Diresaun Nasionál Kuarentena no Bioseguransa no Programa Alimentár Mundiál organiza semináriu kona-ba kontrolu praga (pesti) no jestaun armazenamentu
Diresaun Nasionál Kuarentena no Bioseguransa, Ministériu Agrikultura no Peska, no Programa Alimentár Mundiál (PAM) hamutuk organiza semináriu ida kona-ba kontrolu pesti no jestaun armazenamentu, iha loron 14 fulan-marsu, iha Dili.
Semináriu ne’e ho objetivu atu debate operasaun sira armazenamentu nian, ho énfaze iha kontrolu pesti no iha jestaun armazén ne’ebé efikás.
Eventu ne’e hetan partisipasaun husi entidade governamentál oin-oin, husi setór privadu no Organizasaun Naun Governamentál ne’ebé liga ho lojístika no armazenamentu ai-han, inklui Ministériu Solidariedade Sosiál no Inkluzaun, Sentru Lojístika Nasionál (SLN) no programa TOMAK (To’os ba Moris Di’ak – Agrikultura ba prosperidade), entre partisipante sira seluk husi setór alimentár. 
Durante semináriu ne’e, partilla no diskute ona rezultadu avaliasaun balu ne’ebé halo iha armazén sira iha mundu tomak, iha tinan 2022, ne’ebé foka liubá ba risku Besouro-do-arroz (khapra), pesti ne’ebé estraga tebes no ne’ebé bele afeta ba foos no ai-horis sira seluk.
PMA hametin ona ninia kompromisu hodi kontinua apoia Timor-Leste iha melloria ninia operasaun armazenamentu, hodi garante seguransa iha Manuzeamentu (serbisu direta ho liman) no armazenamentu ai-han.
