Kondolénsia ba ema mate tanba rai-halai, iha Jembulung
Ministru Estadu no Prezidénsia Konsellu Ministru no
Porta-Vóz Ofisiál Governu Timor-Leste
Dili, loron 18 fulan-dezembru tinan 2014
Kondolénsia ba ema mate tanba rai-halai, iha Jembulung
Governu Timor-Leste hato’o ona ninia kondolénsia ba familia no amigu sira hosi ema sira ne’ebé mate tanba rai-halai iha aldeia Jembulung, iha Java, Indonezia, iha sexta-feira liu ba. Rai-halai ne’e mosu hosi udan ne’ebé tau maka’as.
Ema servisu-na’in operasaun salvamentu nian, hamutuk na’in rihun ida resin, inklui membru polísia no forsa armada, maka servisu la kole hodi buka sobrevivente sira. Governu Timor-Leste louva ba esforsu hirak hala’o ona, iha kondisaun ne’ebé adversu ne’e.
Timor-Leste hato’o ninia solidariedade ba ninia viziñu no amigu ida besik liu, tanba hasoru difikuldade hirak ne’e.
