Governu Timor-Leste

Iha ámbitu komemorasaun Aniversáriu XV Loron Konsulta Populár loron 30 fulan-Agostu tinan 1999, Ministériu Komérsiu, Indústria no Ambiente organiza Feira Komersiál ida iha Mota-Masin Salele, Suai, ho objetivu atu promove konsolidasaun Amizade no Dame, no kontribui ba estabilidade no dezenvolvimentu sosioekonómiku povu Timor-Leste no povu Indonézia nian.

Loron: 27, 29 no 30 fulan-agostu tinan 2014
Fatin: Mota-Masin Salele, Suai

Programa:

Loron-kuarta, 27 fulan-agosto
09:15 – 09:45: Simu konvidadu sira
09:45 – 09:50: Introdusaun no leitura programa husi protokolu
09:50 – 09:55: Dansa Tradisionál
09:55 – 10:00: Lia-fuan badak aprezentasaun nian husi Prezidente Komisaun Organizadora
10:00 – 10:15: Diskursu loke feira nian husi Ministru Komérsiu Indústria no Ambiente, António da Conceição
10:15 – 10:30: Dansa Tradisionál
10:30 – 10:45: Orasaun no bénsaun ba Merkadu fronteira Mota-Masin no Feira, husi Reverendu pároku Tilomar/Suai nian.
10:45 – 11:15: Vizita ba tenda sira ne’ebé uza ba aprezentasaun produtu sira iha feira ne’e
11:15 – 12:00: Han loro-manas

Loron-sesta, 29 fulan-agosto
15:30 – 17:20: Misa iha Igreja Katedrál Suai, hodi fó omenajen ba Eroi Libertasaun Nasionál Pátria Timor-Leste ninian sira.
17:20 – 18:00: Vizita Monumentu Eroi sira Masakre Setembru Negro tinan 1999 nian, iha Vila Suai
18:00 – 19:00: Marxa ho Bandeira Nasionál, husi Semitériu Eroi Libertasaun Nasionál ba kampu tebe-bola nian.

Loron-sábadu, 30 fulan-agosto
08:30 – 11:00: Serimónia Hasa’e Bandeira Nasionál, iha kampu tebe-bola Suai nian, organiza husi administrasaun distritu no Komandu PNTL Distritu Kovalima
11:00 – 13:00: Han loro-manas nian iha salaun sorumutu Administrasaun Distritál
13:00 – 14:00: Intervalu
14:00 – 15:00: La’o husi Vila Suai ba Mota-Masin atu vizita Feira no Merkadu fronteira.
15:00 – 17:00: Vizita ba tenda sira ne’ebé uza hodi halo aprezentasaun produtu sira iha Feira ne’e no ba postu integradu fronteira Mota-Masin nian
17:00 – 17:30: Kafé
17:30 – 18:30: Fila-fali ba Vila Suai