Timor-Leste intensifíka mobilizasaun ba implementasaun Ajenda Dezenvolvimentu Sustentavel no asina Apelu ida ba Asaun
Timor-Leste asina ona “Um Apelo à Ação”-“Apelu ida ba Asaun” iha eventu ida ba lansamentu Grupu Nivel Aas nian ba implementasaun Objetivu sira ba Dezenvovlimentu Sustentavel (ODS). Timor-Leste maka paíz úniku ida husi Àzia-Pasífika ne’ebé reprezentadu iha grupu nasaun 9 ne’ebé sei halo serbisu iha parseria ho Kolómbia, Alemaña, Libéria, Áfika Sul, Tanzánia, Tunízia no membru CPLP, Brazíl, ho objetivu atu halibur apóiu ba implementasaun Ajenda ne’e nian.
Ida ne’e hanesan apelu ida ba Asaun Grupu Nivel Aas nian ba Implementasaun ODS nian:
Implementa Ajenda 2030 ba Dezenvolvientu Sustentavel
Apelu ida ba Asaun
Mundu tenke avansa lailais ba kompriensaun ajenda foun, ambisioza no transformadora ba dezenvolvimentu sustentavel.
Ami, Prezidente no Primeiru-Ministru sira husi Brazíl, Kolómbia Alemaña, Libéria África Súl, Suésia, Tanzánia, Timor-Leste no Tunízia, hamutuk, ohin-loron, iha inisiativa ida ne’ebé buka atu fó apóiu ba implementasaun Ajenda ba tinan 2030 ba Dezenvolvimentu Sustentvel.
Ami fiar katak implementasaun universal no efikás husi Ajenda 2030 nian ezije empeñu iha nivel no setór hotu-hotu. Governu nia esforsu sira de’it sei la to’o. Maibé ami iha ona koprmisu atu fó ezemplu no halo buat ne’ebé sai ami nia parte.
Ami sei halo serbisu ho ativu durante fulan hirak oinmai ho objetivu atubele hetan apóiu ba implementasaun Ajenda ne’e nian. Ita sei promove fahe esperiénsia no pratika di’ak sira ba malu, iha kompromisu kontínuu ida, iha nivel polítiku ne’ebé aas liu, iha mundu tomak.
Ajenda 2030, hanesan ajenda ida ne’ebé maihusi povu, povu maka halo no ba povu.
Iha sentidu ida ne’e, ami konvida parseiru, governu, membru parlametu, sosiedade sivíl, setór negósiu nian, sindikatu serbisu na’in sira no mundu akadémiku hotu-hotu atu hamutuk ho ami iha apelu ba asaun ida ne’e. Ami presiza kompromisu, dedikasaun, no lideransa ne’ebé sustentadu iha nivel hotu-hotu, ho objetivu atu halakon moris-kiak no dezenvovimentu sustentavel, iha dimensaun hotu-hotu to’o tinan 2030.
Ami sei hala’o ida ne’e hanesan ami-nia misaun konjunta, ho objetivu atu asegura katak la iha ema ida maka hela iha kotuk.
