Kampaña tasi-ibun moos, ambiente saudável
Ministériu Agrikultura no Peska organiza “Campanha praia limpa, ambiente saudável [Kampaña tasi-ibun moos, ambiente saudável]”, ne’ebé sei hala’o iha Dili, iha domingu, loron 17 fulan-abríl.
Hahú husi tuku 7:30 to’o tuku 12:00, ho tulun husi entidade no organizasaun oin-oin no sidadaun voluntáriu sira, sei halo limpeza iha tasi-ibun besik ponte Bidau-Santana, iha Lesidere.
Inisiativa ne’e halo parte ba-iha ámbitu CPLP nian (Comunidade dos Países de Língua Portuguesa) – Prezidénsia Timor-Leste, no hetan mós apoiu husi Gabinete Primeiru-Ministru – UASC – FONGTIL/ Sosiedade Sivíl – Movimentu Tasi Moos, Uniaun Juventude Haburas, Fundação Oriente, entre ONG no CAFE sira seluk (Ministériu Edukasaun), Eskola Portugeza iha Dili, Ministériu Ambiente, Ministériu Saúde, MNEC-CPLP no entidade sira seluk.
