Timor-Leste asina Akordu ho Guiné-Bissau, Portugal no São Tomé e Príncipe
Iha tersa-feira, loron 22 fulan Jullu, Repúblika Demokrátika Timor-Leste nian asina ona Akordu Kooperasaun rua iha área Finansas Públikas, ida ho Repúblika Guiné-Bissau no ida seluk ho Repúblika Demokrátika Saõ Tomé e Príncipe, no protokolu ida, ne’ebé aprova Programa Integradu kona-ba Parseria iha Asisténsia Téknika iha área Finansas Públikas ho Repúblika Portugeza.
Akordu Kooperasaun nian sira iha área Finansas Públikas, ne’ebé assina ho Guiné-Bissau no Saõ Tome e Príncipe, ninia objetivu atu dezenvolve programa kooperasaun nian ida no asisténsia téknika iha área ne’e.
Iha mós área Finansas Públikas nian, Protokolu ne’ebé aprova Programa Integradu kona-ba Parseira iha Asisténsia Téknika (2014-2018), ne’ebé asina ho Portugal, ninia objetivu atu kontribui hodi hasa’e kapasidade Téknika servisu no funsionáriu sira husi Ministériu Finansas Timor-Leste nian.
Ministra Finansas, Emília Pires, asina akordu hirak ne’e nu’udar reprezentante Repúblika Demokrátika Timor-Leste nian. Guine-Bissau reprezenta husi ninia Ministru Ekonomia no Finansas, Geraldo João Martins, no São Tomé e Principe husi ninia Ministru Finansas, Hélio Almeida Ginesio. Protokolu ho Portugal asina husi Sekretáriu Estadu Asuntu Fiskal, Paulo Núncio, no husi Diretór Gabinete Planeamentu, Estratéjia, Avaliasaun no Relasaun Internasionál Ministeriu Finansas, Álvaro Matias.
