Konsellu Ministru V Governo Constitucional nian
- Konsellu Ministru kompostu hosi Primeiru-Ministru, Vise-Primeiru-Ministru no hosi Ministru sira
- Hola parte iha Konsellu Ministru, maibé la iha direitu ba votu, maka Sekretáriu Estadu Konsellu Ministru.
- Vise-Ministru no Sekretáriu Estadu sira seluk ne’ebé mak iha kazu balun hetan konvite liuhosi indikasaun Primeiru-Ministru nian bele mós hola parte iha Konsellu Ministru, maibé la iha direitu ba votu, exetu bainhira sira troka Ministru ne’ebé maka sira fó tulun ba.
- Konsellu Ministru de’it maka bele aprova, liuhosi rezolusaun, regra hirak kona-ba ninia organizasaun no funsionamentu.
- Konsellu Ministru de’it maka bele desidi mós kona-ba atu harii komisaun, permanente ka eventuál sira, atu hodi analiza projetu hirak kona-ba aktu lejislativu ka polítiku sira, ka atu aprezenta rekomendasaun sira ba Konsellu.
Halo parte iha Governu Ministru hirak tuir mai:
- Ministru Estadu no ba Prezidénsia Konsellu Ministru nian;
- Ministru Estadu no Negósiu Estranjeiru no Kooperasaun;
- Ministru Defeza no Seguransa;
- Ministru Finansa;
- Ministru Justisa;
- Ministru Saúde;
- Ministru Edukasaun;
- Ministru Administrasaun Estatál;
- Ministru Komérsiu, Indústria no Ambiente;
- Ministru Solidariedade Sosiál;
- Ministru Obra Públika;
- Ministru Transporte no Komunikasaun;
- Ministru Agrikultura no Peska;
- Ministru Turizmu;
- Ministru Mina-rai no Rekursu Minerál
Tuir Dekretu-Lei nº 41/2012, 7 Setembru, “Orgánika Governu Konstitusionál da-V” – Ne’ebé publika iha Jornál Repúblika nº 30 A, 1ª Série de 2012.