Governu Timor-Leste

Fatin: Ministériu Negósius Estranjeirus no Kooperasaun
Loron: 20 fulan-outubru tinan 2016
Oras: tuku 9:00 – tuku 16:30

Komponente Justisa nian husi Programa Apoiu ba Governasaun Demokrátika Timor-Leste nian, kooperasaun ne’ebé delega husi Uniaun Europeia iha Portugál/Camões IP, hahú ona parseria ida ho Ministériu Justisa no Tribunál Rekursu Timor-Leste nian husi kedas tinan 2012. Tinan hirak ne’e nakonu ho formasaun, iha Timor-Leste no iha Portugál, ninia rezultadu maka hamosu unidade Polísia Sientífika moderna ida iha Timor-Leste, ho meiu tékniku no umanu ne’ebé prepara ona atu luta hasoru forma krime oin-oin ne’ebé ohin loron iha.
Iha loron 21 fulan-outubru, hala’o serimónia enseramentu programa apoiu nian ne’ebé importante ba governasaun di’ak nasaun ne’e nian, ne’ebé hala’o mós iha Ministériu Negósius Estranjeirus no Kooperasaun.


Ajenda

Tuku 9:00-9:15: Sesaun Abertura – Simu partisipante konferénsia nian sira
- Intervensaun abertura nian husi Prokuradór Jerál Repúblika, José da Costa Ximenes
- Intervensaun husi Reprezentante Uniaun Europeia nian - Xefe Kooperasaun, Simon Le Grand
- Intervensaun husi Embaixadór Portugál nian iha Dili, Manuel Gonҫalves de Jesus
- Intervensaun husi Diretór Nasionál PSIK Timor-Leste nian, Prokuradór Vicente Fernandes e
Brito
Tuku 10:30 – Abertura serbisu /enkuadramentu Semináriu nian:
- Intervensaun husi Koordenadora Programa, Graҫa Lima
- Investigadór husi Polísia Sientífika Investigasaun Kriminál nian PSIK - Divulgasaun kona-ba
atividade sira ne’ebé hala’o hela (no efikásia husi Investigasaun Kriminál), husi
Investigadór – Xefe Floriano Serrano
- Peritu Forense Laboratóriu Polisía Sientífika nian LPS) – divulgasaun kona-ba atividade sira
ne’ebé hala’o hela – husi Espesialista Superiór Rosito Belo
- Kooperasaun Internasionál kona-ba Laboratóriu Polísia Sientífika husi Polísia Judisiária Portugál nian (LPC- PJ - sigla iha lia-portugés), husi Dr. Carlos Farinha
Tuku 14:30 – Painél debate nian sira
Painél I – Kriminalidade Tranznasionál – Moderadór: Subdiretora Jerál DGPJ nian, Dra. Maria Luísa Pacheco
Painél II – Estrutura sira Investigasaun Kriminál nian – Moderadór: Prokuradór Pascácio
Painél III – Dezafiu foun sira husi Investigasaun Kriminál – Painél Multitemátiku – Moderadór:
Reprezentante Tribunál Kontas Portugál nian

Tuku 16:30 – Enseramentu Semináriu nian
- Intervensaun husi Prezidente Tribunál Rekursu, Juíz Konselleiru Guilhermino da Silva
- Intervensaun husi Ministru Estadu, Koordenadór Asuntu Ekonómiku nian no Ministru
Agrikultura no Peska, Estanislau da Silva, Ministru Estadu Koordenadór Asuntu Administrasaun
Estadu no Justisa nian no Ministru Administrasaun Estatál nia fatin.