Fotografia
MAPKOMS husu ofisiál média sira atu promove servisu Governu iha Portál Governu
MAPKOMS husu ofisiál média sira atu promove servisu Governu iha Portál GovernuOfisiál komunikasaun sosiál sira labele promove de’it atividade Governu iha portál Ministériu nian, maibé tenki fó uluk prioridade ba portál Governu.
Afirmasaun ne’e hato’o husi Ministru Asuntu Parlamentár no Komunikasaun Sosiál, Fransisco Jerónimo, iha sorumutu trimestrál média officer ne’ebé hala’o iha kuarta-feira, loron 01 fulan-jullu tinan 2020, iha Auditóriu Prezidénsia Konsellu Ministru, iha Palásiu Governu, Díli.
“Ha’u hanoin prioridade ne’ebé Ita-Boot sira tenki halo maka informasaun hotu Governu nian tenki atualiza lor-loron iha Portál Governu tamba Portál ne’e Governu nian no labele fó uluk prioridade ba Ita- Boot sira nia Ministériu’’, afirma MAPKOMS.
Francisco Jerónimo haktuir média officer hanesan xave hodi divulga prestasaun servisu Governu nian atu nune’e públiku bele akompaña atividade saida de’it maka Governu halo.
“Tenki tau importánsia ba servisu média officer tamba sira maka sai hanesan xave ne’ebé bele hatudu Governu nia kbiit no rezultadu servisu”, tenik líder ezekutivu MAPKOMS.
Iha enkontru ne’e, Ministru Asuntu Parlamentár no Komunikasaun Sosiál hateten média officer sira tenki hala’o servisu no tenki disemina atividade hotu ne’ebé Ministériu hala’o hahú husi Ministériu to’o nível diresaun atu nune’e públiku bele hatene servisu Governu nian tanba papél média officer la’os hasai de’it fotografia, maibé tenki hala’o mós kna’ar hanesan jornalista hodi atualiza loron-loron informasaun hotu relasiona ho atividade Ministériu nian.
Iha biban ne’e, Diretór Nasionál Diseminasaun Informasaun-DNDI, Estêvão Belo, haktuir objetivu husi enkontru ne’e atu atualiza informasaun ba média officer sira kona-ba oinsá kontribui notísia ba iha portál Governu liuliu atividade sira ne’ebé hala’o husi membru Governu sira.
Enkontru ne’ebé organiza husi Diresaun Nasionál Diseminasaun Informasaun-DNDI ne’e partisipa husi média officer sira husi kada Ministériu no Sekretaria Estadu no funsionáriu MAPKOMS.
Afirmasaun ne’e hato’o husi Ministru Asuntu Parlamentár no Komunikasaun Sosiál, Fransisco Jerónimo, iha sorumutu trimestrál média officer ne’ebé hala’o iha kuarta-feira, loron 01 fulan-jullu tinan 2020, iha Auditóriu Prezidénsia Konsellu Ministru, iha Palásiu Governu, Díli.
“Ha’u hanoin prioridade ne’ebé Ita-Boot sira tenki halo maka informasaun hotu Governu nian tenki atualiza lor-loron iha Portál Governu tamba Portál ne’e Governu nian no labele fó uluk prioridade ba Ita- Boot sira nia Ministériu’’, afirma MAPKOMS.
Francisco Jerónimo haktuir média officer hanesan xave hodi divulga prestasaun servisu Governu nian atu nune’e públiku bele akompaña atividade saida de’it maka Governu halo.
“Tenki tau importánsia ba servisu média officer tamba sira maka sai hanesan xave ne’ebé bele hatudu Governu nia kbiit no rezultadu servisu”, tenik líder ezekutivu MAPKOMS.
Iha enkontru ne’e, Ministru Asuntu Parlamentár no Komunikasaun Sosiál hateten média officer sira tenki hala’o servisu no tenki disemina atividade hotu ne’ebé Ministériu hala’o hahú husi Ministériu to’o nível diresaun atu nune’e públiku bele hatene servisu Governu nian tanba papél média officer la’os hasai de’it fotografia, maibé tenki hala’o mós kna’ar hanesan jornalista hodi atualiza loron-loron informasaun hotu relasiona ho atividade Ministériu nian.
Iha biban ne’e, Diretór Nasionál Diseminasaun Informasaun-DNDI, Estêvão Belo, haktuir objetivu husi enkontru ne’e atu atualiza informasaun ba média officer sira kona-ba oinsá kontribui notísia ba iha portál Governu liuliu atividade sira ne’ebé hala’o husi membru Governu sira.
Enkontru ne’ebé organiza husi Diresaun Nasionál Diseminasaun Informasaun-DNDI ne’e partisipa husi média officer sira husi kada Ministériu no Sekretaria Estadu no funsionáriu MAPKOMS.
Albuns
