Kartaun ba Funsionáriu Públiku
Komisaun ba Funsaun Públika dadaun ne’e hala’o hela rekolla dadus kona-ba funsionáriu públiku, iha teritóriu nia laran tomak. Medida ne’e iha objetivu rua: hodi atualiza baze ba dadus kona-ba funsionáriu públiku sira ( hodi fasilita sistema definisaun ba pensaun no subsídiu sira) no fasilita fó sai kartaun sira ba funsionáriu públiku.
Agora daudauk, kartaun sira ne’e ho nia validade tinan ida maibé Komisaun prepara hela kartaun fóun ne’ebé ho durasaun tinan lima “sei sai hanesan kartaun elektróniku ida”, hateten Prezidente Komisaun Funsaun Públika, Libório Pereira, no hatutan mós katak “inovasaun ida ne’e hanesan atu hodi bele kombate falta sira. Ohin loron ne’e, kuandu funsionáriu ida hahú nia servisu, loroloron, tenke asina folla marka prezensa nian. Kuandu sistema foun ne’e karik implementa, aleinde hatama kartaun liu husi mákina ida ne’eb’e mak rejista dadus sira, funsionáriu sei hasai impresaun dijitál elektróniku ida (hanehan liman) ne’ebé mak konfirma nia prezensa”.
Tuir Libório Pereira, Sistema Jestaun Pesoál ne’e sei implementa to’o ba nível munisípiu sira. Iha ona modelu ida ne’e. Ho sistema ida ne’e ita bele konfirma mós ho fórma ida ne’ebé mak lalais liu no diak, hodi selu saláriu. Tanba buat hotu rejista tiha ona, sei sai fásil liu atu deskonta falta sira ka aumenta prémiu no subsídiu sira. Jestaun ba rekursu umanu sei bele sai fasil liu tan”.
