Timor-Leste la iha ona kazu ativu coronavirus foun
Sérgio Lobo, Portavóz Sentru Integradu ba Jestaun Krize (SIJK) nian, ohin loron 15, Fulan-Maiu, Tinan 2020, fó-sai ona, rezultadu atuál kona-ba koronavirus foun sira, ne’ebé rejista ona iha Timor-Leste, liuhusi konferénsia imprensa ida ne’ebé hala’o iha Sentru Konvensoins Dili.
To’o ohin loron rejista ona total konfirmadu pozitivu 24 no kazu provável sira 4.
La iha kazu ativu, pasiente sira hotu (kazu konfirmadu pozitivu sira 24 no kazu provável 4) rekupera tiha ona.
Sei hein rezultadu husi kazu suspeitu 435 no 855 hetan ona rezultadu negativu.
Ema nain 41 sei hela iha konfinamentu obrigatóriu no ema nain 3 iha autokuarentena. Ema nain 2238 remata ona períodu loron katorze husi kuarentena.
Proteje ita-nia aan no sira ne'ebé ita hadomi hosi #COVID-19 ho medida preventiva simples hirak ne'e:
✅ fase liman bebeik ho sabaun no bee
✅ me'ar no fani iha liman sikun laran - la'os iha liman laran!
✅ labele kaer matan, inus no ibun
✅ limita halibur malu iha grupu boot no fatin públiku
✅ Evita kontaktu besik ho ema moras
✅ hamoos no dezinfeta bebeik sasan no fatin sira hanesan meza, kadeira, odamatan
Póster informativu sira kona-ba medida sira ba ezekusaun estadu emerjénsia
Diploma sira ne'ebé relasiona ho COVID-19
Medida sira ba exekusaun deklarasaun estadu emerjénsia efetuada hosi Dekretu Prezidente Repúblika n.o 32/2020, de 27 de abril
Apoiu osan ba agregadu familiar (Uma kain) iha ambitu pandemia Covid-19
Medida sira ba apoiu ba empregu iha ambitu pandemia Covid-19
- Diploma Ministerial n.º 17/2020, Loron 5 fulan-maiu - Ministériu Solidariedade Sosial no Inklusaun Prosedimentu inskrisaun extraordinária iha rejime kontributivu Seguransa Sosial nian
Harii suplementu remunerasaun ba funsionáriu, ajente no traballadór sita husi administrasaun públika ne’ebé hala’o sira nia atividade profisionál iha servisu prevensaun ka kontrolu husi Covid-19 ka ho espozisaun direta ba virus SARS-Cov2
