál maka iha kompeténsia atu halo medida polítika, lejizlasaun no regulamentasaun ba asuntus Kombatentes Libertasaun Nasionál, nune’e mós ninia finansiamentu, ezekusaun no avaliasaun; koordena no halo planu polítika Governu nian iha ámbitu asuntu hirak ne’ebé iha relasiona ho Kombatentes Libertasaun Nasionál; promove rejistu Kombatentes Libertasaun Nasionál, tuir lei; implementa programa atu atribui pensaun no benefísiu finanseira seluk ba kombatentes Libertasaun Nasionál no sira-nia família, tuir lei; disponibiliza akompañamentu no inkluzaun iha sosiedade veteranu no Kombatente Libertasaun Nasionál; promove, liuhusi koordena ho Prezidénsia Repúblika no Konsellu Kombatente Libertasaun Nasionál, hala’o serimónia valorizasaun, dezmobilizasaun no rekoñesimentu públiku ba Kombatentes Libertasaun Nasionál, liuliu liuhusi kondekorasaun ofisiál, harii memoriál ba mártires no asaun relevante sira-seluk; mantein servisu peskiza, arkivu no divulgasaun istória luta libertasaun nasionál; promove revizaun kle’an kona-ba baze dadus ba rejistu Kombatentes Libertasaun Nasionál; mantein baze dadus rejistu nian ida, prosesamentu, análize no supervizaun no hodi apoia sira nia atividade; promove no planeia programa apoiu libertasaun nasionál, liuliu, iha área saúde, edukasaun no formasaun tékniku-profisionál, empregu, asesu ba kréditu no atividade ne’ebé rezulta rendimentu;

Dezenvolve programa asisténsia no tulun ba Kombatente Libertasaun Nasionál; promove programa dezmobilizasaun, reforma no pensaun hodi atribui ba Kombatente Libertasaun Nasionál; disponibiliza akompañamentu no inkluzaun iha sosiedade veteranu no kombatente Libertasaun Nasionál; estabelese mekanizmu kolaborasaun no koordenasaun ho órgaun sira-seluk Governu nian ne’ebé tutela iha área relevante; ezerse atribuisaun seluk ne’ebé lei fó ba nia.

Ministru Asuntu Kombatente Libertasaun Nasionál sei hetan tulun husi Sekretáriu Estadu Veteranu uainhira hala’o ninia kna’ar.

 

Ministru Obras Públikas

Ministru Obras Públikas

Samuel Marçal

Ministru Obras Públikas maka responsavel ba konsesaun, ezekusaun, koordenasaun no avaliasaun polítika, ne’ebé define no aprova ona husi Konsellu Ministrus, ba área obras públikas, abitasaun, abastesimentu, distribuisaun no jestaun bee, saneamentu no eletrisidade no ezekusaun planeamentu urbanu no abitasaun.

Ministru Obras Públikas nia kompeténsia mak atu propoin no ezekuta liñas polítika Ministériu nian iha área obras públikas, abitasaun, distribuisaun bee, jestaun rekursus ídrikus, saneamentu no eletrisidade; Ezekuta planu ordenamentu territoriál no polítika nasionál abitasaun, iha koordenasaun ho Ministériu Planeamentu no Ordenamentu Estratéjiku; asegura implementasaun no ezekusaun ba kuadru legál no regulamentadór husi atividades ministériu nian; Kria no implementa kuadru legál no regulamentár atividade konstrusaun sivíl no investigasaun nian kona-ba materiál konstrusaun; estuda, planeia no ezekuta obras konstrusaun nian ne’ebé nesesária hodi proteze, konserva no hadi’a pontes, estradas, mota-ninin no tasi-ninin, liuliu hodi halo kontrolu ba inundasaun;promove estudu no ezekusaun ba sistema rede infraestruturas foun hodi distribui ba bee no rekursus bee, nune’e mós saneamentu báziku, no fiskaliza ninia funsionamentu no esplorasaun, sein prejuízu ba atribuisaun hirak ne’ebé fó ba área sira ne’e, ba organizmu sira seluk; estabelese koordenasaun no promove kualidade projetu fíziku sira ne’ebé ezekuta ona husi Estadu; promove hodi hala’o obras konstrusaun, konservasaun no hadi’a edifísiu públiku, monumentu no instalasaun espesiál sira, iha kazu sira ne’ebé tuir lei fó dalan hodi hala’o; lisensa no fiskaliza edifikasaun urbana sira-hotu, liuliu partikulár no públikas, tuir lejizlasaun ne’ebé aplika; Promove adosaun ba normas téknikas no regulamentu kona-ba matéria sira ne’ebé utiliza ona iha konstrusaun sivíl, no mós dezenvolve teste laboratoriál atu garante seguransa edifikasaun nian; realiza no mantein infraestruturas produsaun, transmisaun no distribuisaun enerjia elétrika, no mós promove planeamentu no loke tan rede elétrika nasionál; mantein no dezenvolve sistema nasionál informasaun no vijilánsia kona-ba kondisaun obras no materiál sira konstrusaun sivíl nian, inklui efeitu husi inundasaun iha infraestruturas; asegura koordenasaun iha setór enerjétiku renovável no estimula komplementariedade entre ninia modu oioin, no mós ninia kompetividade, atubele hadi’a satisfasaun utente sira nian; regula, iha koordenasaun ho ministériu sira seluk, operadór iha área produsaun eletrisidade; no estabelese mekanizmu kolaborasaun no koordenasaun ho órgaun Governu nian sira seluk ne’ebé tutela ba áreas relevantes.

Servisu no Organizmu hirak tuirmai Ministériu Obras Públikas mak sei tutela: Institutu Jestaun Ekipamentus no Apoiu ba Dezenvolvimentu Infraestruturas (IGIADI); Eletrisidade Timor-Leste E.P. (EDTL, E.P), Bee Timor-Leste E.P. (BTL, E.P); Autoridade Nasionál ba Bee no Saneamentu I.P.

