Sorumutuk da-III kona-ba Plataforma Entidade Reguladora sira Komunikasaun Sosiál Nasaun no Territóriu sira Lian Portugés nian-PER
Iha organizasaun ida hosi Sekretaria Estadu Komunikasaun Sosiál (SECOMS), hala’o Sorumutu da-III kona-ba Plataforma Entidade Reguladora Komunikasaun Sosiál Nasaun no Territóriu Lian Portugés nian sira - PER, iha loron 29 fulan-setembru no loron 3 fulan-outubru iha Otél Timor, iha Dili.
Sorumutuk ne’e, konta mós ho apoiu hosi Programa Komunikasaun Sosiál Uniaun Europeia nian - Kooperasaun Delegada iha Portugál, ne’ebé hetan finansiamentu hosi Fundu Uniaun Europeia Dezenvolvimentu (FED) nian, ne’ebé mai mós reprezentante sira husi entidade reguladora Komuniukasuan Sosiál nian, nasaun hitu Lian Portugeza (Angola, Giné-Bisau,Guiné Ekuatoriál, Mosambike, Portugál, Saun Tomé no Prínsipe no Timor-Leste).
Objetivu hosi sorumutuk ne’e hodi promove reflesaun kona-ba modelu hirak regulasaun komunikasuan Sosiál nian ne’ebé eziste iha espasu lusófono, nune’e mós atu buka hamutuk forma di’ak kona-ba kooperasaun entre nasaun rua no nasaun barbarak kona-ba nesesidade espesífiku setór méda nian iha nasaun ida-idak.
Iha sorumutuk da-III ne,e mós Timor-Leste, liuhosi Sekretáriu Estadu KomunikasaunSosiál, Nélio Isaac Sarmento, ne’ebé kaer knaar Prezidénsia PER nian ba tinan 2015, ne’ebé mak Saun Tomé no Prinsípe mak sei kaer hela.
Sesaun dahuluk loke ba públiku, sesaun daruak partisipa de’it hosi delegasaun PER nian no observadór sira iha sorumutuk ka kandidatu sira ba membru Plataforma nian no loron ikus hala’o sesaun públika enserramentu nian.
Iha serimónia enseramentu ne’ebé asina Memorandu Entendimentu ida entre Sekretaria Estadu Komunikasaun Sosiál Timor-Leste nian no Entidade Reguladora Komunikasun Sosiál Portugál nian (ERC), ne’ebé reprezenta hosi Sekretariu Estadu Komunikasaun Sosiálno Prezidente ERC nian, Carlos Magno.
Kooperasaun ne’e estabelese ho Memorandu Entendementu liuhosi formasaun ba kuadru sira, liuhosi realizasaunasaun no inisiativa ba matéria sira ne’ebé iha relasaun ho regulasaun Komunikasaun Sosiál nian no liuhosi kooperasaun iha prosesu harii no instalasaun entidade administrativa independente reguladora iha setór Komunikasaun Sosiál Timor-Leste nian.
Tuir Nélio Isaac Sarmento, Memorandu ne’e “sei lori Timor-Leste hodi fortifika instituisaun foun Konsellu Superiór Imprensa nian ne’ebé maka sei harii. Itamós hein atu-hetan tulun hosi Estadu- membru CPLP nian sira”. Ba Carlos Magno, ida ne’e maka konkretizasaun vontade nian husi nasaun rua hodi halo koperasaun.
Iha sesaun enserramentu ne’e, asina mós Deklarasun Díli nian, ne’ebé habadak servisu sira ne’ebé hala’o ona, no hodi hatete katak sorumutuk PER nian tuir-mai sei hala’o hosi Entidade Reguladora Komunikasaun Sosiál Portugál nian, iha tinan 2015.
