Komemorasaun Loron Nasionál Funsaun Públika nian
Loron 14 fulan-jullu
Fatin: Igreja Balide
Oráriu tuku 9:00
Misa Agradesimentu nian ida
Loron 15 fulan-jullu
Fatin: Sentru Konvensoins Dili
Oráriu tuku 9:00-13:00
Loron 15 maka Loron Nasionál Funsaun Públika nian no prevee ona ba loron ne’e aprezentasaun relatóriu ida kona-ba evolusaun serbisu Komisaun Funsaun Públika (KFP) nian durante ninia ezisténsia iha tinan 15 ne’e, no mós relatóriu ida kona-ba dezempeñu rekursu umanu nian husi instituisaun ida-idak. Ikus liu, sei fó-sai Planu Estratéjiku KFP nian.
Hafoin ida-ne’e, sei fahe prémiu ba funsionáriu no instituisaun sira ne’ebé iha dezempeñu exesionál.
Iha parte loraik nian, prevee ona kompetisaun desportiva sira, aprezentasaun muzikál ida no inagurasaun ba espozisaun ida.
Serimónia ne’e konta mós ho prezensa husi Primeiru-Ministru, Rui Maria de Araújo, Xefe Kaza Sivíl Prezidente Repúblika nian, Francisco Vasconcelos, ho personalidade sira seluk tan.