Ministru Obras Públikas sei hetan tulun husi Vise-Ministru ba Infraestruturas no husi Sekretáriu Estadu Eletrisidade, Bee no saneamentu, uainhira hala’o ninia funsaun.

 

Ministru Transportes no Komunikasoins

Ministru Transportes no Komunikasoins

Miguel Marques Gonçalves Manetelu

Ministru Transportes no Komunikasoins mak responsável ba konsesaun, ezekusaun, koordenasaun no avaliasaun polítika, ne'ebé define no aprova ona husi Konsellu Ministrus, ba área transportes no Komunikasoins.

Ministru Transportes no Komunikasoins mak iha kompeténsia atu propoin no ezekuta liña polítika Ministériu nian iha área transportes no Komunikasoins; formula, dezenvolve no asegura implementasaun no ezekusaun ba kuadru legál no reguladór setór transportes no Komunikasoins nian;

dezenvolve no regula atividade transportes no Komunikasoins nian, nune'e mós otimiza meiu komunikasaun; asegura koordenasaun setór transportes no estimula komplementaridade entre ninia modu oioin, nune'e mós sira-nia kompetitividade, atubele hadi'a satisfasaun utente sira nian; promove jestaun, nune'e mós adosaun normas téknikas no regulamentasaun kona-ba uzu públiku servisu komunikasaun nian; garante prestasaun servisu públiku telekomunikasaun nian no utilizasaun espasu rádiuelétriku, liuhusi emprezas públikas ka konsesaun prestasaun servisu públiku nian ba entidade privadu sira; mantein no dezenvolve sistema informasaun no supervizaun meteorolójiku no seismolójiku nasionál, inklui konstrusaun no manutensaun ninia infraestruturas; promove no koordena investigasaun sientífika no dezenvolvimentu teknolójiku iha área transportes terrestres, aéreus no marítimu ho karáter sivíl; estabelese mekanizmu kolaborasaun no koordenasaun ho órgaun Governu sira seluk ne'ebé iha responsabilidade ba áreas relevantes.

Servisu no organizmu hirak tuirmai Ministru Transportes no Komunikasoins maka sei tutela: Administrasaun Portu Timor-Leste (APORTIL, sigla iha lian portugés), Administrasaun Aeroportu no Navigasaun Aérea Timor-Leste, E.P. (ANATL E.P. sigla iha lian portugés), Autoridade Aviasaun Sivíl Timor-Leste (AACTL, sigla iha lian portugés), Autoridade Nasionál Komunikasaun (ANC, sigla iha lian portugés) no Ajénsia Teknolojia Informasaun no Komunikasaun, I.P. - TIC TIMOR

 

Ministru Komérsiu no Indústria

Ministru Komérsiu no Indústria

Filipus Nino Pereira

Ministru Komérsiu no Indústria mak responsável ba konsesaun, ezekusaun, koordenasaun no avaliasaun polítika sira ne'ebé Konsellu Ministrus define no aprova ona ba área atividade ekonómika komersiál no industriál.

Ministru Komérsiu no Indústria maka iha kompeténsia atu propoin polítika no elabora lejizlasaun no regulamentu sira ne'ebé nesesáriu ba áreas ne’ebé nia tutela; dezeña, implementa no avalia polítika komérsiu no indústria; kontribui hodi dinamiza atividade ekonómika, inklui ho ida ne’ebé iha relasaun ho kompetitividade nasionál no internasionál; apoia atividade ajente ekonómiku sira-nian, no promove medida sira ne'ebé presiza hodi valoriza solusaun sira ne'ebé halo prosesu prosedimentu sai simples no lalais liu; apresia no fó lisensa ba projetu instalasaun no emprendimentu komersiál no indústria sira; halo inspesaun no fiskalizasaun ba atividade no emprendimentu komersiál, indústria no empreza sira, tuir lei; mantein no administra sentru informasaun no dokumentasaun ida kona-ba empreza komersiál no indústria; propoin kualifikasaun no klasifikasaun emprezas industriais, tuir lejizlasaun aplikavel; organiza no administra rejistu propriedade industriál; Promove regra interna no internasionál sira kona-ba normalizasaun, metrolojia no kontrolu kualidade, padraun sira kona-ba medida unidades no magnitude fízika; estabelese mekanizmu kolaborasaun no kooperasaun ho organizmu nasionál no internasionál sira ne'ebé ninia asaun foka ba área atuasaun ministériu nian, liuliu ho Kámara Komérsiu no Indústria Timor-Leste (CCI-TL, sigla iha lian portugés) no Organizasaun Mundiál Komérsiu; estabelese mekanizmu kolaborasaun ho servisu no organizmu governamentál sira seluk ne'ebé tutela ba área relevante, liuliu servisu kompetente ba ordenamentu no dezenvolvimentu fíziku territóriu nian, ho objetivu atu promove zona estratéjika sira ba dezenvolvimentu komersiál ka industriál.

Ministru Komérsiu no Indústria sei hetan tulun husi Vise-Ministru Komérsiu, uainhira hala'o ninia kna’ar sira.

