Governu Timor-Leste

Fatin: Los Angeles, Estadus Unidus Amérika

Jogu Olímpiku Espesiál sira tinan 2015 nian hala’o husi loron 25 fulan-jullu to’o loron 2 fulan-agostu no konta ho partisipasaun husi atleta 6.500 no treinadór 2.000, ne’ebé mak reprezenta nasaun 165. Edisaun ida ne’e konta mós ho prezensa husi atleta timoroan sira, iha modalidade Atletizmu no Bocce (jogu koordenasaun nian ne’ebé uza bola).

Carmelita Carvalho, Anjelita da Costa, Felizarda da Costa, Óscar dos Reis, Mateus Guterres, Alcino Pereira, Amélia Ribeiro, João Soares (Atletizmu) no Honório Moura (Bocce) maka sei reprezenta Timor-Leste.

Special Olympic – Jogu Olímpiku Espesiál sira – hanesan organizasaun internasionál ida ne’ebé mak apoia ema ho defisiénsia intelektuál. Objetivu husi organizasaun ida ne’e maka atu dezenvolve ema sira ne’e nia autokonfiansa, kapasidade atu halo relasionamentu interpessoál no sentidu realizasaun nian.

Iha tinan 1988, Jogu Olímpiku Espesiál sira ne’e sai koñesidu ho naran Komité Olímpiku Internasionál (KOI) no hanesan únika organizasaun desportiva ne’ebé autoriza husi COI atu uza lia-fuan “Olímpiku” iha ninia organizasaun nia naran.

Jogu Olímpiku Espesiál sira ne’e hala’o tinan rua dala ida.


Atu hetan informasaun barak liután, bele konsulta iha http://www.la2015.org