Governu Timor-Leste

Sekretaria Estadu Igualdade Jéneru no Inkluzaun Sosiál promove komemorasaun Loron Nasionál Feto nian, ne’ebé hala’o iha loron 3 fulan-novembru, iha Suku Maumeta, Postu Administrativu Remexiu, Munisípiu Aileu.
Eventu ne’e hala’o iha loron 9 fulan-novembru, husi tuku 9 dadeer to’o tuku 15, no hahú ho Misa Asaun Grasa, iha Kapela Suku Maumeta nian.
Iha tuku 11, Administradór Munisípiu Aileu sei hato’o boazvindas ba partisipante sira.
Sekretária Estadu Igualdade Jéneru no Inkluzaun Sosiál, Espoza Prezidente Repúblika nian, Prezidente Grupu Feto Parlamentár sira, no reprezentate ida husi veteranu, sei halo diskursu iha serimónia ne’e.
Iha tuku 13, molok han-meiudia enserramentu nian, sei halo diálogu ida ho komunidade, ne’ebé lidera husi Sekretária Estadu Igualdade Jéneru no Inkluzaun Sosiál.