Timor-Leste koprezide Sorumutuk Téknika Enerjia CPLP I
Data: loron5 to’o loron 7 fulan-outubru
Fatin: Sentru Konferénsia Sipopo, Malabo, Giné Ekuatoriál
Hala’o iha tempu ne’ebé Prezidénsia Timor nian ba Komunidade País sira Lian Portugés (CPLP) besik atu remata ona, eventu ne’e prezide hamutuk husi Ministru Petróleu no Rekursus Naturais Timor-Leste nian, Alfredo Pires, no husi Ministru Indústria no Enerjia Giné Ekuatoriál, Eugenio Edu Ndong. Iha sorumutuk ne’e sei partisipa mós Diretora-Jerál CPLP nian, Georgina Benrós de Mello, no Diretór Kooperasaun Sekretariadu Ezekutivu nian, Manuel Clarote Lapão.
Ida-ne’e hanesan Sorumutuk Téknika Enerjia CPLP nian dahuluk, ne’ebé kompostu husi Pontu Fokál sira husi área Enerjia Estadu-membru sira nian.
Aleinde sorumutuk ne’e, tau tiha ona mós iha programa sorumutuk ida ba reprezentante sira husi Kompañia Enerjétika sira CPLP nian, ho tema “O Potencial Energético da CPLP” [Potensiál Enerjétiku CPLP nian], iha loron 6 fulan-outubru.
Iha loron tuirmai, sei hala’o vizita téknika ba empreza sira husi setór enerjétiku país ne’e nian – SEGESA, GEPETROL, SONAGAS no Punta Europa.
Eventu ne’e hala’o hafoin sorumutuk Ministru sira ne’ebé sai responsavel ba Enerjia CPLP nian, iha loron 23 fulan-juñu, iha Cascais, Portugál, iha Sorumutuk I Ministru Enerjia sira CPLP nian.
