Governu Timor-Leste

Sekretária Estadu ba Promosaun Igualidade, Idelta Maria Rodrigues, ho Reitór Universidade Nasionál Timor-Leste (UNTL), Dr. Aurélio Guterres, asina Memorandum Of Understanding (MoU), 8 Abril 2014 iha Dili, kona-ba atu halo peskiza iha área haat ho montante orsamentu hamutuk, USD $ 100.000, ne’ebé sei jere hosi Sentru Estudu Jenéru UNTL.

Área haat ne’ebé identifika mak hanesan, área  nutrisaun ba familia iha distritu Oe-Cusse Ambeno, asesu ba bee-moos no saneamentu ba instituisaun edukasaun sira iha Dili, hakbiit grupu agrikultór iha subdistritu Watulari, distritu Viqueque, atividade eknomia no asesu ba enérjia eletrisidade iha subdistritu Laga, distritu Baucau.

Sekretária Estadu ba Promosaun Igualidade, Idelta Maria Rodrigues, iha nia deskursu hateten,  parseria ho UNTL estabelese tiha ona dezde tinan 2010.

Aleinde hala’o servisu peskiza sei hala’o mós debate publika kona-ba kestaun jenéru iha iha ligasaun ho edukasaun nian.