Kondisaun Estrada
IV Governu Konstitusionál dezenvolve hela esforsu atu repara estrada sira iha Timor-Leste nia laran ne’ebé ho kondisaun aat. Estrada hirak ne’e aat tanba dura tinan barak ona (barak liu dura liu tinan sanulu, maibé loloos ne’e to’o dei’t tinan hitu) no hosi sorin seluk tanba udan, boot nonu rai mak estraga estrada hirak ne’e uitoan iha territóriu nia laran tomak.
Kumprimentu hosi estrada hirak ne’e hotu hamutuk kilómetru rihura neen tolunulu resin neen, tuir estrada ne’ebé hala’o tiha ona hosi Ministériu Infra-Estrutura, servisu hamutuk ho Banku Aziátiku ba Dezenvolvimentu. Sorin balu hanesan estrada rurál sira no besik prosentu ualu mak iha kondisaun ne’ebé di’ak.
Diretór Jerál Sekretaria Estadu Obras Públika, afirma mós katak” estrada ne’ebé mak eziste, liu prosentu ualu nulu iha kondisaun ne’ebé aat liu. Iha kondisaun ne’ebé mak aat liu signifika katak, estrutura hosi estrada ne’e ninian rasik tenke hadi’a fila fali tanba tuir Estrada ne’e ninia plataforma rasik labele hadi’a tan ona. Ami iha konsiénsia kona-ba problema ida ne’e no ami nia planu mak atu haktaru iha rekonstrusaun. Ka, ami tenke muda fali estrutura estrada hirak ne’e hotu ne’ebé mak sira nia plataforma labele hadi’a tan ona no harii foun hotu fali. “ Objetivu hosi IV Governu Konstitusionál nian, mak atu harii estrada iha nasaun ne’e ho kualidade di’ak, ne’ebé la presiza atu halo reabilitasaun beibeik. Iha tempu hanesan, sei estabelese mós planu ida atu halo manutensaun periódika ba Estrada sira.
