Primeiru-Ministru no Prezidente Repúblika debate Orsamentu no Eleisaun sira
Primeiru-Ministru no Prezidente Repúblika debate Orsamentu no Eleisaun siraIha loron 6 fulan-abril tinan 2017, Primeiru-Ministru, Rui Maria de Araújo, hasoru malu ho Prezidente Repúblika, iha Palásiu Prezidensiál Nicolau Lobato, iha Dili.
Na’i-ulun boot rua nasaun nian ne’e, analiza kona-ba ezekusaun Orsamentu Jerál Estadu (OJE) nian no preparativu sira ba eleisaun lejislativa oin mai. Relasiona ba ezekusaun OJE ne’e, Xefe Ezekutivu informa ba Xefe Estadu katak órgaun soberanu haat ne’e – Prezidente Repúblika, Parlamentu Nasionál, Governu no Tribunál sira – katak to’o iha finál fulan-marsu, ezekuta tiha ona 25% husi OJE.
Kona-ba eleisaun lejislativa oin mai, Rui Maria de Araújo informa katak Governu disidi ona kalendáriu ida ba resenseamentu eleitorál nian, hodi halo atualizasaun ba baze dadus sidadasaun eleitór sira nian. Prosesu ida ne’e, sei hahú iha loron 8 fulan-abril no sei hanaruk tan to’o loron 26 fulan-maiu tinan 2017. Primeiru-Ministru hatete katak sei hein atu Prezidente Repúblika dekreta loron hodi hala’o eleisaun lejislativa.
