Inaugurasaun ba Uma Lulik iha Suku Nunu Moge, distritu Ainaro
Uma Lulik” , Lulik Lokometa-Darlau Nunufu, iha suku Nunu Moge, sub-distritu Hatubuiliku, distritu Ainaro,sei hetan inauguração, iha semana ida ne’e, ho prezensa Sekretáriu Estadu Kultura nian, Sr. Virgílio Smith no Embaixadór Estadus Unidus Amérika nian iha Timor-Leste, Hans Klemm.
Inaugurasaun ida ne’e, sei hala’o iha loron 22 no 23, fulan Abril no mosu tanba projetu kooperasaun ida entre Sekretaria Estadu Kultura Timos-Leste nian ho Embaixada EUA iha Timor-Leste. Tuir projetu kooperasaun ida ne’e, embaixada Ámerika nian fó ona apoiu ida ho valór osan dólar 32.000 hodi rekupera Uma Lulik haat iha distritu Lautém, Oecusse, Bobonaro no Ainaro.
Projetu importante ba rekuperasaun patrimóniu arkitetóniku tradisionál Timor-Leste nian ida ne’e, hahú iha tinan 2008, no sei kontinua nafatin iha tinan 2010 no tinan hirak tuir mai, hodi tau fali ba komunidade iha país ne’e tomak parte importante ida ba nia identidade kultural.
Atu hatene tan informasaun halo favór klik iha ne’e.
