Abertura Ofisiál Otél Fortaleza no Sentru Kulturál Balibó nian
Iha loron 20 fulan-marsu, iha tuku 10, ho prezensa membru husi Governu sira, sei inaugura Otél Fortaleza no Sentru Kulturál no Patrimoniál Balibó nian.
Primeiru-Ministru, Rui Maria de Araújo, Ministru Planeamentu no Investimentu Estratéjiku, Kay Rala Xanana Gusmão no Ministru Turizmu, Francisco Kalbuadi Lay, hetan konvite atuhodi partisipa hamutuk ho komunidade lokál.
Balibó House Trust, hodifó ónra ba memória ‘Balibó Five’ (jornalista australianu na’in lima ne’ebé oho iha Balibó iha tinan 1975 hosi tropa indonézia sira) hodi fó moris di’ak no meiu subsisténsia ba povu Balibó nian. Tinan sanulu liu ona hafoin inaugurasaun Sentru Aprendijazen Komunitária Balibó nian, projetu ne’e fó fali hakat ida ba oin atu kumpre ninia objetivu, liuhosi inaugurasaun Otél Fortaleza Balibó nian.
Harii iha sékulu XVIII hosi portugéz sira, rekonstrusaun Fortaleza istóriku dadaun ne’e iha preokupasaun hodi mantein trasa orijinál monumentu nian.
Otél de Fortaleza oras ne’e sei fó servisu no iha mós biban ba formasaun no kreximentu ekonómiku ba populasaun Balibó nian, no sai hanesan fatin turístiku ne’ebé úniku ba Timor-Leste.
