Governu Timor-Leste

Loron: 4 fulan-dezembru
Tuku: 8:30-15:30
Fatin: Hotel Timor [Otél Timor],Dili

Promosaun ba governasaun di’ak no Reforma Estadu nian, hanesan fatór sira dezenvolvimentu nian, sai hanesan objetivu estratéjiku no prioritáriu sira Governu Konstitusionál VI Repúblika Demokrátika Timor-Leste nian.

Faze foun reforma Administrasaun Públika nian liuhosi aumentu kompeténsia rekursu umanu nian sira, ho objetivu atu hetan mudansa komportamentu nian ida iha funsionalizmu públiku hotu, iha tempu badak no mós tempu naruk.

Ho mudansa hahalok iha Administrasaun Públika, tuir reforsu étika profisionál nian, nu’udar misaun servidór públiku nian, hanesan kondisaun ne’ebé importante tebes ba dezenvolvimentu rezultadu foun sira ba-iha dezempeñu funsionáriu públiku sira nian no atu hala’o lideransa ida ne’ebé kualifikadu hosi parte dirijente sira.

Reforma Administrasaun Públika nian sei sai hanesan mákina prinsipál Komisaun Funsaun Públika nian, ne’ebé buka hodi promove mudansa ida ne’ebé ho kualidade iha setór públiku. Setór públiku ida ne’ebé iha kapsidade hodi hatán ba mudansa kulturál, ne’ebé hakarak lideransa ida ne’ebé prepara ona ho di’ak, tuir valór profisionalizmu, étika, méritu no imparsialidade.

Iha loron 4, hahú iha tuku 5 lorokraik, sei hala’o debate televizivu ida (talkshow) iha Hotel Novo Turismo [Otél Novu Turizmu], iha Dili, iha ámbitu Reforma Administrasaun Públika nian, ne’ebé mak sei partisipasa husi sosiedade sivíl, profesór, ukun-na’in Governu nian no ukun-na’in governu tuan nian sira, iha debate konstrutivu ida kona-ba reforma ida ne’e.

Tuku-8:30-9:00: Simu no rejistu partisipante sira
Tuku-9:00-9:15: Aprezentasaun
Tuku-9:15-9:45: Liafuan badak hosi Ministru Estadu, Koordenadór Asuntu Administrasaun Estatál no Justisa, Dionísio Babo Soares
Tuku-9:45-10:15: Liafuan badak no abertura ofisiál hosi Premeiru-Ministru, Rui Maria de Araújo
Tuku-10:15-10:50: Deskansa hemu-kafé
Tuku:10:50-11:00: Introdusaun
Tuku:11:00-11:20: Aprezentasaun hosi Dr. Libóriu Pereira-“Organizasaun/Instituisaun, Rekursu Umanu no Sistema ka Prosedimentu sira”
Tuku-11:20-11:40: Aprezentasaun hosi Reitór UNTL nian, Profesór Aurélio Guterres-“Mudansa ida kona-ba paradigma ida nivel kulturál nian iha Funsionalizmu Públiku hotu”
Tuku-11:40-12:00: Aprezentasaun hosi Jerente Prinsipál Sekretária Estadu Fortalesimentu Institusionál, Francisco Borlako-“Reforma estrutura iha Administrasaun Públika vs Produtividade boot ba-iha prestasaun servisu públiku ba sidadaun”
Tuku-12:00-13:30: han-meiudia
Tuku-13:30-15:00: Sesaun debate nian , iha área temátika sira
Tuku-15:00-15:15: Rezumu traballu hosi moderadór
Tuku-15:15-15:30: Taka/enseramentu