Nota Pezar ba Luis Lobato, eis-Vise-Ministru Saúde nia mate
Prezidénsia Konsellu Ministrus
VIII Governu Konstitusionál
...........................................................................................................................
Komunikadu Imprensa
Nota Pezar ba Luis Lobato, eis-Vise-Ministru Saúde nia mate
Governu triste tebes ho Luis Lobato, eis-Vise-Ministru Saúde, husi Governu Konstitusionál I no VII, Repúblika Demokrátika Timor-Leste nia mate.
Luis Lobato moris iha Leorema, Munisípiu Likisá. Nia estuda kona-ba Enfermajen iha Jakarta, Indonézia no sai hanesan Koordenadór FRETILIN nian iha Munisípiu Likisá.
Primeiru-Ministru, Taur Matan Ruak, hato’o “kondolénsia profunda ba família saudozu Luis Lobato nian” no afirma katak “ami nia hanoin no orasaun hamutuk ho família, kolega no belun sira saudozu Luis Lobato nian”
Portavós Governu nian, Ministru Prezidénsia Konsellu Ministrus, Fidelis Manuel Leite Magalhães, lori Konsellu Ministrus no Governu tomak nia naran, hato’o sentidas kondolénsia ba família no amigu sira Luis Lobato nian no afirma katak ninia dedikasaun no kontributu ba dezenvolvimentu ita-nia nasaun nian ita sei lembra nafatin ho admirasaun no respeitu boot. REMATA
