Governu Timor-Leste

Komunikadus

• 28 jullu 2025Sorumutu Estraordináriu Konsellu Ministrus loron 28 fulan-jullu tinan 2025 no Sorumutu Koordenasaun Interministeriál da-2 kona-ba Adezaun Timor-Leste ba ASEAN

  Konsellu Ministru hala’o sorumutu iha Salaun Nobre Ministériu Negósius Estranjeirus no Kooperasaun, iha Dili, hodi aprova projetu Rezolusaun Governu ne’ebé apela ba Reinu Tailándia no Reinu Kamboja atu hapara kedas ostilidade hotu-hotu no adota medidas konkreta hodi evita eskalasaun konflitu ne’ebé la’o hela, ne’ebé hamosu ona ema lakon vida sein nesesidade, estraga propriedade no dezlokasaun populasaun nian.

  hare tan
• 25 jullu 2025Sorumutu Konsellu Ministrus nian iha loron 25 fulan-jullu tinan 2025

  Aprova ona:
  
  ✅ 1 - Autorizasaun hodi negoseia kondisaun sira kona-ba emisaun garantia estadu nian iha ámbitu projetu dezenvolvimentu sentrál solár fotovoltaika;
  
  ✅ 2 - Rejime Jerál Sistema Finanseiru no Atividade Bankária; no
  
  ✅ 3 - Roteiru Instalasaun ba Supremu Tribunál Justisa.
  
  Analiza ona:
  
  ➡️ 1 - Planu investimentu husi East Timor Trading Group hodi harii zona industriál no komersiál; no
  
  ➡️ 2 - Planu Asaun Nasionál kontra Tráfiku Umanu.

  hare tan
• 16 jullu 2025Sorumutu Konsellu Ministrus nian iha loron 16 fulan-jullu tinan 2025

  Aprova ona:
  
  ✅ 1 - Rejime juridiku ba asesu no admisaun ba ensinu superiór;
  
  ✅ 2 - Subsídiu disponibilidade no dedikasaun nian iha Jogu Desportu CPLP ba da-12 tinan 2025.
  
  Analiza ona:
  
  ➡️ 1 - Relatóriu preliminár Organizasaun Internasionál Aviasaun Sivíl nian.

  hare tan
• 15 jullu 2025Governu Hato’o Parabéns ba Funsionáriu Públiku sira iha Loron Nasionál Funsaun Públika

  Governu Konstitusionál da-9 hato’o parabéns ba funsionáriu públiku tomak iha selebrasaun Loron Nasionál Funsaun Públika, data ne’ebé estabelese hosi Rezolusaun Governu n. 22/2015, loron 15 fulan-jullu. Objetivu hosi selebrasaun ida-ne’e atu rekoñese knaar esensiál Funsaun Públika nian ba interese públiku, respeita direitu no interese lejítimu sidadaun no instituisaun nian no kompromisu atu hakbesik servisus ba populasaun sira, hanesan estabelese ona iha Konstituisaun Repúblika.

  hare tan
• 09 jullu 2025Sorumutu Konsellu Ministrus nian iha loron 9 fulan-jullu tinan 2025

  Aprova ona:
  
  1 - Kriasaun Institutu Politékniku Timor-Leste; no
  
  2 - reestruturasaun ida ba administrasaun indireta Estadu nian.

  hare tan
• 02 jullu 2025Sirkulár Konjunta Kona ba Moras Rabies / Raiva

  Nune’e, atu prevese no mitiga moras Rabies (moras asu bulak) labele da’et ba Munisípiu seluk ne’ebe oras ne’e sei livre hela maka, Sekretáriu Estadu Pekuária (SEPE) hamutuk ho Ministériu Saúde (MS), Ministériu Administrasaun Estatal (MAE) liu-husi Sekretariu Estadu ba Asuntu Toponímia no Organizasaun Urbana (SEATOU) servisu hamutuk ho Prezidente Autoridade Munisípál (PAM) sira (Autoridade lokál, líder komunitáriu, líder religiozas), Instituisaun Seguransa - Polísia Nasionál Timor-Leste (PNTL), Falintil Forsa Defeza Timor-Leste (F-FDTL) hodi kontrola no tau matan atu bele prevese no mitiga surtu ne’e.

