Toleránsia pontu iha loron 21 fulan-jullu tinan 2017
Prezidénsia Konsellu Ministrus
VI Governu Konstitusionál
..............................................................................................................................
Díli, loron 18 fulan-jullu tinan 2017
Komunikadu Imprensa
Toleránsia pontu iha loron 21 fulan-jullu tinan 2017
Governu deside ona atu fó toleránsia pontu iha loron 21 fulan-jullu ba funsionáriu no ajente ministériu sira nian ka servisu sira ne’ebé depende ba sira, nune’e mós institutu no organizmu sira ne’ebé integra iha Administrasaun Indireta Estadu nian, tanba eleisaun parlamentár ne’ebé sei hala’o iha loron 22 fulan-jullu.
Votante barak maka la hela iha munisípiu iha ne’ebé sira rejistu ba no, tanba ne’e, sira tenke fila-fali ba sira-nia munisípiu atu ezerse sira-nia direitu no devér polítiku.
Desizaun ida-ne’e bazeia ba Lei n. 10/2005, loron 10 fulan-agostu, ne’ebé prevee katak bele fó toleránsia pontu tanba akontesimentu nasionál, iha kazu partikulár ida-ne’e, data eleisaun nian ida. REMATA