 

Ministru Agrikultura, Pekuária, Peska no Florestas

Ministru Agrikultura, Pekuária, Peska no Florestas

Marcos da Cruz

Ministru Agrikultura, Pekuária, Peska no Florestas maka responsavel ba konsesaun ezekusaun, koordenasaun no avaliasaun polítika, ne’ebé define no aprova husi Konsellu Ministrus, ba área agrikultura, floresta, peska no pekuária. Ministru Agrikultura, Pekuária, Peska no Florestas maka iha kompeténsia atu propoin polítika no elabora projetu lejizlasaun no regulamentasaun nesesáriu ba ninia área ne’ebé nia tutela; asegura implementasaun no kontinuidade ba programas dezenvolvimentu agríkola, iha koordenasaun ho departamentu governamentál sira seluk ho atribuisaun iha área dezenvolvimentu rurál nian; kria sentru apoiu tékniku ba to’os-na’in sira; promove investigasaun agrária no otimizasaun rai to’os nian; kontrola uza rai ba objetivu produsaun agropekuáriu; promove no fiskaliza produsaun no saúde animál; promove indústria agropekuária no peskeira (kaer ikan nian); promove no fiskaliza produsaun alimentár, inklui produsaun ba fini sira; jere Servisu Kuarentena; promove, iha koordenasaun ho Ministru Koodenadór Asuntus Ekonómikus, dezenvolvimentu rurál, liuhusi implementa sistema kooperativu produsaun no komersializa produsaun agríkola nian; hala’o estudus viabilidade ba instalasaun sistemas irrigasaun no armazenamentu be’e nian, nune’e mós edifikasaun ba ninia instalasaun; jere rekursus florestál no basia idrográfikas (área ne’ebé delimita husi barreira topográfika ida, iha ne’ebé, bee ne’ebé maihusi udan been ne’ebé monu sai mota ki’ik sira hodi sulin no halibur iha área refere hodi sai mota boot) iha koordenasaun ho Ministériu Koordenadór Asuntus Ekonómikus, Ministériu Turizmu no Ambiente no Ministériu Obras Públikas; promove produsaun planta industriál nian, liuliu plantasaun kafé;

jere rekursus ídrikus ne’ebé destina ba nesesidade agríkola; promove no fiskaliza setór peska no akuakultura; estabelese mekanizmu kolaborasaun no koordenasaun ho órgaun Governu nian sira seluk ne’ebé tutela ba áreas relevantes; jere Parkes Nasionál, Áreas Protejidas no Jardín Botániku; garante protesaun no konservasaun ba natureza no biodiversidade, superviziona implementasaun polítika no fiskaliza atividades ne’ebé iha perigu ba integridade fauna no flora nasionál, iha kolaborasaun ho entidades relevantes.

Ministru Agrikultura, Pekuária, Peska no Floresta hetan tulun husi Sekretáriu Estadu Peskas, Sekretáriu Estadu Pekuáriu no Sekretáriu Estadu Florestas, uainhira hala’o ninia funsaun sira.

 

Ministru Defeza

Ministru Defeza

Donaciano do Rosário Gomes

Ministru Defeza maka responsavel ba konsesaun, ezekusaun, koordenasaun no avaliasaun ba polítika, ne’ebé define no aprova ona husi Konsellu Ministrus iha área defeza nasionál no kooperasaun militár.

Ministru Defeza maka iha kompeténsia, hodi propoin no ezekuta polítika kona-ba komponente militár defeza nasionál nian;  elabora projetu lejizlasaun no regulamentasaun ne’ebé presiza ba área defeza nian;  promove diplomasia estratéjiku-militár, hodi koordena no orienta atividade sira ne’ebé mosu husi kompromisu militár ne’ebé asume iha ámbitu instrumentu direitu internasionál no akordu bilaterál no multilaterál, nune’e mós relasaun ho Estadu no organizmu internasionál sira ho karater militár, sein prejuízu ba atribuisaun sira husi Ministériu Negósius Estranjeirus no Kooperasaun rasik; asegura hodi mantein relasaun iha área polítika Defeza nian ho país no  organizasaun internasionál sira seluk, sein prejuízu ba atribuisaun própria husi Órgaun Soberania sira seluk no Ministériu Negósius Estranjeirus no Kooperasaun, iha ámbitu husi objetivu sira ne’ebé hatuur ona ba polítika timoroan nian iha rai li’ur;  koordena no monitoriza, iha koordenasaun ho Ministériu Negósius Estranjeirus no Kooperasaun, asaun kooperasaun ne’ebé dezenvolve ona husi organizasaun internasionál sira, Estadu ka forsa defeza sira husi país seluk ne’ebé fó apoiu hodi dezenvolve ba ninia área sira ne’ebé tutela, iha ámbitu akordu internasionál ne’ebé temi  iha alínea anteriór; administra no fiskaliza Forsas Defeza Timor-Leste; Promove adekuasaun meius militár sira, akompaña no inspesiona ninia utilizasaun; fiskaliza navegasaun marítima no aérea ba objetivu militár nian; Ezerse tutela, administra no fiskaliza Autoridade Marítima;  estabelese mekanizmu kolaborasaun no koordenasaun ho órgaun Governu nian sira seluk ne’ebé tutela ba áreas relevantes.

Servisu no organizmu sira ne’ebé Ministru Defeza sei tutela maka Institutu Defeza Nasionál (IDN) no Autoridade Marítima Nasionál.

 