  hare tan
• 02 jullu 2025Sorumutu Konsellu Ministrus nian iha loron 2 fulan-jullu tinan 2025

  Aprova ona:
  
  ✅ 1 - Autorizasaun despeza sira no abertura ninia prosedimentu aprovizionamentu ba servisu konsultoria iha jestaun projetu, atu superviziona dezeñu no konstrusaun auto-estrada Zumalai–Natarbora.
  
  Analiza ona:
  
  ➡️ 1 - Aprezentasaun kona-ba pontu situasaun hosi atividade sira iha setór petróleu no rekursus minerais.

  hare tan
• 30 juñu 2025Sorumutu Estraordináriu Konsellu Ministrus nian iha loron 30 fulan-juñu tinan 2025

  Prezidénsia Konsellu Ministrus
    Portavós Governu Timor-Leste
  IX Governu Konstitusionál
  ...........................................................................................................................
  Komunikadu Imprensa
  Sorumutu Estraordináriu Konsellu Ministrus nian iha loron 30 fulan-juñu tinan 2025
  Konsellu Ministrus hala’o sorumutu iha Palásiu Governu, Dili, no, hafoin halo análize ba aprezentasaun husi Ministra Finansas, Santina José Rodrigues F. Viegas Cardoso, delibera atu aprova Deklarasaun Estratéjika Orsamentál no tetu indikativu despeza nian ba Orsamentu Jerál Estadu tinan 2026 (OJE 2026). Instrumentu hirak-ne’e, prevee ona iha Lei Enkuadramentu Orsamentu Jerál Estadu no jestaun finanseira públika (Lei n. 3/2025, loron 23 fulan-abril) nian, orienta polítika fiskál ba médiu prazu, asegura koerénsia entre objetivus dezenvolvimentu nasionál no rekursu sira ne’ebé disponivel, no estabelese limite despeza ba setór oioin iha Administrasaun Públika.
  Ministra Finansas aprezenta previzaun ida ba kreximentu ekonómiku 2,7% husi PIB ba tinan 2026, iha kontestu ida konsolidasaun orsamentál nian, hafoin kreximentu ida ne’ebé prevee ona ho valór 4,3% iha tinan 2025. Taxa inflasaun kontinua iha trajetória ida ne’ebé tun, prevee katak atu atinje 1,8% iha tinan 2025, no estabiliza besik 2% iha tinan lima oin mai.
  Tetu indikativu globál despeza nian ba OJE 2026 estabelese iha dolar amerikanu biliaun 1,85. Distribuisaun tetu orsamentál agregadu ba Administrasaun Sentrál iha OJE     2026 bazeia ba setór estratéjiku sira ne’ebé define hosi Programa Governu no Planu Estratéjiku Dezenvolvimentu, ho 36% aloka ba Setór Kuadru Institusionál, 28% ba Setór Kapitál Sosiál, 28% ba Dezenvolvimentu Infraestrutura, no 7% Dezenvolvimentu Ekonómiku no 1% ba Boa Governasaun no Kombate Korrupsaun.
  Kalendáriu prosesu orsamentál estabelese distribuisaun tetu dezagregadu ba entidade sira iha loron 4 fulan-jullu, submisaun proposta ministeriál sira to’o loron 24 fulan-jullu, hala’o reuniaun Komité Revizaun Orsamentál entre loron 4 no 20 fulan-agostu, no submisaun proposta OJE 2026 ba Parlamentu Nasionál to’o loron 1 fulan-outubru tinan 2025. REMATA

  hare tan