Inaugurasaun Postu Fronteirisu Sakato (Oe-Cusse Ambeno)
Postu Fronteirisu Integradu no Edifísiu Diresaun Nasionál Jestaun Patrimóniu Estadu Sakato nian (distritu Oekusi Ambenu) sei hetan inaugurasaun iha Kinta-feira, loron 28 fulan Juñu.
Serimónia sei hahú iha tuku 10 OTL ho diskursu ida boasvindas nian husi Vise-Ministru Finansa no Prezidente Komisaun Organizadora Interministeriál. Molok halo asinatura ba plaka iha tuku 10.30 OTL, Aministradór Distritu Oekusi Ambenu no Vise-Primeiru-Ministru ba Asuntu Sosiál nian sei halo mós sira nia diskursu. Tuir mai sei entrega xave sira, simu bensaun ba Postu Fronteirisu Integradu no Edifísiu Diresaun Nasionál Jestaun Patrimóniu Estadu nian no sei halo mós demonstrasaun ekipamentu informátiku sira, sistema seguransa nian no raiu-X.
Atu termina serimónia, sei hala’o espetákulu kulturál ida no jantar konvíviu ida.
