Primeiru-Ministru esplika auditoria ne’ebé halo ba sistema judisiál nian iha entrevista ba RTTL
Primeiru-Ministru, Kay Rala Xanana Gusmão, iha entrevista ida iha loron 4 fulan Novembru nian, ba Rádiu Televizaun Timor-Leste (RTTL), ne’ebé fó-sai liuhusi tranzmisaun direta husi Sentru Formasaun Jurídika, ko’alia kona-ba nesesidade atu halo auditoria ida ba sistema judisiál Timor-Leste nian.
Bazeia ba Rezolusaun N.o 11/2014 loron 24 fulan-outubru, ne’ebé hetan aprovasaun husi Parlamentu Nasionál, ho kompeténsia fiskalizasaun nian sira, iha loron ne’e, Governu halo aprovasaun ba Rezolusaun Governu nian N.o 29/2014, “Auditoria no Medida sira ba Setór Justisa nian”.
Iha entrevista ba RTTL ne’e, Primeiru-Ministru deklara loloos kona-ba nesesidade no importánsia atu proteje soberania no independénsia nasionál, no mós lala’ok husi prosesu sira kona-ba tributasaun internasionál ne’ebé envolve osan ho valór hamutuk dolar amerikanu millaun 378. Iha prosesu 16 ne’ebé la’o tuituir malu, Estadu Repúblika Demokrátrika Timor-Leste lakon ona dolar amerikanu millaun 35.
Entrevista ida ne’e fó-sai mós, liuhusi tranzmisaun direta, husi Rádiu Timor-Leste (RTL)
Dokumentu sira ne’e balun, sai hanesan dokumentu públiku ne’ebé fundamenta preokupasaun Estadu nian, Primeiru-Ministru aprezenta ona iha entrevista ne’e no bele konsulta iha ne’e. (http://timor-leste.gov.tl/?cat=32&lang=tp)
