Tour de Timor 2016
Halai-taru bisikleta iha territóriu nasionál tomak.
Hahú husi loron 13 to’o 17 fulan-setembru
Serimónia abertura: Tuku 7.00 dader, Palásio Governu nian
Iha loron 7 fulan-juñu, aprezenta ofisialmente husi Sekretáriu Estadu Juventude no Desportu nian, Leovigildo da Costa Hornai, no husi antigu Prezidente Repúblika, José Ramos Horta, Halai-taru bisikleta nasionál Tour de Timor ne’e sei hala’o durante loron lima, ho etapa hirak tuirmai ne’e:
- Etapa dahuluk: husi Dili ba Manatutu, liuhusi Postu Administrativu Remexiu (Aileu) no Laklo (Manatutu), ho distánsia hamutuk kilómetru 82,5;
- Etapa daruak: husi Manatutu ba Postu Administrativu Kelikai (Baukau), ho distánsia hamutuk kilómetru 92,5;
- Etapa datoluk: husi Postu Administrativu Kelikai (Baukau) ba Postu Administrativu Iliomar (Lautén) liuhusi Postu Administrativu Uatulari iha Uatukarbau (Vikeke) ho distánsia hamutuk kilómetru 83,5;
- Etapa dahaat: husi Postu Administrativu Iliomar (Lautén) ba Lospalos, ho distánsia hamutuk kilómetru 104;
- Etapa dalimak: husi Lospalos ba Baukau, ho distánsia hamutuk kilómetru 87.
Atu hatene liután informasaun kona-ba eventu ne’e, bele konsulta iha www.tourdetimorlorosae.com
