Governu no Sosiedade Sivíl fahe ona livru hamutuk rihun 78

Ses. 06 outubru 2017, 17:26h
GASC-GPMdaLivros_2_PG

Gabinete apoiu ba Sosiedade Sivíl husi Gabinete Primeiru-Ministru nian, oferese livru kurakuran rihun 78, iha lian portugés, ba instituisaun, organizasaun, biblioteka, universidade no estabelesimentu ensinu nian sira seluk, ba públiku no mós privadu sira, no muzeu sira iha país laran tomak.

Livru sira ne’e, ne’ebé Imprensa Nasionál Casa Moeda husi Portugál fó ba Timor-Leste ne’e, fahe ona, entre loron 6 fulan-setembru no loron 6 fulan-outubru, iha instalasaun Forum Organizasaun Naun Governamentál sira Timor-Leste nian (FONGTIL), ba entidade besik 130. Livru sira ne’e fahe mós ba públiku ne’ebé boot liután, ne’ebé organizasaun ne’e fahe livru ba ema individuál hamutuk 300 resin, liuliu estudante sira.

Joaquim da Costa Freitas, Koordenadór Gabinete Apoiu ba Sosiedade Sivíl husi Gabinete Primeiru-Ministru nian, GASC-GPMdaLivros_1_PGko’alia kona-ba “interese no ksolok boot, no gostu atu hetan livru sira. Ema barak hateten katak liuhusi dalan seluk sira laiha posibilidade atu hetan livru hirak ne’e. Ida ne’e hanesan esperiénsia ne’ebé gratifikante tebe-tebes no haluha-labelek!”.

Koordenadór Gabinete Apoiu ba Sosiedade Sivíl husi Gabinete Primeiru-Ministru nian agradese ba tulun husi públiku no ba entidade sira ne’ebé fó apoiu ba inisiativa ne’e, liuliu, Imprensa Nacional Casa Moeda husi Portugál, Embaixada Portugál nian, Fundasaun Oriente, Fundasaun Haburas, FONGTIL, no Unidade Apoiu Juríriku Prezidénsia Konsellu-Ministrus nian.

   Ba leten