Parlamentu Nasionál aprova ona iha jeneralidade Lei Foun Komisaun Funsaun Públika nian

Kin. 20 janeiru 2022, 15:08h
271913858_5435946303088292_4064541851998905899_n

Ohin, loron 8 fulan-fevereiru tinan 2022, Parlamentu Nasionál aprova ona Lei Foun Komisaun Funsaun Públika nian, ho votu afavór 32, kontra neen no abstensaun ida.

Durante sesaun plenária, Ministru Prezidénsia Konsellu Ministrus, Fidelis Manuel Leite Magalhães, halo ona enkuadramentu jerál ida kona-ba lei ida-ne’e no hatán ba preokupasaun sira husi deputadu sira Parlamentu Nasionál.

Diploma ne’e aprova ona husi Konsellu Ministrus, iha reuniaun iha loron 28 fulan-jullu liubá, ho objetivu atu haforsa garantia sira independénsia nian ba atuasaun Komisaun Funsaun Públika nian no ba ninia Komisáriu sira, no iha tempu hanesan, atu halo reforma iha ámbitu husi ninia intervensaun, liuliu atu rezolve dezafiu sira ne’ebé Komisaun Funsaun Públika hasoru. Ida ne’e, sai hanesan obstákulu ida ba funsionamentu efisiente Funsaun Públika nian, ne’ebé liu ona tinan 10 husi ninia estabelesimentu.

Ho lei foun ida-ne’e, hakarak atu Komisaun Funsaun Públika bele iha papél ida apoiu nian kona-ba definisaun polítika públika sira funsionalizmu públiku nian, bainhira estabelese ba reforsu husi kompeténsia sira Ministériu sira nian iha ninia implementasaun, tuir númeru 3 hosi artigu da 115 Konstituisaun Repúblika nian.

Lei foun ne’e mós ho objetivu atu klarifika podér sira intervensaun nian husi Komisaun Funsaun Públika, ne’ebé assume knaar hodi garante promosaun legalidade, igualdade no independénsia funsaun públika nian.

   Ba leten