Governu hamutuk ho Kámara Komérsiu no Indústria promove komunidade emprezariál

Seg. 06 fevreiru 2017, 10:29h
Governu Timor Leste - CCITL_PG

Governu asina ona Protokolu Kooperasaun nian ida ho Kámara Komérsiu no Indústria Timor-Leste (CCI-TL–sigla iha lia portugés), tuir aprezentasaun ne’ebé hala’o iha sorumutuk Konsellu Ministrusiha loron 17 fulan-janeiru, ho objetivu atu promove dezenvolvimentu sosiuekonómiku país nian no  komunidade emprezariál timoroan  nian. Reprezentasaun Governu nian hala’o ona husi instituisaun estatál sira ho tutela  Ekonomia, Finansas no Komérsiu nia.

“Importante maka Governu kolabora ho CCI-TL, tanba Kámara Komérsiu no Indústria ne’eiha ligasaun  vitál ho setór privadu”, hatete Ministru Estadu, Koordenadór Asuntu Ekonómiku, Estanislau da Silva. “Akordu ida ne’e [konteúdu Protokolu nian] promove dezenvolvimentu setór privadu nian, nune’e mós atu fó korajen ba setór privadu atu dezenvolve ita-nia nasaun ho forma sustentável no prepara ba adezaun Timor-Leste nian iha Asosiasaun Nasaun sira Sudeste Aziátiku (ASEAN-sigla iha lia-inglés) no iha Organizasaun Mundiál Komérsiu nian.”

Ba Vise-Ministru Finansas, “liuhusi akordu ida ne’e, Governu garante katak setór privadu hatene kona-ba medida reforma ekonómika no fiskál nian. Akordu ida ne’e fó dalan mai  ita atu komunika ho empreza sira ho forma klaru no efisiente, hodi tulun Timor-Leste atu sai país ida atrativu liu ba investimentu”.

Prezidente CCI-TL, Óscar Lima, hatete ona kona-ba utilizasaun “husi parte Governu nian kona-ba ita-nia rede kontaktu iha nível munisipál ”, ho objetivu “ atu hadi’a komunikasaun sira no nune’e mós atu fó aten barani hodi troka informasaunsira ho Governu kona-ba kestaun sira oin-oin. Akordu ida ne’e, tulun mós ita atu identifika área prioritária sira atu hetan apoiu husi Governu, hoobjetivoba dezenvolvimentu empreza mikro, ki’ik no média, nian sira nune’e mós forma atu tulun ita-nia empreza sira hodi adaptaba medida foun ne’ebé rezulta husi reforma ekonómika no fiskál”.

Protokolu ne’e abranjemós, entre atividade sira seluk, atividade formasaunsemináriu no estudu sira, ba CCI-TL no ninia membru sira, ho hanoin atu hadi’a empriendedorizmu (espíritu  inisiativa nian iha negósiu sira) no insentiva partisipasaun feto sira iha setór privadu.

   Ba leten