Ministru Petróleu no Minerais

Ministru Petróleu no Rekursus Minerais

Francisco da Costa Monteiro

Ministru Petróleu no Rekursus Minerais maka responsavel ba konsesaun no ezekusaun ba polítika enerjétika no jestaun rekursus minerais, nune’e mós petróleu, gas naturál tuir define ona iha lejizlasaun aplikavel, ne’ebé aprova ona husi Konsellu Ministrus, nune’e mós lisensiamentu no regulasaun ba atividade estrativa, atividade industriál ba benefisiasaun petróleu no gas naturál, no minerál sira, inklui petrokímika no refinasaun. Ministru Petróliu no Rekursus Minerais nia kompeténsia mak atu elabora no propoin polítika no projetu sira lejizlasaun nian ba setór ne’e; kria sistema administrasaun no jestaun setoriál no regula atividade sira hosi setor ne’e; garante Timor-Leste nia partisipasaun másima iha atividade setor petróleu no gas naturál no rekursus minerais nian, liuhusi instrumentu jurídiku, administrativu no tékniku sira ne’ebé adekuadu; promove oportunidade nasionál sira iha setór ne’e atu dada no asegura investimentu esternu ne’ebé atribui ona ba iha nia; autoriza loke konkursus públikus ba selebrasaun kontratu petrolíferus, aprova ninia termu sira, no omologa relatóriu finál husi Komisaun Avaliasaun nian, tuir hatuur ona iha Dekretu-Lei n. 7/2005, loron 19 fulan-outubru; monitoriza implementasaun ba Tratadu Internasionál relevante sira, liuliu “Tratadu Entre Repúblika Demokrátika Timor-Leste ho Austrália ne’ebé Estabelese Respetivas Fronteiras Marítimas iha Tasi Timor”, no akompaña ezekusaun setoriál husi instrumentu relevante sira; apoia Primeiru-Ministru hodi kondús prosesu negosiál relasiona ho modelu dezenvolvimentu kampu ‘Greater Sunrise’ nian ka matéria sira seluk ne’ebé iha relasaun ho ezersísiu jurisdisaun iha Tasi Timor, nune’e mós iha área “Rejime Espesiál Greater Sunrise” nian bazeia ba “Tratadu Entre Repúblika Demokrátika Timor-Leste ho Austrália Ne’ebé Estabelese Respetivas Fronteiras iha Tasi Timor”; nomeia, hafoin aprovasaun husi Konsellu Ministrus, reprezentante sira Timor-Leste nian iha Konsellu Supervizaun Greater Sunrise no aloka meius no rekursus ne’ebé presiza hodi apoia reprezentante sira ne’e; akonsella Governu kona-ba kestaun petrolífera no mineiras ne’ebé relasiona ho delimitasaun ketan tasik no ketan raik Repúblika Demokrátika Timor-Leste nian, no nomeia reprezentante no konsultór sira hodi integra ekipa téknika sira; apoia Primeiru-Ministru iha koordenasaun no lideransa ba ezekusaun projetu ‘Tasi Mane’, hodi kria estrutura jurídika no institusionál sira, no determina alokasaun rekursu sira ne’ebé konsidera nesesáriu ka adekuadu ba projetu ne’e, no atribui lisensa no monitoriza atividade sira ne’ebé dezenvolve ona iha zona territoriál ne’ebé dedika ba projetu ‘Tasi Mane’; determina, bazeia ba kondisaun jerál ne’ebé prevee iha lei, termu kontratuál espesífiku sira ba prospesaun no aproveitamentu rekursus petrolíferus, lisensa no kontratu minerasaun nian sira; asegura rezerva mínima obrigatória ba kombustivel no ninia fornesimentu regulár ba merkadu no ba unidade públika sira produsaun enerjia nian; regula, autoriza no fiskaliza atividade sira setór petrolífera “downstream” nian, tuir define ona iha Dekretu-Lei n. 1/2012, loron 1 fulan-fevereiru, no regulamentasaun komplementár, liuliu, prosesamentu, importasaun, esportasaun, transporte, armazenamentu, distribuisaun no komersializasaun, grosu ka retallu, kombustivel no produtu petrolíferu sira seluk, nune’e mós importasaun petróleu brutu no gás naturál no matéria-prima sira seluk ba refinasaun no atividade petrokímika seluk tan; asegura rekursus gás naturál ba konsumu doméstiku iha Timor-Leste, ba fins abitasionais no industriais, promove no dezenvolve projetu sira no aprova lejizlasaun no regulamentasaun nesesáriu sira ba distribuisaun no utilizasaun ida ne’ebé efisiente no segura ba fin sira ne’e rasik; koordena, superviziona no atribui lisensa ba kualkér projetu regazeifikasaun gás naturál nian, no projetu similár ka asosiadu sira seluk; koordena, superviziona, regulamenta no atribui lisensa ba kualkér projetu iha área deskarbonizasaun, ne’ebé inklui projetu idrojéniu no kaptura no utilizasaun karbonu (CCUS) iha rezervatórius jeolójikus no kavidades salinas; promove no dezenvolve inisiativa sira ho objetivu atu forma no kualifika traballadór timoroan sira ba atividade sira ne’ebé tutela, iha koordenasaun ho ministériu no entidade públika ka privada relevante sira; autoriza no atribui lisensa, a jusante da extração (hafoin halo tiha estrasaun mina-rai nia prosesu ba oin), ba projetu sira indústria transformadora nian relasiona ho prosesamentu, benefisiasaun, tratamentu, konversaun ka transformasaun petróleu brutu, gás naturál, ninia komponente no minerál sira, maka hanesan, refinarias, unidades likefasaun gás nian ka petrokímika sira, no unidade prosesamentu minerais tuir define ona iha Kódigu Mineiru; konsidera kompleksidade no espesialidade téknika, atu kondús prosedimentu sira lisensiamentu ambientál nian iha setor petróleu no gás no rekursus minerais nian, ne’ebé temi ona iha númeru ida-ne’e, no aprova lisensa ambientál sira ne’ebé iha korrespondénsia; ezerse podér superintendénsia no tutela kona-ba administrasaun indireta Estadu nian, institusionál ka emprezariál, ne’ebé atua iha setór ne’e, inklui mós subsidiárias direitu privadu emprezas públikas nian, no empreza privada sira ne’ebé harii husi Estadu ne’e hodi atua iha setor ne’e; dezenvolve no promove koñesimentu no investigasaun ba estrutura jeolójika iha solu (rai leten) no subsolu (rai okos) no rekursus idrojeolójikus (rekursu bee no ninia propriedade sira) nasionál nian; propoin ba Konsellu Ministrus kona-ba enumerasaun no klasifikasaun minerais estratéjikus, tuir prevee ona iha Kódigu Mineiru; propoin ba Konsellu Ministrus atu aprova termus referénsia aplikavel iha kada konkursu públiku no aprova atribuisaun Direitus Mineirus; propoin ba Konsellu Ministrus aprovasaun modelu Kontratu Mineiru nian; prosede, tuir termu legál sira, hodi selebra Kontratu Mineirus nian, ba emisaun Lisensa Prospesaun, Peskiza no Produsaun no emisaun autorizasaun nian atu haboot Direitus Minerais ne’ebé iha ona atu nune’e kobre Minerais seluk, nune’e mós kontinua hodi aprova estudu , relatóriu no projetu sira hotu ne’ebé mak iha nia kompeténsia; determina resizaun ka resgate Direitus Mineirus, tuir termu legál no termu kontratu ne’ebé mak estabelese ona; autoriza sesaun ka transmisaun direitus mineirus nian, nune’e mós alterasaun kontrolu ba sosiedade ne’ebé mak iha direitus mineirus; atua hanesan entidade benefisiária no kondús prosesu espropriativu, bazeia ba lei n. 8/2017, loron 26 fulan-abril, kona-ba espropriasaun hosi utilidade públika no konstituisaun servidaun administrativa nesesária sira ba realizasaun atividades hosi ninia kompeténsia sira ka atividade sira ne’ebé sujeita ba ninia supervizaun ka tutela; kompeténsia sira seluk ne’ebé sei atribui ba nia tuir lejizlasaun espesífika aplikavel ba setor ne’e.

