Governu transfere verba dezenvolvimentu nian ba Autoridade Rejiaun Administrativa Espesiál Oe-Cusse Ambeno
Governu ho Autoridade Rajiaun Administrativa Espesiál Oe-Cusse, Ambeno asina Protokolu Ezekusaun Transferénsia Provizaun Orsamentu Jerál Estadu nian, ne’ebé destina ba Orsamentu Rejiaun Administrativa Espesiál Oe-Cusse, Ambeno, iha loron 4, Fulan Agosto, iha Palásiu Governu, iha Dili.
Verba ne’ebé tama iha orsamentu Prezidénsia Konsellu Ministrus nian, hosi Orsamentu Jerál Estadu ba Tinan Fiskal ida ne’e nian, ne’ebé hetan rúbrika “Projektu Zona Espesiál Ekonomia Sosiál Merkadu nian”, hamutuk US$20.500.000,00 (millaun-ruanulu-no-rihun-atus-lima Osan Dólar Amerikanu).
Estatutu Rejiaun Oe-Cusse Ambeno ho kriasaun Autoridade ne’e, hetan aprovasaun iha fulan Juñu tinan ida ne’e. Transferénsia verba ida ne’e, Autoridade Rejiaun Administrativa Espesiál Oe-Cusse Ambeno nian mak husu hodi-bele ezekuta ninia orsamentu.
