Governu Timor-Leste

Primeiru-Ministru, Taur Matan Ruak, akompaña husi Ministru Edukasaun, Juventude no Desportu, Armindo Maia, iha loron 27 fulan-janeiru tinan 2023, hala’o inaugurasaun ofisiál ba edifísiu eskola 94 ne’ebé harii ka reabilita ona iha nivel nasionál, serimónia ida ne’ebé ho simbóliku hala’o iha Eskola Bázika Filial Daitula Maukale, iha suku Gariuai, Postu Administrativu Baukau Vila, iha Munisípiu Baukau. 

Iha faze daruak, prevee ba fulan-marsu, sei inaugura tan eskola 120, ho sala-aula 360, nune’e totál eskola 214 ne’ebé harii ka reabilita ona.

Serimónia ne’e konta mós ho partisipasaun husi membru Governu Konstitusionál VIII balun, Prezidente Autoridade Munisipál Baukau no reprezentante sira korpu diplomátiku nian.