Timor-Leste lamenta Kevin Sherlock nia mate
Governu no Povu Repúblika Demokrátika Timor-Leste lamenta ho Kevin Sherlock nia mate, australianu ida ne’ebé iha tinan barak dedika ninia moris hodi buka-hatene no halibur informasaun kona-ba Timor-Leste.
Moris iha loron 8 fulan-marsu tinan 1934, iha Adelaide, Austrália, Kevin Sherlock muda ba Darwin iha tinan 1971, fatin ne’ebé nia hela ba, hodi servisu iha papelaria ida.
Iha tinan 1974 nia halo vizita mai Timor-Leste ba dahuluk, hodi pasa férias no fila ba uma hahú ninia servisu kona-ba peskiza no kompilasaun, hodi loke arkivu boot ida ne’ebé ema sé de’it mak iha interese bele ba konsulta. Husik tiha Universidada Charles Darwin, atu nune’e bele kontinua halo konsulta nafatin.
Reforma iha tinan 1999, pasa nia tempu barak liu hodi dedika nia-an iha investigasaun kona-ba Timor-Leste.
Iha tinan 2010 Estadu Repúblika Demokrátika Timor-Leste ofisialmente fó omenajen ba nia servisu.
Mate iha loron 2 fulan-outubru tinan 2014, iha Royal Darwin Ospitál, hafoin hetan moras ne’ebé kleur tebes.
Atu haree obituáriu Ministru Estadu Prezidénsia Konsellu Ministrus nian, klike iha ne’e.
