Governu halao sorumutu ho Konferénsia Episkopal Timoroan

Seg. 05 agostu 2019, 15:36h
IMG_9054

Ministru Estadu Prezidénsia Konsellu Ministrus no Ministru Negósius Estranjeirus iha ezersísiu, Agio Pereira, akompaña hosi Ministra Finansas iha ezersísiu, Sara Lobo Brites, no Xefe Gabinete Primeiru-Ministru nian, hala’o sorumutuk ho reprezentante sira hosi Konferénsia Episkopál Timor-Leste nian (CET, sigla iha portugés), iha loron 5 fulan-agostu tinan 2019, iha Palásiu Governu, iha Dili.

Sorumutuk ne’e ninia objetivu mak atu debate asuntu sira kona-ba akordu anuál entre Governu no Konferénsia Episkopál Timor-Leste nian  no harii ekipa rua, ida hosi Governu no ida seluk hosi CET, ba diskusaun no produsaun akordu anuál no akordu sira ne’ebé, tuirmai, Primeiru-Ministru no Prezidente CET nian sei asina, hafoin hetan aprovasaun iha Konsellu Ministrus no autorizasaun prévia hosi Santa Sé.

Sorumutuk ne’e konta mós ho partisipasaun hosi Xefe Gabinete hosi Gabinete Primeiru-Ministru, Afonso Corte Real, Diretora Nasionál hosi Ministériu Negósius Estranjeirus, Josefina Tilman, portavós CET nian, Jovito Rêgo de Jesus Araújo no membru sira seluk hosi CET.

   Ba leten