Komité Rejionál Organizasaun Mundiál Saúde nian Sesaun ba da-68
Timor-Leste simu Komité Rejionál Organizasaun Mundiál Saúde nian Sesaun ba da-68 ba Rejiaun Sudeste Aziátiku (OMS-SEARO), ne’ebé sei marka mós prezensa husi Ministru Saúde Bangladexe, Butaun, Repúblika Populár Demokrátika Koreia, Indonézia, Maldivas, Nepál no Srilanka, Reprezentante sira Ministru Saúde Índia nian, Myanmar no Tailándia, Reprezentante sira husi Diretora-Jerál husi OMS nian ne’ebé mai husi Sede prinsipál iha Jenebra, Suísa no Diretora Rejionál WHO-SEARO nian.
Organizasaun Mundiál Saúde nian prevee partisipasaun delegadu sira nian besik 200 mai husi Estadu Membru sira OMS-SEARO nian.
Serimónia Inaugurál ne’ebé prezide husi Primeiru-Ministru, Rui Maria de Araújo, sei hala’o iha Sentru Konvensaun Díli nian (CCD-sigla iha lian portagés) husi tuku 9 to’o tuku 12.30 iha loron 7 fulan-setembru tinan 2015.
Sesaun servisu nian ba dahuluk sei hahú iha tuku 13.30 no 17.00 iha loron 7 fulan-setembru 2015, iha Salaun Nobre Ministériu Negósiu Estranjeiru no Kooperasaun (MNEK), ne’ebé lidera husi Ministra Saúde, Maria do Céu Sarmento Pina da Costa.
Sesaun sira seluk sei hala’o iha MNEK, iha loron 8 no 11 fulan-setembru 2015.
Timor-Leste maka sai hanesan uma na’in iha sorumutuk Nível-Aas ne’e no husi sorumutuk ne’e maka sei hamosu kompromisu prioritáriu hirak ne’ebé foun kona-ba Polítika Saúde nian ba rejiaun, ba dala uluk.
