Timor-Leste no Argentina assina ona akordu kooperasaun téknika nian
Repúblika Democrátika Timor-Leste, iha loron 27 de Setembru liu ba, assina ona Akordu Kooperasaun Téknika nian ho Repúblika Argentina, iha sede Nasoens Unidas, iha Nova Iorke.
Ministru Estadu no Negósiu Estranjeiru no Kooperasaun Timor-Leste nian, José Luís Guterres, no Ministru Negósiu Estranjeiru no Kooperasaun Argentina nian, Hector M. Timerman assina ona akordu ida ho objektivu atu hebelar no promove relasoens bilaerais entre nasaun rua nee liu husi kooperasaun téknika, ne’ebé inklui mos interkámbiu husi assessor sira, konsultor sira no tékniku sira ba formasaun spesialista sira no tékniku sira, implementasaun konjunta ba projektu sira, troka informasoens, estudu resultadu pesqisa nian no qualker forma kooperasaun seluk nebé parte rua nee konkorda.
Konklusaun husi serimónia nee mak, Ministru sira husi rai rua nee sei assegura implementasaun akordu nee. Husi parte Governu Argentina sei organiza Visita ida mai Timor-Leste, ho objektivu atu identifika áreas de kooperasaun nian iha tempu oportunu ida.
