Tarefa barak iha finál 2014 nian
Ministru Estadu no Prezidénsia Konsellu Ministru no
Porta-Vóz Ofisiál Governu Timor-Leste
Dili, loron 31 fulan-dezembru tinan 2014
Tarefa barak iha finál 2014 nian
Governu Timor-Leste hetan tarefa barak iha semana ikus 2014 nian.Hafoin semana balun nia laran halo análise, orsamentu jerál estadu nian ba 2015 hetan aprovasaun iha 18 Dezembru, ho unanimidade, hosi Parlamentu nasionál. Valor orsamentu ás liu maka nafatin iha valor ne’ebé propoen ona hamutuk $1,57 billaun dólar, hodi fahe ba saláriu no vensimentu hamutuk $179 millaun, ba ben no servisu hamutuk $516 millaun, ba transferénsia públika $407 millaun, ba kapital menor $26 millaun no ba kapital dezenvolvimentu $442.
Alterasau 92 maka hetan konsiderasaun iha prosesu orsamentu nian, hafoin aprovasaun Orsamentu iha Jeneralidade, iha 4 dezembru. Lei Orsamentu ba Orsamentu Jerál Estadu nian ba 2015 haruka tiha ona ba Gabinete Prezidente Repúblika, hodi promulga.
Ezekusaun orsamentu 2014 ne’e maka’as. Iha loron 29 novembru, Governu rejista ezekusaun kona-ba despeza hamutuk $1.077 millaun dólar ho cash/tunai/diñeiru no $228 millaun dólar ho autorizasaun.hanesan iha probabilidade katak taxa ezekusaun ida ho 87% bele hala’o to’o remata tinan ne’e, númeru ida promisór, liu-liu tanba orsamentu 2014 nian foin hahú ezekuta ho legál iha fulan da-tolu tinan ne’e.
Oras ne’e, ita bele konfirma katak taxa ezekusaun Orsamentu Jerál Estadu nian 2014 maka hamutuk liu fali 90%.
Iha loron hafoi n aprova Orsamentu, Primeiru-Ministru hasoru-malun ho funsionáriu superiór sira iha Funsaun Públika iha Sentru Konvensaun, Dili, hodi aproveita oportunidade atu agradese ba sira tanba sira nia servisu, hodi foti inportánsia ba sira nia responsabilidade no insentiva sira atu kontinua servisu maka’as iha tinan oin mai. Primeiru-Ministru mos subliña papél ne’ebé funsionáriu públiku kaer iha hala’o plano estratéjiku Dezenvolvimentu Timor-Leste nian bainhira nia servisu ba sidadaun Timor-Leste nian sira
Iha remata ona tinan ida ho atividade intensu, maka Governu Timor-Leste hakarak transmite ba ema hotu, votu Boas Festas no rahun kmanek tinan foun ne’ebé atu tama. Governu Konstitusionál V Timor-Leste nian nafatin kaer ba ninia determinasaun atu “defende interese nasionál sira, protéje povu timor no onra sakrifísiu hirak hosi ema hotu ne’ebé mehi atu hetan Timor-Leste ida livre, soberanu no independente” no hein katak, iha 2015, bele serbí nasaun ne’e ho enerjia no paixaun.
