Governu Timor-Leste

Komunikadus

• 11 outubru 2023Nota Informativa kona-ba prosesu akizisaun kaderneta pasaporte eletróniku (ePassport)

  Governu reitera kompromisu hodi kompleta prosesu akizisaun kaderneta Pasaporte Eletróniku (ePassport) ho lais liután, no informa katak prosesu ne’e iha ona ninia faze finál, ho pakote dahuluk ne’ebé komesa entrega ona ba grupu prioritáriu sira.

  hare tan
• 11 outubru 2023Sorumutuk Konsellu Ministrus nian iha loron 11 fulan-outubru tinan 2023

  Aprova ona:
  
  1 - Proposta ba ratifikasaun akordu entre Repúblika Demokrátika Timor-Leste no Ajénsia Internasionál Enerjia Atómika ba aplikasaun salvaguarda iha ámbitu Akordu La’ós-Proliferasaun, no mós ninia protokolu adisionál;
  
  2 - akordu entre Repúblika Demokrátika Timor-Leste no nasaun sira ne’ebé halo parte iha ASEAN kona-ba livre vistu fins turístiku nian;
  
  3 - responsabilidade hodi koordena Konsellu Nasionál ba Soberania, Seguransa Alimentár no Nutrisaun iha Timor-Leste (KONSSATIL);
  
  4 - autorizasaun hodi loke prosedimentu aprovizionamentu ba konstrusaun sistema irrigasaun iha Maliana.
  
  
  Analiza ona:
  
  1 - aprezentasaun no kalendarizasaun ba Projetu BEST;
  
  
  2 - análize preliminár ba inisiativa hodi kria Autoridade Administrativa Ataúru;
  
  3 - análize preliminár ba inisiativa ba alterasaun ba regulamentu Fundu Espesiál Dezenvolvimentu Ataúro (FEDA);
  
  4 - análize preliminár ba inisiativa ba alterasaun ba Estatutu Administrasaun Munisipál, Autoridade Munisipál sira no Grupu Tékniku Interministeriál ba Desentralizasaun Administrativa.

  hare tan
• 04 outubru 2023Sorumutuk Konsellu Ministrus nian iha loron 4 fulan-outubru tinan 2023

  Aprova ona:
  
  1 - Kódigu Konduta Membrus Governu Konstitusionál IX nian;
  
  2 - ratifikasaun, adezaun, ba Konvensaun Internasionál kona-ba Sistema Armonizadu Dezignasaun no Kodifikasaun Merkadorias;
  
  3 - programa orsamentál sira;
  
  4 - klasifikadores orsamentais; no
  
  5 - negosiasoins kona-ba adezaun Timor-Leste ba Organizasaun Mundiál Komérsiu (OMK), no mós asina akordu sira ne’ebé nesesáriu.

  hare tan
• 02 outubru 2023Sorumutuk Konsellu Ministrus nian iha loron 2 fulan-outubru tinan 2023

  Aprova ona:
  
  1 - montante totál despeza nian ne’ebé relasiona ho títulu orsamentál ida-idak kona-ba Orsamentu Jerál Estadu ba tinan 2024; no
  
  2 - Akordu Administrativu ba aplikasaun Konvensaun entre Timor-Leste no Portugál kona-ba seguransa Sosiál no Memorandu Entendimentu entre Ministériu Traballu, Solidariedade Sosiál no Inkluzaun Portugál no Sekretaria Estadu Formasaun Profisionál no Empregu Timor-Leste kona-ba Mobilidade Traballadór Timoroan nian.

  hare tan
• 27 setembru 2023Sorumutuk Konsellu Ministrus nian iha loron 27 fulan-setembru tinan 2023

  Aprova ona:
  
  1 - reintegrasaun pesoál ho funsaun polisiál sira hosi Polísia Nasionál Timor-Leste;
  
  2 - Kontribuisaun Voluntáriu ho valór dolar amerikanu 100.000 ba Sentru Koordenasaun Asisténsia Umanitária ASEAN (ASEAN Coordinating Center for Humanitarian Assistance (AHA Center));
  
  3 - akordu tolu ho Repúblika Sosialista Vietname, ho Sentru Komérsiu Internasionál Nasoins Unidas no ho Ministériu Komunikasoins no Informátika Repúblika Indonézia nian;
  
  4 - rai ida iha zona Kaikoli, hodi harii instalasoins foun ba Eskola Portugeza Dili;
  
  5 - medida intervensaun temporária ba estabilizasaun presu foos iha merkadu;
  
  6 - nesesidade vijilánsia no prezervasaun ba sistema abastesimentu bee nian;
  