Servisu no organizmu sira tuirmai Ministériu Petróliu no Rekursus Minerais mak sei tutela: Autoridade Nasionál Petróliu no Minerais, I.P. (ANPM), Institutu Petróliu no Jeolojia, I.P. (IPJ), TIMOR-GAP (Timor Gás & Petróleu), E.P. no Kompañia Mineira Timor-Leste, S.A. (Murak Rai).

 

Ministru Interiór

Ministru Interiór

Francisco da Costa Guterres

Ministériu Interiór maka responsavel ba konsesaun, ezekusaun, koordenasaun no avaliasaun ba polítika sira, ne’ebé define no aprova ona husi Konsellu Ministrus iha área seguransa interna, migrasaun no azilu, kontrolu fronteira sira, protesaun sivíl, seguransa rodoviária no kooperasaun polisiál.

Ministru Interiór nia kompeténsia mak atu  propoin, koordena no ezekuta polítika sira seguransa interna nian, migrasaun no azilu, kontrolu ba fronteira sira, protesaun sivíl no seguransa rodoviária; partisipa iha definisaun, koordenasaun no ezekusaun polítika seguransa nasionál; elabora projetu lejizlasaun no regulamentasaun nesesária ba nia área tutela sira; ezerse superintendénsia no tutela forsas no servisus seguransa Timor-Leste nian; ezerse podér diresaun, superintendénsia no tutela ba Autoridade Protesaun Sivíl, ne’ebé inklui Korpu Bombeirus; garante no mantein orden no trankilidade públikas; asegura protesaun liberdade no seguransa ba ema no ninia sasán sira; tau-matan ba seguransa patrimóniu imobiliáriu no mobiliáriu Estadu nian; prevene no reprime kriminalidade; kontrola sirkulasaun ema iha fronteira sira, entrada, ema ne’ebé hela metin no nia hela fatin, ema sira ne’ebé sai husi territóriu nasionál ba fali rai estranjeiru; kontrola atividade importasaun, fabriku, komersializasaun, lisensiamentu, detensaun no uzu armas, kilat musan no esplozivu sira, sein prejuizu ba atribuisaun própria sira husi órgaun sira seluk Governu nian; regula, fiskaliza no kontrola ezersísiu atividade seguransa privada nian; prevene katástrofe no asidente boot sira no fó protesaun no sokorru (tulun) ba populasaun sira ne’ebé mak hetan ameasa iha kazu inséndiu, bee sa’e, rai monu, rai nakdoko no iha situasaun hotu-hotu ne’ebé tau sira iha risku; propoin no dezenvolve polítika no estratéjia iha jestaun risku dezastre sira; dezenvolve no implementa programa iha jestaun risku dezastre nian sira, maka hanesan, iha edukasaun sívika, prevensaun, mitigasaun, hatán ba situasaun emerjénsia no rekuperasaun hafoin dezastre iha artikulasaun ho entidade kompetente sira seluk kona-ba matéria ne’e; koordena no monitoriza Konsellu Seguransa Munisipál sira; promove dezenvolvimentu kona-ba estratéjia prevensaun, mediasaun no rezolusaun konflitu komunitáriu; promove adekuasaun meius polisiais, akompaña no inspesiona ninia utilizasaun; asegura manutensaun kona-ba relasaun sira iha domíniu polítika seguransa interna nian ho nasaun no organizasaun internasionál sira seluk, sein prejuízu ba atribuisaun própria hosi Ministériu Negósius Estranjeirus no Kooperasaun rasik, iha ámbitu ba objetivu sira ne’ebé fiksa ona iha polítika esterna timoroan nian; halo negosiasaun, liuhusi kondusaun Primeiru-Ministru nian no iha koordenasaun ho Ministériu Negósius Estranjeirus no Kooperasaun, akordu internasionál sira iha matéria seguransa interna, investigasaun kriminál, migrasaun no kontrolu ba fronteira sira no protesaun sivíl; koordena no monitoriza, iha koordenasaun ho Ministériu Negósius Estranjeirus no Kooperasaun, asaun sira kooperasaun nian ne’ebé dezenvolve ona husi organizasaun internasionál sira, Estadus ka forsa defeza sira husi nasaun sira seluk ne’ebé fó apoiu ba dezenvolvimentu ba nia área tutela sira, iha ámbitu akordu internasionál sira ne’ebé temi iha alínea anteriór; estabelese mekanizmu kolaborasaun no koordenasaun ho órgaun sira seluk Governu nian ho tutela ba área sira ne’ebé iha ligasaun.

Ministru Interiór uainhira hala’o ninia funsaun, hetan tulun husi Sekretáriu Estadu ba Protesaun Sivíl.

Servisu ne’ebé Ministru Interiór tutela mak Autoridade Protesaun Sivíl.

