Sorumutuk Ordinária Konsellu Ministrus CPLP XX
Fatin: Ministériu Negósiu Estranjeiru no Kooperasaun Timor-Leste
Timor-Leste liuhusi Ministériu Negósiu Estranjeiru no Kooperasaun sei hala’o SorumutukOrdinária Konsellu Ministrus CPLP XX, iha loron 24 fulan-jullu tinan 2015, Iha ámbitu Prezidénsia Rotativa CPLP nian. Sorumutukne’e sei lidera hosi Ministru Negósiu Estranjeiru no Kooperasaun Timor-Leste, Hernani Coelho, no tuir planu sei loke ofisialmente hosi Primeiru-Ministru, Rui Maria de Araújo, iha edifísiu MNEK nian.
Sekuénsia hosi Sorumutukne’e sei hahú ho SorumutukPonto Fokál Kooperasaun sira XXXI, iha loron 20–21 fulan-jullu, SorumutukGrupu Tékniku Preparasaun Komité Konsertasaun Permanente, iha loron 22 fulan-jullu no SorumutukKomité Konsertasaun Permanente ba dala 184, iha loron 23 Fulan-jullu 2015.
Entretantu, iha loron 23 Fulan-jullu 2015, sei halo mós inaugurasaun ba Sede CPLP nian no lansamentu mundiál programa audio vizual CPLP (17h00). Durante SorumutukOrdinária Konsellu Ministrus CPLP XX, sei halo mós aprezentasaun relatóriu hosi Prezidente Painél Independente Nivel Aas kona-ba Operasaun Paás Nasoins Unidas nian, hosi antigu Prezidente Repúblika Timor-Leste, José Ramos-Horta.
SorumutukOrdinária Konsellu Ministrus CPLP XX ne’e sei hetan partisipasaun hosi Ministru Negósiu Estranjeiru/Relasaun Eteriór Estadu Membru CPLP sira hanesan Angola, Brazíl, Kabu Verde, Guiné Bisau, Guiné Ekuatoriál, Mosambike, Saun Tomé no Prínsipe, Sekretáriu Estadu Negósiu Estranjeiru no Kooperasaun Portugál, Sekretáriu Ezekutivu CPLP, Diretora Ezekutiva Institutu Internasionál Lian Portugés (IILP) , Observadór Asosiadu sira no konvidadu sira seluk.
Bele akompaña diretamente sorumutuk sira ne’e liuhusi link tuirmai ne’e: http://www.cplp.org
20-21 fulan-jullu
Pontu Fokál Kooperasaun sira XXXI
22 fulan-jullu
Grupu Tékniku Preparasaun Komité Konsertasaun Permanente
23 fulan-jullu
Komité Konsertasaun Permanente da-184
24 fulan-jullu
Sorumutuk Ordinária Konsellu Ministrus CPLP XX
