Governu partisipa iha semináriu kona-ba reforsu jestaun no supervizaun finansas públikas
Ministru Reforma Lejizlativa no Asuntus Parlamentares, Fidelis Manuel Leite Magalhães no representante sira husi Unidade Auditória Sosial Gabinete Primeiru-Ministru nian, participa iha loron 7 fulan-maiu, iha semináriu “Sosiedade Sivil iha Supervizaun Finansas Públikas”, ne’ebé hala’o iha Sentru Kulturál Portugés Embaixada Portugal nian iha Díli. Semináriu ne’e organiza husi Camões-Institutu Kooperasaun no Linguajen, I.P. no FONGTIL, Forum Organizasaun Naun-Governamentál sira iha Timor-Leste.
Sorumutu ida-ne’e foti nu’udar okaziaun atua sina memorandu entendimentu ida entre FONGTIL no Camões I.P. atu permite futuru atividade ba Plataforma Responsabilidade Sosiál Akuntabilidade (PAS).
Semináriu ne’e kona-ba “Sosiedade Sivil iha Supervizaun Finansas Públikas” hala’o iha ámbitu projetu ida-ne’ebé hetan finansiamentu husi Uniaun Européia no jere no hetan finansiamentu husi Camões ho objetivu atu promove partisipasaun husi autor nasionál sira iha prosesu foti desizaun no supervizaun Finansas Públikas liuhusi reforsu sistema kontrolu no ekilíbriu husi interveniente estatál no naun-estatál sira.
Ho partisipante sira hamutuk atus ida, sorumutu ne’e iha fokus ba pontu fokál sira husi organizasaun naun-governamentál (ONGs), FONGTIL, Fundasaun Ázia, RENAS, nune’e mós reprezentante sira Unidade Auditoria Sosiál nian husi Gabinete Primeiru-Ministru no implementa ho Komponente 2 husi PFMO – Parseria atu hadi’a Prestasaun Servisu sira liuhusi Hametin Jestaun no Monitorizasaun kona-ba Finansas Públikas.
Partisipante sira diskute kona-ba knaar sosiedade sivíl sira iha supervizaun finansas públicas, atu nune’e hetan tan organizasaun sosiedade sivíl sira ne’ebé servisu iha auditoria sosiál no halo revizaun servisu PFMO nian iha ámbitu kolaborasaun entre Unidade Auditoria Sosiál, FONGTIL, RENAS no 18 partisipante sira husi ONG.
Prosesu iha Semináriu ne’e mós koalia liu kona-ba utilizasaun no evolusaun futuru “Plataforma Responsabilidade Sosiál” (PAS) no analiza ona kuadru sira ne’ebé atividade PAS nian ne’e dezenvolve ona no kona-ba atividade futuru Auditoria Sosiál nian iha Timor-Leste.
Eventu ne’e konta ho prezensa hui Vise-Deputadu Nasionál Fundu Europeu ba Dezenvolvimentu (FED), Ivo Valente, Embaixadór Uniaun Européia iha Timor-Leste, Alexandre Leitão, Vise-Prezidente Camões I.P. nian, Gonçalo Teles Gomes, Embaixadór Portugal nian iha Dili, José Pedro Machado Vieira, Diretór Ezekutivu FONGTIL nian, Daniel Santos.