 

Ministra Solidariedade Sosiál no Inkluzaun

Ministra Solidariedade Sosial no Inkluzaun

Verónica das Dores

Ministra Solidariedade Sosiál no Inkluzaun maka responsavel ba konsesaun, ezekusaun, koordenasaun no avaliasaun polítika, ne’ebé define no aprova ona husi Konsellu Ministrus, ba área seguransa sosiál, asisténsia sosiál no reinsersaun komunitária. Kompeténsia Ministra Solidariedade Sosiál no Inkluzaun nian mak atu kria no implementa sistema seguransa sosiál ba traballadór no populasaun sira; dezenvolve programa asisténsia sosiál; promove ajuda umanitária ba kbiit-laek sira; propoin no dezenvolve polítika no estratéjia iha jestaun risku dezastre nian sira ho insidénsia sosiál; dezenvolve no implementa programa asisténsia sosiál iha jestaun risku dezastre nian, liu-liu, iha resposta ba emerjénsia no rekuperasaun hafoin dezastre, iha koordenasaun ho instituisaun relevante sira; halo akompañamentu, protesaun no reinsersaun komunitária ba grupu vulneravel sira, inklui maluk sira ho nesesidade espesiál no ho defisiénsia (EHD); estabelese mekanizmus kolaborasaun no koordenasaun ho órgaun sira seluk governu nian ho tutela ba área sira ne’ebé iha ligasaun.

Ministra Solidariedade Sosiál no Inkluzaun uainhira hala’o ninia funsaun, hetan tulun husi Vise-Ministra Solidariedade Sosiál no Inkluzaun. Servisu no organizmu sira tuirmai Ministra Solidariedade Sosiál no Inkluzaun mak sei tutela: Institutu Nasionál Seguransa Sosiál (INSS), Fundu Rezerva Seguransa Sosiál (FRSS) no Sentru Nasionál Reabilitasaun(SNR).

 

Ministru Juventude, Desportu, Arte no Kultura

Ministru Juventude, Desportu, Arte no Kultura

Nelyo Isaac Sarmento

Ministru Juventude, Desportu, Arte no Kultura nu’udar responsavel ba konsesaun, ezekusaun, koordenasaun no avaliasaun polítika, ne’ebé defini no aprova ona husi Konsellu Ministrus, ba iha área juventude, desportu, arte no kultura.

Ministru Juventude, Desportu, Arte no Kultura nia kompeténsia mak atu kria medida polítika sira iha área juventude no desportu, nune’e mós ninia organizasaun, finansiamentu, ezekusaun no avaliasaun, hodi promove integrasaun ho inisiativa edukasaun nian; promove atividade ne’ebé haree liu ba prátika desportu no edukasaun fízika ein jerál, nune’e mós prátika desportiva ho kompetisaun nivel altu hanesan fatór dezenvolvimentu desportivu no reprezentasaun país nian iha kompetisaun internasionál sira; asegura implementasaun kuadru legál no regulamenta atividade sira ne’ebé relasiona ho desportu no kompetisaun nivel altu; estabelese mekanizmu kolaborasaun ho organizasaun sosiedade sivíl nian ne’ebé atua iha área desportu; kria mekanizmu apoiu no finansiamentu projetus ba prátika edukasaun fízika no desportu; estabelese mekanizmus kolaborasaun no koordenasaun ho órgaun Governu nian sira seluk ne’ebé nu’udar responsavel ba area sira ne’ebé iha relasaun iha ámbitu implementasaun polítika nasionál ba juventude no desportu no ba arte no kultura; promove polítika inkluzaun ativa iha área juventude no desportu, liuliu liuhusi medidas edukasaun inkluziva no partisipasaun husi ema sira ho defisiénsia; asegura no promove igualdade jéneru iha ámbitu husi area hirak ne’ebé iha ninia kompeténsia, iha koordenasaun ho entidades publikas relevantes; planeia no ezekuta sistema análize no monitorizasaun nian ida, atu nune’e avalia rezultadu no impaktu hosi polítika edukasaun, juventude no desportu nian; atu elabora polítika no regulamentus ba konservasaun, protesaun no prezervasaun ba patrimóniu istóriku kulturál; propoin polítika ba definisaun no dezenvolvimentu artes no kultura; promove kriasaun sentrus kulturais iha ámbitu munisipál, iha artikulasaun ho administrasaun lokál no ho objetivu atu promove koezaun nasionál; estabelese polítika kooperasaun no interkámbiu kulturál ho nasaun sira hosi CPLP no organizasaun kulturál sira no país sira rejiaun nian; dezenvolve programa, iha koordenasaun ho Ministériu Edukasaun, ba introdusaun edukasaun artístika no kultura iha ensinu Timor-Leste; promove indústria kriativas no kriasaun artístika iha Timor-Leste, iha ninia área oioin; garante prezervasaun adekuada ba dokumentu ofisiál no istóriku sira tanba kompeténsia; proteje direitus kona-ba kriasaun artístika no literária.

Ministru Juventude, Desportu, Arte no Kultura uainhira hala’o ninia kna’ar, hetan tulun husi Sekretáriu Estadu Arte no Kultura.

Servisu no organizmu sira tuirmai Ministru Juventude, Desportu, Arte no Kultura maka sei tutela: Muzeu Nasionál Timor-Leste, I.P. no Biblioteka Nasionál Timor-Leste (BN).

 

Ministru Planeamentu no Investimentu Estratéjiku

Ministru Planeamentu no Investimentu Estratéjiku

Gastão Francisco de Sousa

Ministru Planeamentu no Investimentu Estratéjiku mak responsavel ba konsesaun, koordenasaun no avaliasaun ba polítika ne'ebé Konsellu Ministrus define no aprova ona, ba área promosaun dezenvolvimentu ekonómiku no sosiál nasaun nian, liuhusi planeamentu estratéjiku no integradu no rasionalizasaun rekursu finanseirus ne'ebé disponivel, hodi asume responsabilidade espesífika sira kona-ba implementasaun Planu Estratéjiku Dezenvolvimentu, liuliu kona-ba Infraestruturas no Planeamentu Urbanu, nomos Planeamentu no Ordenamentu Territóriu.

