Homepage › Ajenda

PNTL – Polísia Nasionál Timor-Leste ninia tinan ba da-17

Husi 26 mar toó 27 mar

Polísia Nasionál Timor-Leste (PNTL) selebra nia tinan ba da-17, iha loron 27 fulan-marsu.
Atu marka loron ne’e, sei hala’o serimónia ida, iha Sentru Formasaun Polísia nian, iha Komoro, Dili, ne’ebé sei hetan mós partisipasaun husi Prezidente Repúblika, Prezidente Parlamentu Nasionál, Primeiru-Ministru, Prezidente Tribunál Rekursu, Ministru Interiór, Xefe Estadu-Maiór-Jenerál Forsa Armada nian no Komandante-Jerál PNTL nian.
Serimónia ne’e sei hahú iha tuku 8, bainhira konvidadu sira to’o iha fatin.
Iha tuku 9, durante Parada, sei fó-sai promosaun no fó kondekorasaun sira, tuir kedas diskursu sira, husi Komandante-Jerál PNTL no Prezidente Repúblika nian.
Iha tuku 10, sei fó omenajen ba membru antigu sira korporasaun nian sira ne’ebé mate ona bainhira hala’o servisu, iha Monumentu Martir sira PNTL nian.
Iha loron ida molok, loron 26 fulan- marsu, hala’o misa Agradesimentu, iha tuku 8, iha kapela Santu António, Sentru Formasaun Polísia nian.

   Ba leten