Sorumutu Konsellu Ministru loron 24 fulan Agostu tinan 2011
IV GOVERNU KONSTITUSIONÁL
SEKRETARIA ESTADU KONSELLU MINISTRU
...............................................................................................................................................
KOMUNIKADU BA IMPRENSA
Sorumutu Konsellu Ministru loron 24 fulan Agostu 2011
Konsellu Ministru hala’o Sorumutu iha kuarta-feira ne’e, loron 24, fulan Agostu, tinan 2011, iha Sala Sorumutu Konsellu Ministru nian, iha Palásiu Governu, iha Díli, no aprova ona:
1. Rezolusaun Governu nian ne’ebé aprova Estabelesimentu ba Mekanizmu traballu nian ida ba Jéneru iha nível Nasionál no Distritál
Sekretaria Estadu Promosaun Igualdade (SEPI) hetan aprovasaun husi Konsellu Ministru ba nia Rezolusaun ne’ebé estabelese mekanizmu ida traballu nian ba Jéneru, iha nível nasionál no distritál, tuir Rezolusaun Governu nian n.º 11/2008, ne’ebé garante integrasaun perspetiva Jéneru nian ida ba iha dezenvolvimentu estratéjia , polítika, programa sira no lejislasaun iha Governu nia laran.
Hafoin identifika tiha pontu fokál sira Jéneru nian iha Ministériu/Sekretaria Estadu ida-idak, tenke estabelese Grupu Traballu Nasionál ba Jéneru, ne’ebé koordena hosi SEPI, tanba importante atu Grupu hirak ne’e kontinua halibur malu hodi hala’o servisu ho forma koordenada no liu husi kolaborasaun ho setór oin-oin, iha nível distritál no mós iha nível nasionál.