Ministru Planeamentu no Investimentu Estratéjiku nia kompeténsia mak atu planeia, propoin no koordena ezekusaun infraestruturas ne’ebé mak estratéjiku.

Ministru Planeamentu no Investimentu Estratejiku nia kompeténsia mós atu superviziona ba kualidade servisu no atividades ba ezekusaun projetus fízikus ne’ebé promove, dezenvolve ka finansia ona husi Fundu Infraestruturas ka sira seluk, ne’ebé ninia objetivu ka atribuisaun sira maka finansiamentu ba projetu estratéjiku plurianuál no husi Diresaun Nasionál Parseria Públiku-Privadas Ministériu Finansas nian.

Ministru Planeamentu no Investimentu Estratéjiku iha mós responsabilidade atu avalia projetus kapitál dezenvolvimentu, ne’ebé bazeia ba análize kriterioza hosi viabilidade projetus no kustu-benefísiu ida-idak; superviziona, fiskaliza no sertifika implementasaun no ezekusaun projetus, hodi kontribui ba rasionalizasaun rekursus finanseirus ne’ebé iha no ba dezenvolvimentu ekonómiku no atividade ekonómika, iha nivel nasionál, munisipál ka lokál; planeia no kontrola kustu no kualidade projetus kapitál dezenvolvimentu nian; promove transparénsia no kualidade liuhusi prestasaun servisus aprovizionamentu ba projetus kapitál dezenvolvimentu; dezenvolve estudus, paresér no análize téknika no setoriál sira ho objetivu atu avalia impaktu no viabilidade ekonómika hosi projetus dezenvolvimentu; analiza no selesiona propostas investimentu ba nasaun ne'e; estuda, planeia no propoin polítika ba dezenvolvimentu setoriál; estuda, planeia no propoin polítika nasionál ba ordenamentu territóriu, iha koordenasaun ho departamentu governamentál kompetente sira kona-ba matéria ne’e; ajuda hodi promove adosaun ba norma téknika no regulamentasaun kona-ba material sira ne’ebé utiliza iha konstrusaun sivíl, no mós dezenvolve testes laboratorial hodi garante seguransa ba edifísiu sira; apoia hodi dezenvolve kuadru legál no regulamentár ba atividade sira ne’ebé relasiona ho rekursus enerjétikus renováveis;; apoia iha estudus kona-ba kapasidade rekursus enerjétiku renovável no enerjia alternativa sira; mantein arkivu informasaun ida kona-ba operasaun no rekursus enerjétikus renováveis; kontribui hodi dezenvolve polítika nasionál transportes no komunikasoins nian; ajuda hodi prepara no dezenvolve, iha kooperasaun ho serbisu públiku sira seluk, implementasaun ba planu rodoviariu territóriu nasionál; apoia koordenasaun no promosaun ba sistema ida kona-ba jestaun no manutensaun nomos modernizasaun infraestruturas aeroportuárias, navegasaun aérea, estrada, dalan, portuárias no servisu sira ne’ebé iha ligasaun; promove kriasaun Banku Dezenvolvimentu Nasionál, iha koordenasaun ho Ministru Koordenadór Asuntus Ekonómikus no ho Ministru Finansas; no estuda, planeia no implementa ordenamentu territóriu no polítika nasionál abitasaun, iha koordenasaun ho Ministérius kompetentes kona-ba matéria ne’e.

Servisu no organizmu sira tuirmai Ministru Planeamentu no Investimentu Estratéjiku maka sei tutela: Ajénsia Dezenvolvimentu Nasionál, I.P. (ADN), Sekretariadu Grande Projetu, Komisaun Nasionál Aprovizionamentu (KNA) no Sekretariadu Tékniku Fundu Dezenvolvimentu Kapitál Umanu.

 

Vise-Ministru Asuntus Parlamentares

Vise-Ministru Asuntus Parlamentares

Adérito Hugo da Costa

Vise-Ministru Asuntus Parlamentares tulun Ministru Prezidénsia Konsellu Ministrus uainhira hala’o ninia funsaun sira.

Vice-Ministra das Finanças

Vise-Ministra Finansas

Felícia Claudinanda Cruz Carvalho

Vise-Ministra Finansas tulun Ministra Finansas uainhira hala’o ninia funsaun sira.

 

Helder Lopes

Helder Lopes

Husi loron 1 fulan-jullu to'o loron 13 fulan-setembru tinan 2023, loron ida ne'ebé nia simu pose nudar Governador Banku Sentrál Timor-Leste.

 

Vise-Ministra ba Asuntus ASEAN

Vise-Ministra ba Asuntus ASEAN

Milena Maria da Costa Rangel

Vise-Ministra ba Asuntus ASEAN tulun Ministru Negósius Estranjeirus no Kooperasaun uainhira hala’o ninia funsaun sira.

 

Vise-Ministru ba Fortalesimentu Institusionála

Vise-Ministru ba Fortalesimentu Institusionál

Paulo Manuel da S. dos Remédios

Vise-Ministru ba Fortalesimentu Institusionál tulun Ministru Justisa uainhira hala’o ninia funsaun sira.

 

Vise-Ministru ba Fortalesimentu Institusionál Saúde

Vise-Ministru ba Fortalesimentu Institusionál Saúde

José dos Reis Magno

Vise-Ministru ba Fortalesimentu Institusionál Saúde tulun Ministra Saúde uainhira hala’o ninia knaar sira.

 

Vise-Ministru ba Infraestruturas

Vise-Ministru ba Infraestruturas

Júlio do Carmo

Vise-Ministru ba Infraestruturas tulun Ministru Obras Públikas uainhira hala’o ninia knaar sira.