  7 - planu intervensaun ho karater urjente hodi reabilita no rekonstrui ho urjénsia infraestruturas ne’ebé afeta hosi kalamidade ne’ebé akontese iha munisípiu ualu hosi loron 2 to’o 7 fulan-jullu tinan 2023; no
  
  8 - prosidimentu ajuste diretu ida ne’ebé urjente ho empresa Thales DIS Singapore PTE LTD, hodi fornese unidade kaderneta ePassport hamutuk 73,150.

  hare tan
• 25 setembru 2023Sorumutuk Estraordináriu Konsellu Ministrus nian iha loron 25 fulan-setembru tinan 2023

  Aprova ona:
  
  1 - Alterasaun datoluk ba Lei n. 3/2014, loron 18 fulan-juñu, ne’ebé kria Rejiaun Administrativa Espesiál Oe-Kusi Ambenu (RAEOA) no Estabelese Zona Espesiál Ekonomia sosiál Merkadu Oe-Kusi Ambenu no Ataúro.

  hare tan
• 19 setembru 2023Sorumutuk Konsellu Ministrus nian iha loron 19 fulan-setembru tinan 2023

  Aprova ona:
  
  1 - alterasaun dahaat ba Lei n. 11/2009, loron 7 fulan-outubru, ne’ebé aprova Divizaun Administrativa Territóriu;
  
  2 - alterasaun datoluk ba Dekretu-Lei n. 6/2014, loron 26 fulan-fevereiru, kona-ba rekursus materiais no insentivu finanseiru lideransa komunitária nian sira, no kria servisu administrasaun Suku nian;
  
  3 - orgánika Ministériu Turizmu no Ambiente (MTA) nian;
  
  4 - orgánika Ministériu Agrikultura, Pekuária, Peska no Florestas;
  
  5 - orgánika Sekretaria Estadu Kooperativas (SEKOOP) nian;
  
  6 - orgánika Sekretaria Estadu Formasaun Profisionál no Empregu (SEFOPE) nian;
  
  7 - negosiasaun no asinatura memorandum entendimentu ida entre Provínsia Hunan, Xina no Administrasaun Munisipál Manatutu nian;
  
  8 - memorandum entendimentu entre Ministériu Planeamentu no Investimentu Estratéjiku Timor-Leste no Komisaun Nasionál Dezenvolvimentu no Reforma Xina, kona-ba reforsu interkámbiu informasaun nian sira iha área jestaun makroekonómika no planeamentu dezenvolvimentu ba médiu no longu prazu;
  
  9 - Prezidente Konsellu Diretivu ba Autoridade Turizmu Timor-Leste, I.P. (ATTL,IP) no Vogál Konsellu Diretivu ATTL, IP; no
  
  10 - memorandum entendimentu entre Governu Timor-Leste no Governu Brunei Darussalam ba programa haruka trabalhadór Timor-Leste ba servisu iha Brunei.

  hare tan
• 13 setembru 2023Sorumutuk Konsellu Ministrus nian iha loron 13 fulan-setembru tinan 2023

  Aprova ona:
  
  1 - donativu ho montante dolar amerikanu millaun 2,5 ba Reinu Marrokus;
  
  2 - Prezidente Konsellu Administrasaun nian maka Prezidente Komisaun Ezekutiva TIMOR GAP, E.P. – Timor Gás & Petróleu, E.P (“TIMOR GAP”);
  
  3 - Prezidente Konsellu Administrasaun no, ho inerénsia, Prezidente Komisaun Ezekutiva Murak Rai Timor, E.P.;
  
  4 - Prezidente Konsellu Diretivu Autoridade Nasionál Petróleu, I.P. (ANP);
  
  5 - Prezidente Konsellu Diretivu Autoridade Nasionál Minerais, I.P. (ANM);
  
  6 - Prezidente Konsellu Diretivu Institutu Jeosiénsias Timor-Leste, I. P. (IGTL – sigla iha lian portugés);
  
  7 - sedénsia (fó) edifísius kuarteiraun Palásiu Governu nian hodi Parlamentu Nasionál uza;
  
  8 - manutensaun ba interese públiku kontratuál Estadu nian iha ezekusaun kontratu públiku ho ref.ª ICB/036/MAE-2020, ne’ebé asina ona iha loron 16 fulan-fevereiru tinan 2022, ba fornesimentu ekipamentus rekolla rezíduus solidus nian no ekipamentus ba operasaun aterru kontroladu, iha ámbitu projetu jestaun rezíduus solidus urbanus nian iha Dili;
  
  9 - naran sira ne’ebé sei propoin ba Parlamentu Nasionál ba kargu Komisáriu Komisaun Anti-Korrupsaun.

  hare tan