 

Vise-Ministru Administrasaun Estatál

Vise-Ministru Administrasaun Estatál

Jacinto Rigoberto G. de Deus

Vise-Ministru Administrasaun Estatál tulun Ministru Administrasaun Estatál uainhira hala’o ninia funsaun sira.

 

Vise Ministru Komérsiu

Vise-Ministru Komérsiu

Augusto Júnior Trindade

Vise-Ministru Komérsiu fó tulun ba Ministru Komérsiu no Indústria uainhira hala’o ninia funsaun sira.

 

Vise-Ministra Solidariedade Sosiál no Inkluzaun

Vise-Ministra Solidariedade Sosiál no Inkluzaun

Céu Brites

Vise-Ministra Solidariedade Sosiál no Inkluzaun tulun Ministra Solidariedade Sosiál no Inkluzaun uainhira hala’o ninia funsaun sira.

 

Vise-Ministru ba Opersionalizasaun Ospitais

Vise-Ministru ba Opersionalizasaun Ospitais

Flávio Brandão

Vise-Ministru ba Operasionalizasaun Ospitais tulun Ministra Saúde uainhira hala’o ninia funsaun sira.

 

Sekretária Estadu Igualdade

Sekretária Estadu Igualdade

Elvina de Sousa Carvalho

Sekretária Estadu Igualdade tulun Ministru Prezidénsia Konsellu Ministrus uainhira hala’o ninia funsaun sira.

 

Sekretáriu Estadu Komunikasaun Sosiál

Sekretáriu Estadu Komunikasaun Sosiál

Expedito Dias Ximenes

Sekretáriu Estadu Komunikasaun Sosiál tulun Ministru Prezidénsia Konsellu Ministrus uainhira hala’o ninia funsaun sira.

 

Sekretáriu Estadu Terras no Propriedades

Sekretáriu Estadu Terras no Propriedades

Jaime Xavier Lopes

Sekretáriu Estadu Terras no Propriedades tulun Ministru Justisa uainhira hala’o ninia funsaun sira.

 

Sekretáriu Estadu Ensinu Sekundáriu no Eskolas Téknikas

Sekretáriu Estadu Ensinu Sekundáriu Jerál no Ensinu Sekundáriu Tekniku-Vokasionál

Domingos Lopes Lemos

Sekretáriu Estadu Ensinu Sekundáriu Jerál no Ensinu Sekundáriu Tékniku-Vokasionál tulun Ministra Edukasaun uainhira hala’o ninia funsaun sira.

 

Sekretáriu Estadu Eletrisidade, Bee no Saneamentu

Sekretáriu Estadu Eletrisidade, Bee no Saneamentu

Santos Noronha

Sekretáriu Estadu Eletrisidade, Bee no Saneamentu tulun Ministru Obras Públikas uainhira hala’o ninia funsaun sira.

 

Sekretáriu Estadu Arte no Kultura

Sekretáriu Estadu Arte no Kultura

Jorge Soares Cristovão

Sekretáriu Estadu Arte no Kultura tulun Ministru Juventude, Desportu, Arte no Kultura bainhira hala’o ninia funsaun sira.

 

Sekretáriu Estadu Peskas

Sekretáriu Estadu Peskas

Domingos da Conceição dos Santos

Sekretáriu Estadu Peskas tulun Ministru Agrikultura, Pekuária, Peska no Florestas uainhira hala’o nia funsaun sira.

 

Sekretáriu Estadu Pekuária

Sekretáriu Estadu Pekuária

José Vieira de Araújo

Sekretáriu Estadu Pekuária tulun Ministru Agrikultura, Pekuária, Peska no Florestas uainhira hala’o ninia funsaun sira.

 

Secretário de Estado das Florestas

Sekretáriu Estadu Florestas

Fernandinho Vieira

Sekretáriu Estadu Florestas tulun Ministru Agrikultura, Pekuária, Peska no Florestas uainhira hala’o ninia funsaun.

 

Sekretáriu Estadu Kooperativas

Sekretáriu Estadu Kooperativas

Arsénio Pereira da Silva

Sekretáriu Estadu Kooperativas tulun Ministru Koordenadór Asuntus Ekonómikus uainhira hala’o ninia funsaun sira.

 

Sekretáriu Estadu Formasaun Profisionál no Empregu

Sekretáriu Estadu Formasaun Profisionál no Empregu

Rogério Araújo Mendonça

Sekretáriu Estadu Formasaun Profisionál no Empregu tulun Ministru Koordenadór Asuntus Ekonómikus uainhira hala’o ninia funsaun sira.

 

Sekretáriu Estadu Dezenvolvimentu Lokál

Sekretáriu Estadu Dezenvolvimentu Lokál

Mateus dos Santos Tallo

Sekretáriu Estadu Dezenvolvimentu Lokál tulun Ministru Administrasaun Estatál uainhira hala’o ninia funsaun sira.

 

Sekretáriu Estadu Asuntus Toponímia no Organizasaun Urbana

Sekretáriu Estadu Asuntus Toponímia no Organizasaun Urbana

Germano Santa Brites Dias

Sekretáriu Estadu Asuntus Toponímia no Organizasaun Urbana tulun Ministru Administrasaun Estatál uainhira hala’o ninia funsaun sira.

 

Sekretáriu Estadu ba Protesaun Sivíl

Sekretáriu Estadu ba Protesaun Sivíl

Domingos Mariano Reis

Sekretáriu Estadu ba Protesaun Sivíl tulun Ministru Interiór uainhira hala’o ninia funsaun sira.

 

Sekretáriu Estadu Veteranus

Sekretáriu Estadu Veteranus

César dos Santos da Silva

Sekretáriu Estadu Veteranus tulun Ministru Asuntus Kombatentes Libertasaun Nasionál uainhira hala’o ninia funsaun sira.

   Ba leten